![[object Object],[object Object]](https://media.sdbb.ch/transform/47bf427b-2f3a-4c96-8927-5fc50427cef1/Electricienne-AD-040-jpg?io=transform:fill,width:740,height:490)
Sco electricista u electricist da rait construeschas e mantegnas ti indrizs per distribuir energia electrica, p.ex. conducts libers, illuminaziuns publicas e raits da communicaziun. Ti procuras ch'ils trens u ils trams, las fatschentas u ils edifizis vegnian provedids cun electricitad en moda segira e fidada u che las colliaziuns da telefon e d'internet funcziunian.
Incumbensas
- metter e mantegnair lingias da bassa e d'auta tensiun
- montar e mantegnair conducts libers, pia las lingias electricas vi da pitgas
- construir e mantegnair cabinas da distribuziun da cabels, staziuns da transfurmaziun u da cumond per colliaziuns electricas
- construir e mantegnair illuminaziuns da vias
- montar lingias da restituziun d'electricitad ed indrizs da protecziun electrics e colliaziuns cun la terra
- far mesiras da controlla e metter en funcziun ils stabiliments
- garantir il provediment cun electricitad per trens, bus e trams
- construir e mantegnair lingias da cabel e da contact per ils meds da transport publics
- plazzar pitgas cun agid da sugas e da francaziuns e colliar quellas cun las lingias d'electricitad
- controllar e mantegnair las lingias electricas
- montar lingias da restituziun d'electricitad ed indrizs da protecziun electrics e colliaziuns cun la terra
- far mesiras da controlla e metter en funcziun ils stabiliments
- metter fibras da vaider u cabels d'arom per raits da telecommunicaziun
- colliar cabels in cun l'auter e colliar cun bischlas da contact
- far mesiraziuns e controllas da qualitad
- far montaschas per vischnancas sco er per interpresas da telecommunicaziun e per interpresas dal provediment d'energia
- identifitgar ed eliminar disturbis
Ambient da lavur
Sco electricista u electricist da rait lavuras ti en teams e lavuras en stabiliments da distribuziun u al liber, e quai da tutt'aura. Tar tschertas lavurs portas ti ina chapellina ed es segirada u segirà tar lavurs en gronda autezza. Tias uras da lavur èn per regla regularas, nun che ti stoppias eliminar uschè svelt sco pussaivel in disturbi. Lavurs vi da las raits dal traffic public vegnan savens fatgas durant la notg, per ch'il traffic public funcziunia durant il di.
Ti lavuras en interpresas che produceschan e che distribueschan energia electrica, sco er en interpresas da transport, da telecommunicaziun u en ovras electricas sin plaun communal u chantunal. Pervia dal svilup tecnologic e pervia dal basegn pli e pli grond d'electricitad èn tias perspectivas sin il martgà da lavur bunas. Suenter intgins onns d'experientscha professiunala pos ti surpigliar posiziuns da responsabladad en l'interpresa, p.ex. sco manadra da team u manader da project.
Pretensiuns e interess
- Senza sturnizi
- Abilitad da lavurar en in team
- Prontezza d'esser savens sin viadi
- Inschign manual
- Chapientscha tecnica
- Nagins disturbis da vesair colurs
- Resistenza corporala
- Senn da responsabladad
- Lavurar en il liber
- Esser corporalmain activ
- S'occupar cun electricitad ed electronica
Scolaziun
Furmaziun pratica en interpresas d'electricitad u da telecommunicaziun, interpresas da transport sco er firmas per la construcziun da cabels, da lingias d'electricitad e da conducts libers: 4 dis per emna
1 di per emna en las scolas professiunalas spezialisadas chantunalas
En plirs chantuns: 40 dis durant 3 onns
3 onns
- Energia
- Lingias electricas
- Telecommunicaziun
Terminà scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Electricist / Electricista da rait AFQ
Furmaziun cuntinuonta
Curs
Purschidas da l'Uniun dals transports publics (UTP)
Examen professiunal (EP)
- Spezialist / Spezialista da rait EP
Examen professiunal superiur (EPS)
- Maister electricist / Maistra electricista da rait EPS
Scola spezialisada superiura (SSS)
- Electrotecnicist / Electrotecnicista SSS
Scola auta spezialisada (SAS)
- Bachelor of science en electrotecnica
Tut tenor la scola auta spezialisada valan differentas cundiziuns d'admissiun.
Professiuns sumegliantas
