Informaticra d'edifizis AFQ
Informaticher d'edifizis AFQ
Correspunda questa professiun a mai?1. onn d’emprendissadi: CHF 850.–
2. onn d’emprendissadi: CHF 1200.–
3. onn d’emprendissadi: CHF 1400.–
4. onn d’emprendissadi: CHF 1600.–
Sco informaticra u informaticher d'edifizis planiseschas, installeschas e reguleschas ti sistems da l'automatisaziun d'edifizis, da communicaziun e da multimedia. Ti endrizzas raits da datas e collias in cun l'auter differents sistems da la tecnica d'edifizis, sco p.ex. l'illuminaziun, il stgaudament u la ventilaziun.
Incumbensas
- prender encunter ils giavischs da la clientella e discurrer davart l'incumbensa
- cun la direcziun dal project
- elavurar in carnet d'obligaziuns tar incumbensas e projects sco er fixar e controllar en quels las pretensiuns tecnicas, la segirezza dad IT e la protecziun da datas
- planisar projects simpels
- calcular ils custs ed empustar il material
- elavurar soluziuns, visualisar e preschentar ils plans
- controllar ils plans da custs e da termins dals projects
- installar raits da datas per sistems da l'automatisaziun d'edifizis, sco p.ex. stgaudaments, indrizs da sfradentar e da ventilaziun
- installar sistems da segirezza d'edifizis, p.ex. per la protecziun cunter incendis
- crear ed installar interfatschas tranter las differentas cumponentas e raits da datas
- programmar u adattar ils programs ch'èn necessaris per utilisar il sistem
- procurar ch'ils sistems sajan segirs e che la protecziun da datas vegnia observada
- testar e metter en funcziun sistems da l'automatisaziun d'edifizis
- colliar sistems da communicaziun e da multimedia en conturns privats e professiunals
- far mesiraziuns, p.ex. da la colliaziun da LAN, ed eliminar disturbis
- garantir ch'ils apparats sco tablets, moniturs e computers funcziunian
- installar, endrizzar e testar las cumponentas per sistems da communicaziun e da multimedia
- scolar las utilisadras ed ils utilisaders en il diever dals indrizs / mussar a las utilisadras ed als utilisaders dals indrizs, co ch'els funcziunan
- far tests per projects
- controllar las pretensiuns tecnicas, la segirezza dad IT e la protecziun da datas
- elavurar e tgirar las documentaziuns dals indrizs e scriver instrucziuns da diever
- protocollar ils resultats da test e da mesiraziun
- scriver rapports da lavur
Ambient da lavur
Sco informaticra u informaticher d'edifizis lavuras ti savens en pitschens teams e survegns tias incumbensas da la direcziun dal project u directamain da la clientella. Ti es regularmain en viadi. Tut tenor manaschi prestas ti er servetsch da notg, da fin d'emna u da pichet.
Ti lavuras en interpresas d'installaziuns electricas, da telecommunicaziun, da multimedia u da tecnica d'edifizis. Perquai ch'ils sistems da l'automatisaziun d'edifizis, da communicaziun e da multimedia sa sviluppan vinavant svelt, stos ti ta perfecziunar regularmain. Sin il martgà da lavur èn las persunas spezialisadas dumandadas.
Pretensiuns e interess
- Chapientscha tecnica
- Dun per cifras
- Abilitad da s'adattar a novas tecnologias
- Imaginaziun tridimensiunala
- Prontezza d'esser savens sin viadi
- Moda da lavurar sistematica
- Abilitad da planisar e d'organisar
- Plaschair dal contact cun glieud
- Schliar incumbensas tecnicas
- S'occupar cun electricitad ed electronica
- Planisar, organisar
- Lavurar al computer
Scolaziun
Furmaziun pratica en in manaschi da l'informatica d'edifizis: 3 fin 4 dis per emna
1 fin 2 dis per emna en las scolas professiunalas spezialisadas chantunalas
En plirs chantuns: 35 dis durant 4 onns
4 onns
- planisaziun
- automatisaziun d'edifizis
- communicaziun e multimedia
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Informaticher d'edifizis / Informaticra d'edifizis AFQ cun indicaziun dal sectur professiunal
Furmaziun cuntinuonta
Curs
Curs da la federaziun EIT.swiss e da suissetec
Examen professiunal (EP)
- ICT-Application Development Specialist EP
Examen professiunal superiur (EPS)
- Manager / Managera ICT EPS
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en informatica e sistems da communicaziun
- Bachelor of science en tecnica d'edifizis
- Bachelor of science en electrotecnica
Tut tenor la scola auta spezialisada valan differentas cundiziuns d'admissiun.
Professiuns sumegliantas
