![[object Object],[object Object]](https://media.sdbb.ch/transform/33fed7b5-0996-43de-84c5-bc8996769c24/Strassenbauerin-MS-137-jpg?io=transform:fill,width:740,height:490)
1. onn d’emprendissadi: CHF 800–1200.–
2. onn d’emprendissadi: CHF 1300–2000.–
3. onn d’emprendissadi: CHF 1800–2750.–
Sco constructura u constructur da vias construeschas e mantegnas ti vias, plazzas e sendas. Ti allontaneschas cuvridas veglias, preparas il fundament ed applitgeschas cuvridas da la via a maun u cun maschinas. Ti fineschas las vias e monteschas saivs directivas, chanals e giatters.
Incumbensas
- leger ils plans da construcziun
- planisar ils pass da lavur
- preparar e transportar il material e deponer sin il plazzal
- endrizzar apparats e maschinas
- segirar ils plazzals, p.ex. montar barrieras, saivs da segirezza, tavlas ed illuminaziun
- far marcaziuns, p.ex. per la via, sendas u la posiziun da tumbins
- allontanar terren, pia far foss cun palas u exchavaturs
- allontanar cuvridas veglias cun mogn d'aria cumprimida, sche vias èn donnegiadas
- segirar foss, p.ex. montar entuladas e tumbins da drenascha
- metter bischens e conducts per aua, electricitad u telecommunicaziun ed emplenir foss
- stabilisar, densifitgar e gulivar il terren
- far e cementar sendas e crappa da bordura
- metter cun maschinas ed utensils cuvridas da las vias, p.ex. glera u asfalt
- pressegiar cun la splattitscha cuvridas messas
- terminar vias, p.ex. montar saivs directivas, chanals e giatters
- metter en urden la plazza da lavur e dismetter ils ruments en moda ecologica
- applitgar las prescripziuns da segirezza e d'ambient
- scriver rapports da lavur
- mantegnair e reparar apparats ed utensils
Ambient da lavur
Sco constructura u constructur da vias lavuras ti sin plazzals da la construcziun da vias ed es da mintg'aura ora en il liber. I po capitar che ti stos lavurar la saira, la notg u las fins d'emna. Ti portas vestgadira da protecziun che dat en egl, chapellina, guants e chalzers rinforzads.
Ti lavuras en ina interpresa ch'è spezialisada sin construcziun da vias. Il martgà da lavur è bun. Suenter intgins onns experientscha professiunala e cun la furmaziun supplementara correspundenta pos ti surpigliar posiziuns directivas, p.ex. sco manadra da team u maister sondader.
Pretensiuns e interess
- Resistenza corporala
- Resistenza a la temperatura u a l'aura
- Inschign manual
- Abilitad da lavurar en in team
- Gronda toleranza da canera
- Prontezza d'esser savens sin viadi
- Perseveranza e capacitad da tegnair la dira
- Imaginaziun tridimensiunala
- Lavurar en il liber
- Esser corporalmain activ
- Lavurar cun maschinas
- Esser savens sin viadi
Scolaziun
Furmaziun pratica en ina interpresa da la construcziun da vias
Curs da bloc da 9 emnas per onn en la Scola professiunala spezialisada Verkehrswegbau (BFS) a Sursee (LU)
Scola professiunala spezialisada Verkehrswegbau (BFS) a Sursee: 50 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Constructur / Constructura da vias AFQ
Furmaziun cuntinuonta
Curs
Curs da la Societad svizra dals impressaris constructurs (SSIC)
Furmaziun fundamentala scursanida
Sco constructura u constructur da vias AFQ pos ti per regla far in emprendissadi scursanì da montadra u montader da binaris AFQ, sondadra u sondader AFQ, salaschadra u salaschader AFQ ubain tschentapalantschieus industrials e purtants AFQ.
Examen professiunal (EP)
- Polier constructur / Poliera constructura da vias EP
Examen professiunal superiur (EPS)
- Manader / Manadra da construcziun EPS
- Maister constructur / Maistra constructura EPS
Scola spezialisada superiura (SSS)
- Tecnicist / Tecnicista SSS Surveglianza da construcziun
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
Ulteriuras infurmaziuns
- Infra Suisse
Branchenorganisation der im Infrastrukturbau tätigen Unternehmen
- Schweizerischer Baumeisterverband (SBV): Ausbildung
- TODO