Practicista da construcziun da fatschadas AFP
Practicist da construcziun da fatschadas AFP
![[object Object],[object Object]](https://media.sdbb.ch/transform/e70b680c-52fe-467d-94c4-58f6bd87c78b/Facadiere-ML-019-jpg?io=transform:fill,width:740,height:490)
1. onn d’emprendissadi: CHF 900.–
2. onn d’emprendissadi: CHF 1100.–
Sco practicista u practicist da construcziun da fatschadas monteschas ti fatschadas da material sco metal, cement u vaider. Ti applitgeschas er isolaziuns termicas. Uschia gidas ti a proteger edifizis cunter il fraid, la chalur, l'umiditad e la canera ed a spargnar energia.
Incumbensas
- preparar il material, ils guaffens ed ils apparats tenor las instrucziuns
- chargiar e segirar ils vehichels
- transportar il material e deponer correctamain sin il plazzal
- gidar ad endrizzar las maschinas ed a segirar la plazza da lavur
- gidar a selecziunar il dretg material per las fatschadas, p.ex. cement, lain, metal u vaider
- mesirar las surfatschas da la fatschada, dissegnar simpels plans e tagliar il material
- montar fixaziuns per pudair installar vi da quellas ils elements da fatschada
- francar l'isolaziun termica
- montar ils elements da fatschada cun agid d'in struvader e d'ina pistola da guttas da rebatter
- demontar e remplazzar elements da fatschada ruts
- reparar e nettegiar fatschadas
- enconuscher ed observar las disposiziuns per la protecziun da las lavurantas e dals lavurants
- isolar sfessas
- far lavurs da finiziun vi da chavas e colliaziuns
- far urden sin il plazzal
- scriver rapports da lavur
- tegnair en urden ils guaffens ed ils apparats
- dismetter ils ruments en moda ecologica
Ambient da lavur
Sco practicista u practicist da construcziun da fatschadas lavuras ti sin plazzals ed es da mintga aura ora en il liber. Perquai portas ti in equipament da protecziun cun chapellina, guants e chalzers da segirezza. Tes temps da lavur èn regulars, pon dentant sa midar tut tenor la stagiun. La stad datti per regla dapli lavur che l'enviern.
Ti lavuras en manaschis da la branscha da mantelladas d'edifizis, p.ex. en ina interpresa cun ina partiziun da construcziun da fatschadas u en ina interpresa industriala che producescha material da construcziun. Perquai che la professiun è impurtanta per la strategia d'energia da la Confederaziun, è il martgà da lavur er bun en l'avegnir.
Pretensiuns e interess
- Senza sturnizi
- Inschign manual
- Imaginaziun tridimensiunala
- Abilitad da lavurar en in team
- Resistenza corporala
- Resistenza a la temperatura u a l'aura
- Prontezza d'esser savens sin viadi
- Lavurar en il liber
- Lavurar cun ils mauns
- Esser corporalmain activ
- Elavurar metal
Scolaziun
Furmaziun pratica en in manaschi da la branscha da mantelladas d'edifizis
Curs da bloc dad 8 emnas per onn al Center da furmaziun Polybau ad Uzwil (SG)
Uzwil: 20 dis durant 2 onns
2 onns
Terminà la scola obligatorica
Practicist / Practicista da construcziun da fatschadas AFP
Furmaziun cuntinuonta
Curs
Curs dal Center da furmaziun Polybau
Emprendissadi supplementar
Sco practicista u practicist da construcziun da fatschadas AFP pos ti per regla far in emprendissadi scursanì da constructura u constructur da fatschadas AFQ.
Professiuns sumegliantas
