Practicista da construcziun da puntanadas AFP
Practicist da construcziun da puntanadas AFP
![[object Object],[object Object]](https://media.sdbb.ch/transform/0405ce68-1782-4a76-9353-19d998beec6b/GB-SM-128-jpg?io=transform:fill,width:740,height:490)
1. onn d’emprendissadi: CHF 900.–
2. onn d’emprendissadi: CHF 1100.–
Sco practicista u practicist da construcziun da puntanadas construeschas ti puntanadas e tetgs provisorics. Ti gidas a construir las puntanadas per lavurs da construcziun vi d'edifizis, punts u turs. Ultra da quai plazzeschas ti punts per peduns sco er palcs e tribunas per occurrenzas.
Incumbensas
- preparar ils utensils, ils apparats e las parts da puntanadas tenor instrucziun
- chargiar e segirar ils vehichels
- transportar il material e deponer correctamain sin il plazzal
- gidar ad endrizzar las maschinas ed a segirar il plazzal, p.ex. bloccar l'access u montar tavlas
- infurmar la clientella davart las lavurs
- far skizzas da las lavurs
- montar puntanadas fixas e charrablas sin plazzals, p.ex. vi da fatschadas d'edifizis, clutgers, punts u tunnels
- crear plattafurmas, palcs e tribunas per festivals ed autras occurrenzas
- montar il rom da las puntanadas, fixar bischens d'atschal e rinforzaments en la dretga successiun
- fixar la puntanada vi da l'edifizi
- montar elements supplementars, p.ex. stgalas ed ascensurs
- metter si planas e stender raits da segirezza
- laschar controllar la montascha da la persuna responsabla e participar a la controlla finala
- demontar puntanadas ed auters elements tenor plan
- far urden sin il plazzal e nudar las lavurs liquidadas
- nettegiar tocs da puntanadas e d'utensils
- reparar, buglir u remplazzar parts ruttas
- dismetter ils ruments en moda ecologica
Ambient da lavur
Sco practicista u practicist da construcziun da puntanadas lavuras ti sin plazzals ed es da mintga aura ora en il liber. Perquai portas ti in equipament da protecziun cun chapellina, guants e chalzers da segirezza. En l'autezza ta segiras ti supplementarmain. Tes temps da lavur èn regulars, pon dentant sa midar tut tenor la stagiun. La stad datti per regla dapli lavur che l'enviern.
Ti lavuras en interpresas pitschnas u mesaunas. Quai èn ubain firmas da construcziun u manaschis ch'èn spezialisads sin puntanadas.
Pretensiuns e interess
- Senza sturnizi
- Inschign manual
- Abilitad da lavurar en in team
- Resistenza corporala
- Resistenza a la temperatura u a l'aura
- Prontezza d'esser savens sin viadi
- Lavurar en il liber
- Lavurar cun ils mauns
- Esser corporalmain activ
Scolaziun
Furmaziun pratica en in manaschi da la branscha da mantelladas d'edifizis
Curs da bloc dad 8 emnas per onn al Center da furmaziun Polybau ad Uzwil (SG)
Uzwil: 20 dis durant 2 onns
2 onns
Terminà la scola obligatorica
Practicist / Practicista da construcziun da puntanadas AFP
Furmaziun cuntinuonta
Curs
Curs dal Center da furmaziun Polybau
Emprendissadi supplementar
Sco practicista u practicist da construcziun da puntanadas AFP pos ti per regla far in emprendissadi scursanì da constructura u constructur da puntanadas.
Professiuns sumegliantas
