Montader d'implants solars AFP
Montadra d'implants solars AFP
![[object Object],[object Object]](https://media.sdbb.ch/transform/1b30e1f1-910c-484c-865e-a6b6a57738c1/MonteurSolaire_LV_014-jpg?io=transform:fill,width:740,height:490)
1. onn d’emprendissadi: CHF 900.–
2. onn d’emprendissadi: CHF 1100.–
Sco montadra u montader d'implants solars monteschas ed installeschas ti indrizs solars sin tetgs e vi da fatschadas. Ti controlleschas regularmain il stadi dals indrizs e reparas quels.
Incumbensas
- controllar las incumbensas e planisar las lavurs
- controllar e preparar il material ed ils apparats da lavur, p.ex. las maschinas da furar ed ils moduls solars
- entrar en contact cun la clientella
- far skizzas d'elements da construcziun simpels, p.ex. d'ina fixaziun da metal
- infurmar las persunas superiuras davart il stadi da las lavurs
- fixar la subconstrucziun sin il tetg, uschia che l'indriz solar po vegnir montà en moda segira e stabila
- montar ils moduls solars sin la subconstrucziun
- enconuscher e realisar las reglas da segirezza, p.ex. las reglas per lavurar sin ils tetgs
- collavurar cun cuvratetgs, lainarias ed installaturs d'implants solars
- controllar regularmain, sch'ils indrizs funcziunan
- nettegiar ils indrizs
- demontar ils indrizs, sch'els na vegnan betg pli duvrads u ston vegnir remplazzads
- dismetter en moda ecologica ils indrizs demontads
Ambient da lavur
Sco montadra u montader d'implants solars lavuras ti en il liber e bunamain da tutt'aura. Durant lavurar portas ti chapellina, chalzers da segirezza e guants. Ti lavuras en in team en l'aut sin tetgs, savens en posiziuns malempernaivlas. La stad datti per regla dapli lavur che l'enviern.
Ti lavuras en interpresas ch'èn sa spezialisadas sin il provediment d'energia: energia electrica u solara. La dumonda d'installaziuns solaras crescha, perquai èn tias perspectivas sin il martgà da lavur bunas.
Pretensiuns e interess
- Senza sturnizi
- Abilitad da lavurar en in team
- Imaginaziun tridimensiunala
- Prontezza d'esser savens sin viadi
- Inschign manual
- Resistenza a la temperatura u a l'aura
- Resistenza corporala
- Lavurar en il liber
- Esser corporalmain activ
- Lavurar cun ils mauns
Scolaziun
Furmaziun pratica en ina interpresa dal provediment d'energia, ina firma d'installaziun solara, ina firma d'installaziuns electricas u ina interpresa da la branscha solara
1 di per emna a la Scola tecnica spezialisada Berna u curs da bloc dad 8 emnas per onn en il Center da furmaziun Polybau ad Uzwil (SG) u a la Scola professiunala spezialisada artisanala a Grenchen (SO)
Uzwil: 20 dis durant 2 onns
2 onns
Terminà la scola obligatorica
Montader / Montadra d'implants solars AFP
Furmaziun cuntinuonta
Curs
Purschidas da l'associaziun Swissolar
Emprendissadi supplementar
Sco montadra e montader d'implants solars AFP pos ti per regla far in emprendissadi scursanì d'installatura u installatur d'implants solars AFQ.
Professiuns sumegliantas
Ulteriuras infurmaziuns
- Swissolar
Schweizerischer Branchenverband für Sonnenenergie
- Solarlehre
Informationen für Schüler/innen, Eltern und Berufsberater/innen
- TODO