Practicist d‘isolaziuns AFP
Practicista d‘isolaziuns AFP
![[object Object],[object Object]](https://media.sdbb.ch/transform/ae058507-7b91-4064-a341-2a5a40b9ea9e/Abdichter-JK-124-jpg?io=transform:fill,width:740,height:490)
1. onn d’emprendissadi: CHF 900.–
2. onn d’emprendissadi: CHF 1100.–
Sco practicista u practicist d'isolaziuns isoleschas ti tetgs, terrassas, tschalers e tunnels e staupas tals. Uschia procuras ti, che tals èn protegids cunter plievgia, chalur, fradaglia e canera. Ti reparas er isolaziuns ruttas.
Incumbensas
- gidar a selecziunar il dretg material, p.ex. asfalt u materia sintetica
- preparar il material, ils utensils ed ils apparats tenor instrucziun
- chargiar ed alura segirar ils vehichels cun material
- transportar il material e deponer sin il plazzal
- gidar ad endrizzar maschinas
- gidar a segirar il plazzal, p.ex. cun barrieras
- mesirar surfatschas, segnar e tagliar material d'isolaziun
- montar isolaziuns vi da tetgs, terrassas u paraids
- ir enturn correctamain cun substanzas privlusas e sa proteger tenor prescripziun a la lavur
- far lavurs vi da chavas e colliaziuns
- inverdir tetgs e terrassas
- far urden sin ils plazzals e scriver rapports
- allontanar, reparar u remplazzar il material rut
- isolar sfessas
- plazzar materia sintetica liquida en tschalers e vi da paraids
- tgirar utensils e maschinas ed als magasinar correctamain
- dismetter ils ruments en moda ecologica
Ambient da lavur
Sco practicista u practicist d'isolaziuns lavuras ti oravant tut sin plazzals al liber e savens en l'aut sin puntanadas. Là portas ti chapellina, egliers da protecziun, guants e chalzers rinforzads. Ti lavuras en teams ensemen cun isolaturas ed isolaturs che ta dattan incumbensas e che surveglian tia lavur. Ils temps da lavur èn per regla regulars, la stad datti dentant per regla dapli lavur che durant l'enviern.
Ti lavuras en interpresas pitschnas e mesaunas da la branscha da mantelladas d'edifizis.
Pretensiuns e interess
- Inschign manual
- Moda da lavurar conscienziusa ed exacta
- Abilitad da sa concentrar
- Senza sturnizi
- Resistenza corporala
- Resistenza a la temperatura u a l'aura
- Imaginaziun tridimensiunala
- Abilitad da lavurar en in team
- Lavurar cun ils mauns
- Esser corporalmain activ
- Lavurar en il liber
- Esser savens sin viadi
Scolaziun
La scolaziun vegn fatga sco emprendissadi en in manaschi.
Furmaziun pratica en in manaschi da la branscha da mantelladas d'edifizis.
Curs da bloc dad 8 emnas per onn a las scolas professiunalas ad Uzwil (SG).
Uzwil: 20 dis durant 2 onns
2 onns
Terminà la scola obligatorica
Practicist / Practicista d’isolaziuns AFP
Furmaziun cuntinuonta
Curs
Curs dal Center da furmaziun Polybau
Isolatur / Isolatura AFQ
Sco practicista u practicist d'isolaziuns AFP pos ti per regla far in emprendissadi scursanì dad isolatura u isolatur AFQ.
Professiuns sumegliantas
