![[object Object],[object Object]](https://media.sdbb.ch/transform/355dcd7e-12d1-4296-bba5-5c380596cbe3/Reifenpraktiker-NU-124-jpg?io=transform:fill,width:740,height:490)
1. onn d’emprendissadi: CHF 600–800.–
2. onn d’emprendissadi: CHF 700–1000.–
Practicists e practicistas da pneus AFP controlleschan pneus e rodas d'autos, camiuns, motos ed auters vehichels. Els midan e repareschan rodas e pneus a moda professiunala. Els fan era pitschnas lavurs da service vi dal vehichel.
Incumbensas
- cussegliar la clientella davart rodas e pneus
- giuditgar il stadi dals pneus e controllar la pressiun dals pneus
- infurmar sch'ils pneus u las rodas ston vegnir remplazzadas e inditgar ils custs
- mussar las differentas purschidas, p.ex. davart differents giavegls (atschal u aluminium) u pneus da stad u d'enviern
- vender accessoris sco chadainas da naiv
- magasinar a moda correcta ils pneus da la clientella
- demontar pneus e rodas
- reparar u remplazzar rodas e pneus
- far lavurs da nettegiament e pumpar ils pneus
- equilibrar las rodas e mirar ch'ellas van enturn gulivamain
- remplazzar ils pneus normals cun pneus pli lads
- dismetter ils pneus e las rodas veglias a moda adattada a l'ambient
- exequir lavurs simplas da controlla e da service, p. ex. la glisch ed ils frains e mesirar il livel d'emplenida da l'ieli
- mantegnair ils guaffens ed ils indrizs
- resguardar las prescripziuns da segirezza, da sanadad e da la protecziun da l'ambient
Ambient da lavur
Practicists e practicistas da pneus lavuran en commerzis spezialisads per pneus, en lavuratoris per service da pneus u en garaschas d'autos pli grondas. Per il solit è il temp da lavur regulars. Cun il cumenzament da l'enviern po i dar ch'els lavuran dentant dapli.
Pretensiuns e interess
- Inschign manual
- Chapientscha tecnica
- Moda da lavurar conscienziusa ed exacta
- Moda da lavurar sistematica
- Resistenza corporala
- Gronda toleranza da canera
- Moda da lavurar independenta
- Lavurar cun ils mauns
- Lavurar en moda exacta
- Lavurar cun maschinas
- Esser corporalmain activ
Scolaziun
En ina firma ch'è sa spezialisada en pneus u en ina garascha d'autos pli gronda
1 di l'emna a la scola professiunala
Lavurar ed exercitar a moda pratica vi da lavurs da basa
2 onns
Temp da scola obligatoric terminà
Practicist / Practicista da pneus AFP
Furmaziun cuntinuonta
Curs
Purschidas da scolas spezialisadas e professiunalas, associaziuns e produciders da rodas
Examen professiunal (EP)
P.ex. spezialist / spezialista da pneus cun certificat professiunal federal
Professiuns sumegliantas
