Resgiader en l'industria da laina AFQ
Resgiadra en l'industria da laina AFQ
Correspunda questa professiun a mai?![[object Object],[object Object]](https://media.sdbb.ch/transform/470c7a1b-e02e-46b0-9e35-a141d2daacdd/Holzindfachmann-LW-120-jpg?io=transform:fill,width:740,height:490)
1. onn d’emprendissadi: CHF 750.–
2. onn d’emprendissadi: CHF 1000.–
3. onn d’emprendissadi: CHF 1350.–
Resgiaders e resgiadras en l'industria da laina AFQ elavuran bists tar aissas, lattas, travs squadradas u auters products da laina. Els resgian, splanan e fresan la laina prima, collan singuls elements e guardan che las restanzas da lain vegnan duvradas cumplainamain. Els manevreschan cun indrizs moderns d'entagliar e da transport, magasineschan la laina a moda professiunala, preparan il transport e cusseglian la clientella.
Incumbensas
- cussegliar la clientella
- planisar e organisar cun ils superiurs e collavuraturs la producziun dals products da lain
- retschaiver la furniziun da la laina prima u dal lain gia elavurà, examinar la qualitad dal lain e giuditgar, tge lain ch'è adattà per tge product
- sortir e magasinar la furniziun
- garantir la segirezza al plaz da lavur
- preparar il lain per l'elavuraziun, allontanar la scorsa e resgiar ils bists en la dretga lunghezza
- transportar il lain cun meds d'agid (indrizs da transport, cranas) en la halla da resgiar
- elavurar la laina prima en la halla da resgiar (aissas, lattas, travs squadradas), programmar e manischar las maschinas da resgiar
- elavurar enavant la tocca da lain tagliada, embellir cun maschinas e guaffens, splanar e fresar, radundar ils urs e surcollar differents elements tar novs products, elavurar las surfatschas dals products da lain
- duvrar las restanzas dal lain, fabritgar novs products ord il rument da lain sco p.ex. pellets u plattas cumprimidas.
- sientar e magasinar a moda correcta ils products, sco er als preparar per la spediziun
- enconuscher e far diever da las perscripziuns per la segirezza da lavur e la protecziun da l'ambient, interprender immediatamain mesiras tar disturbis u cas urgents
- relevar e distribuir datas ed infurmaziuns en connex cun il lain u cun ils products da lain
- scriver rapports davart las incumbensas exequidas
- scrivan scrits da furniziun e dattan rapport da las lavurs exequidas
- mantegnair las maschinas ed ils indrizs tecnic e far pitschnas reparaturas
Ambient da lavur
L'industria da lain svizra crescha e la materia prima lain es favuraivla a l'ambient e schanegia il clima. Ord quai motiv èn ils resgiaders, las resgiadras en l'industria da lain tschertgads e la situaziun da plazzas d'emprendissadi è buna. Resgiaders e resgiadras en l'industria da laina lavuran per gronda part en resgias, dentant er en interpresas da splanar e da collar sco er en l'industria da laina.
I dat interpresas pitschnas cun paucs collavuraturs sco er interpresas grondas cun varga 100 emploiads. Savens èn ils manaschis datiers da guauds, pia situads plitost en regiuns ruralas. Il temps da lavur è per il solit regulars.
Pretensiuns e interess
- Abilitad da s'adattar a novas tecnologias
- Abilitad da lavurar en in team
- Dun per cifras
- Imaginaziun tridimensiunala
- Gronda toleranza da canera
- Inschign manual
- Resistenza corporala
- Esser corporalmain activ
- Lavurar cun ils mauns
- Schliar incumbensas tecnicas
- Elavurar lain
- Lavurar cun maschinas
Scolaziun
En ina resgia.
1 di l'emna a la scola professiunala.
Emprender ed exercitar a moda pratica las basas professiunalas, 32 dis durant 3 onns.
3 onns
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Resgiader / Resgiadra en l'industria da laina AFQ
Furmaziun cuntinuonta
Curs
Purschidas da scolas spezialisadas e professiunalas, dad associaziuns da la branscha e da la scola auta spezialisada da Bienna, direcziun lain
Examen professiunal (EP)
Spezialist / spezialista da laina
Scola spezialisada superiura (SSS)
Tecnicist / tecnicista dipl. SSS tecnica da lain, approfundaziun en l'industria da laina
Scola auta spezialisada (SAS)
Bachelor of Science (SAS) en tecnica da laina. Tut tenor scola auta spezialisada valan differentas cundiziuns d'admissiun.
Professiuns sumegliantas
