Constructur da puntanadas AFQ
Constructura da puntanadas AFQ
![[object Object],[object Object]](https://media.sdbb.ch/transform/6334f9eb-5e10-4c01-86f7-06a1517e5af7/08_Echafaudeur-jpg?io=transform:fill,width:740,height:490)
1. onn d’emprendissadi: CHF 1000.–
2. onn d’emprendissadi: CHF 1200.–
3. onn d’emprendissadi: CHF 1400.–
Sco constructura u constructur da puntanadas monteschas e demonteschas ti puntanadas e tetgs provisorics. Quests objects vegnan duvrads per edifizis novs e per renovaziuns d'edifizis e da construcziuns sco punts, tunnels u turs. Ti endrizzas er plattafurmas, punts per peduns sco er palcs e tribunas per occurrenzas.
Incumbensas
- leger plans e visitar il plazzal
- far skizzas e nudar mesiras
- giuditgar e calcular il fundament, quant ch'il terren e la puntanada pon purtar
- fixar, tge tip da puntanadas che vegn duvrà, p.ex. puntanada da fatschada
- planisar l'andament da las lavurs da montascha e resguardar en quest connex la segirezza e las lavurs d'autras persunas da professiun
- infurmar la clientella davart las lavurs vi da la mantellada d'in edifizi
- chargiar en moda segira, transportar e deponer il material sin il plazzal
- controllar e metter a disposiziun il material ed ils apparats da lavur
- endrizzar la plazza da lavur per lavurs vi da puntanadas
- endrizzar l'ascensur u la plattafurma idraulica per auzar il material
- barricadar e segirar il plazzal, p.ex. montar barrieras e tavlas da traffic
- calcular, quanta paisa ch'ina puntanada dastga purtar e sch'il terren è stabil avunda
- construir puntanadas fixas u charrablas per fatschadas, turs, chamins u stgalas
- montar roms da puntanadas e bischens d'atschal, montar passadis, pitgas e traversas e fixar la puntanada vi da l'edifizi
- endrizzar plattafurmas da lavur, spundas, stgalas ed access d'urgenza
- duvrar ascensurs, indrizs d'auzar u cranas per transportar material e persunas
- construir tetgs da protecziun, plans da protecziun, raits sco er passadis segirs per peduns
- eriger palcs e tribunas per occurrenzas
- resguardar las disposiziuns da segirezza
- controllar la montascha e far rapports
- demontar puntanadas e punts auxiliaras en la successiun previsa e transportar quellas a la halla da deposit
- mantegnair e nettegiar ils elements da construcziun ed ils utensils
- dismetter ils ruments en moda ecologica
Ambient da lavur
Sco montadra u montader da puntanadas lavuras ti sin plazzals da mintg'aura. Ti portas in equipament da protecziun cun chapellina, guants e chalzers da segirezza. En l'autezza ta segiras ti supplementarmain. Tes temps da lavur èn regulars, pon dentant sa midar tut tenor la stagiun. La stad datti per regla dapli lavur che l'enviern.
Ti lavuras en manaschis da la branscha da puntanadas u en ina interpresa da construcziun, savens en interpresas pitschnas u mesaunas. Suenter in'experientscha professiunala d'intgins onns pos ti surpigliar posiziuns da gronda responsabladad, p.ex. sco manadra da plazzal u manader da project.
Pretensiuns e interess
- Senza sturnizi
- Inschign manual
- Abilitad da lavurar en in team
- Resistenza corporala
- Resistenza a la temperatura u a l'aura
- Prontezza d'esser savens sin viadi
- Imaginaziun tridimensiunala
- Lavurar en il liber
- Lavurar cun ils mauns
- Esser corporalmain activ
Scolaziun
Furmaziun pratica en in manaschi da la branscha da mantelladas d'edifizis
Curs da bloc dad 8 emnas per onn al Center da furmaziun Polybau ad Uzwil (SG)
Uzwil: 35 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Constructur / Constructura da puntanadas AFQ
Furmaziun cuntinuonta
Curs
Curs dal Center da furmaziun Polybau
Emprendissadi supplementar
Sco constructura u constructur da puntanadas pos ti far in emprendissadi scursanì dad isolatura u isolatur AFQ, cuvratetgs AFQ, constructura u constructura da fatschadas AFQ, installatura u installatur d'implants solars AFQ u da spezialista u spezialist per tecnica da parasulegl e storas AFQ.
Certificat da branscha / furmaziun supplementara specifica
- Manader / Manadra da gruppa construcziun da puntanadas, diplom Center da furmaziun Polybau
Examen professiunal (EP)
- Manader / Manadra da construcziun mantellada d'edifizis EP
Examen professiunal superiur (EPS)
- Maister / Maistra mantellada d'edifizis EPS
Scola spezialisada superiura (SSS)
- Tecnicist / Tecnicista SSS surveglianza da construcziun
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
