Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Cuvratetgs AFQ

Cuvratetgs èn responsabels che edifizis daventian resistents al vent ed a l’aura. Els cuvran tetgs spundivs cun differentas materialias, installeschan lucarnas, construeschan isolaziuns cunter la chalur, isoleschan passagis e monteschan implants solars.

Lavurs

Cuvratetgs  isoleschan e cuvran tetgs spundivs cun quadrels da terracotga, fibrocement, metal u plattamorta natirala. Cun lavur da precisiun protegian els l’edifizi cunter l’umiditad, cunter il fraid e cunter la chalur. In tetg bain isolà è essenzial per reducir il consum d’energia.

Cuvratetgs lavuran independentamain u en in team. Avant che tschentar il material da cuvrida construeschan els tetgs pers ed isolaziuns cunter la chalur. Uschia procuran els che la chalur resta la stad ordadora e l’enviern endadens. Cun agid da barrieras da vapur eviteschan els ch'i possia entrar aua condensada donnegiusa en la tocca da construcziun.

Durant la fasa da preparaziun endrizzan cuvratetgs il plazzal ed organiseschan il process da lavur. Els legian plans e dissegns e calculeschan sa basond sin quels la quantitad dal material che vegn utilisà per l’incumbensa. En cas da basegn  creeschan els sezs skizzas, plans e dissegns.

Tetgs pon esser bunas funtaunas per la producziun d’energia solara. Cuvratetgs han perquai las enconuschientschas professiunalas davart la montascha da moduls solars. Els monteschan implants solars ed als preparan per l’installaziun.

Cuvratetgs lavuran a l’autezza. Els enconuschan ils privels dal plazzal e resguardan adina las prescripziuns davart la segirezza da la lavur e la prevenziun d’accidents.

Scolaziun

Basa legala

Ordinaziun federala 21-10-2016 (versiun dal 1-1-2018)

Durada

3 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a las scolas professiunalas ad Uzwil/SG u a les Paccots/FR

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems sin paraids e mirs exteriurs
  • planisaziun e preparaziun da las lavurs da cuvrida da tetg
  • tschentar, mantegnair e reparar ils sistems da tetg
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Cun fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "cuvratetgs AFQ"

Premissas

Furmaziun preliminara
  • scola obligatorica terminada cun pretensiuns mesaunas u grondas
Pretensiuns
  • senza sturnizi
  • inschign manual
  • abilitad da lavurar en in team
  • chapientscha pratica
  • chapientsch tecnica
  • imaginaziun dal spazi
  • buna constituziun corporala
  • agilitad

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era d'interpresas da la branscha da paraids e mirs exteriurs d’edifizis

Furmaziun da basa scursanida

emprendissadi supplementar d’in onn sco isolatur / isolatura AFQ, sco constructur / constructura da fatschadas AFQ u sco constructur / constructura da puntanadas AFQ
emprendissadi supplementar da dus onns sco montader / montadra da storas AFQ u sco toler / tolera AFQ

Examen professiunal (EP)

cun certificat professiunal federal: manader / manadra da construcziun da paraids e mirs exteriurs, cussegliader energetic / cussegliadra energetica en edifizis u manader / manadra da project en montascha solara

Examen professiunal superiur (EPS)

maister / maistra en policonstrucziun

Scola spezialisada superiura (SSS)

studis en champs parentads, p. ex. tecnicist / tecnicista dipl. SSS surveglianza da construcziun

Scola auta spezialisada (SAS)

studis en champs parentads, p. ex. Bachelor of Science SAS en inschigneria da construcziun (direcziun paraids e mirs exteriurs d'edifizis) a la Scola auta Lucerna

Cundiziuns da lavur

Cuvratetgs lavuran en manaschis da la branscha da paraids e mirs exteriurs d'edifizis u en manaschis maschadads (paraids e mirs exteriurs d’edifizis e tolaria). Quai èn per gronda part manaschis pitschens u mesauns.

Cuvratetgs pon era lavurar en manaschis industrials che fabritgeschan products per paraids e mirs exteriurs d'edifizis.

Ulteriuras infurmaziuns

Uniun Polybau
Lindenstr. 4
Chascha postala
9240 Uzwil
Tel: +41 71 955 70 41
URL: www.polybau.ch




berufsberatung.ch