Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Mittwoch, 14. November zwischen 18:00 Uhr und 21:00 Uhr zu einzelnen Ausfällen kommen.

Micromecanist / Micromecanista AFQ

Micromecanists e micromecanistas produceschan e monteschan tocca singula d’auta precisiun, prototips, serias e guaffens. Els lavuran cun guaffens a maun e maschinas dirigidas dal computer ch’els endrizzan e programmeschan.

Lavurs

Micromecanists e micromecanistas produceschan en lavur fitg precisa tocca singula ch’è savens fitg pitschna: utensils tecnics fins, parts dad uras e computers, instruments da mesirar e controllar, apparats e guaffens pitschens, protesas medicinal-tecnicas e.a.v.

Tut tenor product e dumber da la tocca elegian micromecanists in proceder da producziun adattà. Sco basa da lur lavur servan plans exacts. Durant elavurar quels prototips u pitschnas serias exclusivas resgian, furan, gliman, puleschan e fresan els cun guaffens a maun la tocca da metal u da materia sintetica. Tar tocca spezialmain delicata dovran els l’agid da maschinas dirigidas dal computer.

Tar serias pli grondas vegn la tocca tagliada ora. Micromecanists creeschan lura agens guaffens per stanzar ed endrizzan e programmeschan l’indriz da la producziun. Per il mantegniment da las maschinas èn er els responsabels.

Micromecanists examineschan la qualitad dals tocs en elavuraziun cun agid d’instruments da mesira e da controlla mecanics ed electronics. Els mesiran direzza, elasticitad sco er mesiraziuns e curregian eventualas malgulivezzas. Tscherta tocca tractan els cun chalira per far vegnir il material pli resistent, pli dir u pli lom. Els monteschan la tocca singula, examineschan ils prototips e fan las adattaziuns necessarias.

Durant construir ils prototips lavuran micromecanists sulets. Els sviluppeschan la moda optimala da realisar ils plans tecnics e resguardan plinavant soluziuns raziunalas per il process da producziun. En la producziun da serias mainan els savens in pitschen team da collavuraturs. Latiers èn els responsabels per l’organisaziun dals pass d’elavuraziun e surveglian e mantegnan ils indrizs da fabricaziun.

Durant la lavur resguardan micromecanists las prescripziuns da la da segirezza da lavur e da la protecziun da la sanadad e da l’ambient.

Scolaziun

Basa legala

Ordinaziun federala 13-11-2012

Durada

4 onns

Direcziuns

  • producir tocca en elavuraziun cun maschinas CNC
  • décolletage
  • guaffens da stanzar / furmas da cular
  • prototips

Furmaziun en la pratica

Emprendissadi a temp cumplain al center da professiun a Biel u en in dals paucs manaschis da la branscha da microtecnica che scoleschan emprendistas ed emprendists

Furmaziun en scola

1-2 dis per emna a la scola professiunala

Roms professiunals

  • basa tecnica (matematica, informatica, tecnica d’emprender e da lavurar, fisica)
  • englais tecnic
  • tecnica da materials e tecnica da furmaziun
  • tecnica da dissegn e da maschinas
  • electrotecnica e tecnica da regulaziun
  • projects interdisciplinars
  • Curs ordaifer il manaschi

    Tar differents temas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "micromecanist / micromecanista AFQ"

Premissas

Furmaziun preliminara
  • scola populara terminada
  • bunas prestaziuns en geometria, algebra, quint e dissegnar tecnic
  • examen d’admissiun
Pretensiuns
  • inschign manual
  • mauns inschignaivels e ruassaivels per lavurar a moda precisa
  • enclegientscha tecnica
  • interess vi da la lavur cun maschinas e computers
  • abilitad da leger plans e bun’imaginaziun spaziala
  • gronda abilitad da sa concentrar
  • pazienza e perseveranza
  • senn per urden e nettezza
  • buns egls (er vesida curregida)

Furmaziun supplementara

Curs

purschidas da scolas professiunalas e scolas spezialisadas

Examen professiunal (EP)

cun certificat professiunal federal: p.ex. spezialist / spezialista da process

Examen professiunal superiur (EPS)

maister / maistra d’industria

Scola spezialisada superiura (SSS)

p.ex. tecnicist diplomà / tecnicista diplomada SSS microtecnica, tecnicist diplomà / tecnicista diplomada SSS construcziun da maschinas

Scola auta spezialisada (SAS)

p.ex. Bachelor of Science (SAS) en microtecnica, Bachelor of Science (SAS) en tecnica da maschinas

Cundiziuns da lavur

Micromecanists pon lavurar en divers secturs e chattan engaschaments en tut ils secturs da l’industria che produceschan instruments d’auta precisiun: industria d’uras, construcziun da maschinas, construcziun d’aviuns e tecnica d’aviaziun, tecnica medicinala, telecommunicaziun, chemia t.a.

Las paucas plazzas d’emprendissadi en l’industria èn situadas en la regiun nua ch’uras vegnan producidas, pia tranter Genevra e Schaffusa. Là sa chattan er ils lavuratoris d’emprendissadi.

Ulteriuras infurmaziuns

Berufsbildungszentrum Biel
Technische Fachschule
Salzhausstr. 18
Postfach 4264
2500 Biel-Bienne 4
Tel: 032 344 38 11
URL: www.bbz-biel.ch

Arbeitgeberverband der schweiz. Uhrenindustrie
Avenue Léopold-Robert 65
Postfach
2301 La Chaux-de-Fonds
Tel: 032 910 03 83
URL: www.cpih.ch



berufsberatung.ch