Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Dissegnader / Dissegnadra da microtecnica AFQ

Dissegnaders e dissegnadras da microtecnica skizzeschan e dissegnan tocca en elavuraziun per branschas che lavuran cun tocs pitschens sco per exempel l’industria dad uras u la tecnica medicinala. Els dissegnan plans cun la software CAD, elegian materialias adattadas ed endrizzan maschinas.

Lavurs

Dissegnaders e dissegnadras da microtecnica elavuran dissegns tecnics e skizzas en 3D. Quellas servan sco basa per producir tocca fitg pitschna. Els fan per exempel plans da construcziun per guaffens da precisiun, cirquits, instruments da mesirar, barschuns da dents electrics ed auters products microtecnics. En l’industria dad uras dissegnan els ils plans per producir in’ura, en la tecnica medicinala dissegnan els las basas per apparats d’udida. Cunquai ch’els produceschan tocca fitg pitschna, lavuran  ils dissegnaders da microtecnica lavurar a moda ordvart precisa.

Durant l’entir process da creaziun d’in nov product èn dissegnaders da microtecnica involvids. Els sviluppan prototips e produceschan meds per la fabricaziun. Els elegian las maschinas adattadas, endrizzan ellas e surveglian la qualitad da l’elavuraziun. Ultra da quai planiseschan els il process da construcziun e documenteschan tut ils pass da lavur.

Dissegnaders da microtecnica intermedieschan tranter ils spezialists che skizzeschan ed ils spezialists che produceschan in product microtecnic. Els interpreteschan la proposta dals designers e dals inschigners ed elavuran soluziuns da construcziun correspundentas cun plans tecnics precis. Latiers resguardan els las normas legalas.

Dissegnaders da microtecnica dissegnan il pli savens plans da construcziun cun in program CAD. Ultra da quai redigian els documentaziuns tecnicas. Quellas vegnan agiuntadas sco manual u instrucziun da diever al product final.

Scolaziun

Basa legala

Ordinaziun federala 8-12-2014

Durada

4 onns

Direcziuns

  • guaffens da stanzar / furmas da cular
  • prototips

Furmaziun en la pratica

Emprendissadi a temp cumplain (tudestg-franzos) ubain al center da professiun a Biel ubain en in dals paucs manaschis da la branscha da microtecnica u dad uras che scoleschan emprendistas ed emprendists

Furmaziun en scola

per emprendistas ed emprendists da la svizra tudestga e rumantscha: 1½ dis per emna al center da professiun a Biel

Roms professiunals

  • construir tocca en elavuraziun
  • elavurar plans
  • sviluppar products
  • administrar e documentar projects

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "dissegnader / dissegnadra da microtecnica AFQ"

Premissas

Furmaziun preliminara
  • scola populara terminada
  • bunas prestaziuns en geometria, algebra, matematica e dissegnar tecnic
  • tscherts manaschis e scolas fan in examen d’admissiun
Pretensiuns
  • interess vi da matematica, dissegn tecnic e la lavur cun computers
  • interess vi da connexs tecnics e mecanica
  • senn da visualisaziun spaziala
  • patratgar abstract e logic
  • bun’imaginaziun spaziala
  • abilitad da lavurar a moda precisa
  • pazienza e perseveranza
  • abilitad da sa concentrar
  • persuna fidada
  • abilitad da lavurar en in team
  • talent d‘organisar

Furmaziun supplementara

Curs

purschidas da la federaziun dals patruns da l’industria svizra dad uras sco er da scolas spezialisadas e professiunalas

Examen professiunal (EP)

cun certificat professiunal federal: p.ex. spezialist / spezialista da process u commerziant tecnic / commerzianta tecnica

Examen professiunal superiur (EPS)

maister / maistra d’industria

Scola spezialisada superiura (SSS)

p.ex. tecnicist diplomà / tecnicista diplomada SSS microtecnica (furmaziun vegn mo purschida per franzos), tecnicist diplomà / tecnicista diplomada SSS construcziun da maschinas (approfundaziun tecnica da construcziun), creader diplomà / creadra diplomada SSS design industrial (approfundaziun Designer d'objets horlogers)

Scola auta spezialisada (SAS)

p.ex. Bachelor of Science (SAS) en microtecnica, Bachelor of Science (SAS) en tecnica da maschinas, Bachelor of Science (SAS) en design industrial

Cundiziuns da lavur

Dissegnaders da microtecnica chattan engaschaments en tut las branschas che produceschan instruments d’auta precisiun (industria d’uras, optica, robotica, tecnica d’aviaziun informatica, tecnica medicinala, tecnica medicinala, telecommunicaziun). Cun l’experientscha professiunala correspundenta pon els er lavurar sco constructur e manader da project u manader da partiziun.

La microtecnica è ina branscha che crescha e cun grond avegnir. Dissegnaders da microtecnica han bunas schanzas sin il martgà da lavur. Las paucas plazzas d’emprendissadi en l’industria èn situadas en la regiun nua ch’uras vegnan producidas, pia tranter Genevra e Schaffusa.

Ulteriuras infurmaziuns

Berufsbildungszentrum Biel
Technische Fachschule
Salzhausstr. 18
Postfach 4264
2500 Biel/Bienne
Tel: 032 344 38 11
URL: www.bbz-biel.ch

Arbeitgeberverband der schweiz. Uhrenindustrie
Avenue Léopold-Robert 65
Postfach
2301 La Chaux-de-Fonds
Tel: 032 910 03 83
URL: www.cpih.ch



berufsberatung.ch