Zum Titel springen

Electronist / Electronista da multimedia AFQ

Electronistas ed electronists da multimedia installeschan, mantegnan, vendan e reparan apparats da la branscha da multimedia. Els lavuran savens direct tar la clientella, dentant er en la vendita u en il lavuratori.

Lavurs

Els exequeschan suandantas lavurs:

En tut ils secturs
  • installar, configurar e mantegnair sco per exempel apparats da televisiun e da DVD, tablets, smartphones, indrizs da musica, da satellit, d'alarm e da surveglianza, computers cun apparats periferics sco stampaders u scanners
  • persequitar il svilup tecnologic
  • calcular ils custs per il material e per la lavur e scriver offertas
Accent vendita e servetsch
  • cussegliar la clientella a moda cumpetenta en tuttas dumondas
  • controllar apparats, analisar sbagls e far lavurs da servetsch e mantegniment
  • lavurar al lieu tar la clientella, en fatschenta u en il lavuratori
  • planisar soluziuns multimedialas en il lavuratori e far adattaziuns specificas per il client
Accent indrizs da recepziun e transmissiun
  • calcular, installar e mantegnair indrizs da cabels moderns e raits da transmissiun en edifizis
  • installar antennas, amplifitgar installaziuns existentas e metter en funcziun sistems da segirezza
Accent tecnica d'audio, video e segirezza
  • tgirar la tecnica d'events, da segirezza e da telematica ed installaziuns d'electronica, endrizzar per exempel conferenzas da video, installar indrizs da surveglianza u equipar occurrenzas grondas cun indrizs audiovisuals

Scolaziun

Durada

4 onns

Accents

  • vendita e service
  • indrizs da recepziun e da transport
  • tecnica d'audio u video e tecnica da segirezza

Furmaziun en la pratica

En ina fatschenta spezialisada per products d'electronica, ina firma da rait da cabels u da telecommunicaziun

Furmaziun en scola

2 dis l'emna a la scola professiunala durant ils emprims dus onns d'emprendissadi, 1 di l'emna en il 3. ed il 4. onn d'emprendissadi.

Roms professiunals

  • analisar e mesirar
  • organisar la lavur
  • cussegliar e vender
  • mantegnair, reparar e midar
  • installar e metter en funcziun
  • sviluppar e realisar projects da la clientella
  • communitgar en ina segunda lingua
  • Curs ordaifer il manaschi

    Emprender ed exercitar a moda pratica la basa professiunala (15-20 dis durant 4 onns)

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "electronist / electronista da multimedia AFQ"

Premissas

Furmaziun preliminara
  • temp da scola obligatoric terminà
Pretensiuns
  • enclegientscha tecnica
  • bunas enconuschientschas da la matematica
  • mauns inschignaivels per lavurar a moda precisa
  • pazienza e perseveranza
  • buna demananza
  • nagin disturbi da la vesida da colurs

Furmaziun supplementara

Curs

purschidas da la federaziun MMTS, da scolas professiunalas e spezialisadas

Examen professiunal (EP)

p.ex. electronist / electronista multimedia cun certificat professiunal federal (en elavuraziun), tecnicist / tecnicista d'occurrenzas cun certificat professiunal federal, tecnicist / tecnicista dal tun cun certificat professiunal federa

Scola spezialisada superiura (SSS)

tecnicist / tecnicista dipl. SSS, p.ex. cun accent electrotecnica, telecommunicaziun, informatica u medias

Scola auta spezialisada (SAS)

cun furmaziun supplementara correspundenta, p.ex. Bachelor SAS en electrotecnica, Bachelor SAS en telecommunicaziun, Bachelor SAS en informatica, Bachelor SAS en tecnica da sistems u Bachelor SAS  e mecantronica. Tut tenor scola auta spezialisada valan differentas cundiziuns d'admissiun.

Cundiziuns da lavur

Electronists ed electronistas da multimedia lavuran en tut ils secturs da la branscha da consumer-electronics sco er en ils secturs da la tecnica d'events, da segirezza e d'installaziun. Plazzas da lavur chattan els p.ex. en interpresas da radio e televisiun, interpresas per products da consumer-electronics, firmas da rait da cabels e da telecommunicaziun, firmas da la tecnica d'events e firmas da segirezza cun apparats electronics per la surveglianza. Pussaivel èsi era da lavurar independentamain u en secturs parentads sco la telematica u l'informatica.

Electronists da multimedia han bunas schanzas sin il martgà da lavur.

Ulteriuras infurmaziuns

MMTS-Berufsbildungszentrum
MultimediaTec Swiss
Niklaus-Wengi-Str. 25
Postfach 1311
Tel: +41 32 654 97 70
URL: www.mmts.ch




berufsberatung.ch