Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Electronist / Electronista AFQ

Electronists ed electronistas sviluppeschan e realiseschan hardware e software electronica. Els fabritgeschan products d’electronica e planiseschan e surveglian lur producziun. Els exequeschan lavurs da mesiraziun, controlla e mantegniment e mettan era en funcziun ils products.

Lavurs

Electronists ed electronistas fan part da la planisaziun, dal svilup, da la programmaziun e la fabricaziun da hardware e software electronica che vegn duvrada tar utensils dal tegnairchasa, tar electronica da divertiment, tar regulaziuns da la tecnica d’edifizis u tar implants da producziun. En collavuraziun cun autras persunas dal fatg mettan els en funcziun indrizs ed implants sco consolas da gieu, telecumonds, automats da banca u sistems da diriger trens.

Electronists lavuran savens en in team. Cura ch’els han surpiglià e sclerì l’incumbensa fan els part da l’elavuraziun ed il svilup d’ideas. Els optimeschan soluziuns existentas u sviluppeschan novas ideas en ils secturs da la tecnica da computer, da la tecnica d’experiments, da la tecnica da mesiraziun e regulaziun sco era per la fabricaziun da products electronics. La glieud da professiun analisescha p.ex. las funcziuns da schemas existents u elavurescha novs programs da computer.

Els sa participeschan dal svilup da hardware e software per regulaziuns. Electronists defineschan las structuras da la hardware resp. software al computer, construeschan skizzas graficas da la software e las transponan cun l’agid da linguatgs da programmar superiurs. Els controlleschan il funcziunament da las regulaziuns. Els mettan en scrit il process da svilup e cumponan ils documents tecnics appartegnents.

Electronists construeschan la hardware electronica e resguardan latiers aspects electrotecnics ed ecologics. Els preparan las lavurs da fabricaziun, monteschan e collian cumponentas e muneschan las plattinas da cirquits electronicas precisamain cun elements da construcziun electronics fitg pitschens. Per exequir questas lavurs dovran els tecnicas da colliaziun e da montascha sco lutegiar, struvegiar, colliar, perfurar u fresar.

Tar lur lavur tutga era la tecnica da mesiraziun e controlla: avant da metter en funcziun apparats electronics ed implants controlleschan ils electronists quels cun l’agid da proceders d’emprova adequats. Sch’i fa da basegn fabritgeschan els sezs ils apparats ed indrizs adequats. Els documenteschan las mesiraziuns e las emprovas en protocols e rapports.

Ulteriuras lavurs cumpiglian controllas da qualitad, la procuraziun da material, la rimnada e l’analisa da datas sco era il mantegniment e reparaturas. Durant la lavur protegian els lur sanadad sco era l’ambient e resguardan las prescripziuns da segirezza.

Scolaziun

Basa legala

Ordinaziun federala 3-11-2008, cun midadas dals 9-11-2015

Durada

4 onns

Furmaziun en la pratica

En in manaschi da l’industria da maschinas, metal u da l’electroindustria (industria MEM)

Furmaziun en scola

1-2 dis per emna a la scola professiunala

Roms professiunals

  • basa tecnica (matematica, informatica, tecnicas d’emprender e lavurar, fisica)
  • englais tecnic
  • tecnica da materials e tecnica da dissegn
  • electrotecnica
  • electronica
  • tecnica da hardware e software
  • projects interdisciplinars
  • Curs ordaifer il manaschi

    emprender ed exercitar la basa professiunalas en la pratica

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "electronist / electronista AFQ"

Premissas

Furmaziun preliminara
  • scola populara terminada
  • fitg bunas prestaziuns en mate-matica e fisica
Pretensiuns
  • enclegientscha per relaziuns abstractas
  • patratgar analitic
  • bun’imaginaziun spaziala
  • enclegientscha tecnica
  • interess vi da novas tecnologias
  • mauns inschignus per lavurs exactas
  • moda da lavurar exacta e con-scienziusa
  • pazienza, perseveranza e l’abilitad da sa concentrar
  • abilitad da lavurar en in team
  • fidadadad

Furmaziun supplementara

Curs

purschidas da scolas professiunalas e scolas spezialisadas superiuras sco era da la Swissmem Kaderschule e da Swissmechanic/ VMTW

Examen professiunal (EP)

cun certificat professiunal federal: p.ex. spezialist / spezialista d’automatica, tecnicist / tecnicista da sistems ICT, tecnicist / tecnicista da raits, electronist / electronista da multimedia, spezialist / spezialista da mantegniment, manader / manadra da project e da lavuratori en la construcziun d’indrizs da distribuziun, commerziant tecnic / commerzianta tecnica

Examen professiunal superiur (EPS)

p.ex. maister diplomà / maistra diplomada d’industria, manader diplomà / manadra diplomada da mantegniment

Scola spezialisada superiura (SSS)

p.ex. tecnicist diplomà / tecnicista diplomada SSS electrotecnica, tecnicist diplomà / tecnicista diplomada  SSS informatica, tecnicist diplomà / tecnicista diplomada SSS microtecnica, tecnicist diplomà / tecnicista diplomada SSS tecnica da sistems, tecnicist diplomà / tecnicista diplomada SSS construcziun da maschinas

Scola auta spezialisada (SAS)

Tar ina furmaziun preliminara adequata, p.ex. Bachelor of Science (SAS) en electrotecnica, en informatica, en mecatronica, en tecnica da maschinas, en telecommunicaziun

Cundiziuns da lavur

Electronists chattan in champ da lavur multifar e pretensius en bunamain l’entira branscha economica: p.ex. è pussaivla in’occupaziun en secturs sco l’automaziun, la construcziun da maschinas ed apparats, automobils ed aviaziun, la tecnica d’energia, la tecnica medicinala, la tecnica d’edifizis, l’informatica, la telecommunicaziun sco era la tecnica da mesiraziun e regulaziun.

Grazia a la furmaziun sin differents champs pon electronists lavurar en differentas spartas. Els han bunas schanzas sin il martgà da lavur en Svizra ed a l’exteriur.

Ulteriuras infurmaziuns

Swissmem Berufsbildung
Brühlbergstr. 4
8400 Winterthur
Tel: 052 260 55 00
URL: www.swissmem-berufsbildung.ch
URL: www.tecmania.ch

Swissmechanic Dachorganisation
Felsenstr. 6
8570 Weinfelden
Tel: 071 626 28 00
URL: www.swissmechanic.ch



berufsberatung.ch