Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Ortulan / Ortulana da verdura AFQ

Ortulans / Ortulanas da verdura èn responsabels per l'entira producziun da verduras da la cultivaziun dal terren, la semenza, la tgira da las plantas fin a la racolta. Els cultiveschan ils legums en serras ed en il liber. Suenter la racolta preparan els las verduras per il transport e per la vendita.

Lavurs

Ortulanas ed ortulans da verdura produceschan legums, per exempel carottas, tomatas, tschagulas, salata u oberschinas. Il pli savens sa spezialisescha in manaschi sin tips da legums specifics u sin l’agricultura biologica. Ortulans da verdura èn responsabels per tut ils pass da producziun en il liber ed en las serras. Els utiliseschan tecnicas e sistems da cultivaziun e maschinas modernas.

Ortulans da verdura tgiran ed engraschan las culturas. Zerclim, parasits e malsognas cumbattan els a moda uschè favuraivla a l’ambient sco pussibel. Cunzunt ortulans da verdura cun l’accent sin l’agricultura biologica èn spezialists per la cultivaziun cun la natira e per il mantegniment da la varietad da las spezias.

En serras tiran ortulans da verdura plantinas da sems ch’els han semnà sezs. Uschespert che quels èn gronds avunda mettan els las plantas adattadas en il liber. Els fan attenziun da mantegnair la fritgaivladad dal terren. Perquai planiseschan els per exempel ina cultura alternanta adattada.

Ortulans da verdura sauan, engraschan e tgiran las culturas. Zerclim, parasits e malsognas cumbattan els a moda uschè favuraivla a l’ambient sco pussibel. Cunzunt ortulans da verdura cun l’accent sin l’agricultura biologica èn spezialists per la cultivaziun en accord cun la natira e per il mantegniment da la varietad da las spezias. Sper la protecziun da l’ambient resguardan ils spezialists era las prescripziuns davart la segirezza da la lavur e protegian lur atgna sanadad, per exempel cun la vestgadira da lavur adequata.

Ortulans da verdura defineschan la data da la racolta ideala e racoltan ils differents legums a maun u cun agid da maschinas. La verdura sto vegnir preparada conscienziusamain per il transport, per la vendita u per il deposit. Ils ortulans sorteschan, lavan, fan giu la paletscha, taglian ed emballeschan la verdura. Manaschis pli gronds lavuran cun maschinas che ston vegnir manischadas.

Per la lavur quotidiana dovran ortulans da verdura utensils sco zappas e palas, ma era maschinas sco tractors, araders e maschinas da semnar e sortir. Per reglar la glisch, la temperatura e l’umiditad en serras lavur'ins cun computers.

Scolaziun

Basa legala

Ordinaziun federala 8-5-2008

Durada

3 onns

Furmaziun en la pratica

En in manaschi da cultivaziun da verdura

Furmaziun en scola

Curs da bloc dad 1-6 emnas a’Inforama Seeland ad Ins

Roms professiunals

  • cultivaziun da plantas: semnar, racoltar, magasinar, preparar per la vendita; reglar e mantegnair maschinas ed utensils; chapir las relaziuns da l’economia da manaschi, da la politica, dal dretg e da la natira en il conturn professiunal
  • La furmaziun da basa po era vegnir absolvida cun il rom d’accent agricultura biologica.
  • Curs ordaifer il manaschi

    segirezza da la lavur, protecziun da la sanadad, igiena e garanzia da la qualitad, utilisaziun da vehichels idraulics e d’apparats per la protecziun da las plantas, cultivaziun da plantinas

    Maturitad professiunala

    La furmaziun en scola vegn absolvida en curs da bloc e perquai vegn la scola da maturitad professiunala frequentada en general pir suenter la furmaziun da basa.

    Diplom

    Attestat federal da qualificaziun "ortulan / ortulana da verdura AFQ"

Premissas

Furmaziun preliminara
  • scola populara terminada
  • cun in attestat federal professiunal (AFP) en agricultura cuzza la furmaziun  tar il ortulan / ortulana (AFQ) per regla 2 onns.
  • cun in attestat federal da qualificaziun (AFQ) en in’autra professiun agricula cuzza la furmaziun per regla 1 onn.
Pretensiuns
  • plaschair da la natira e da la lavur en il liber
  • abilitad da lavurar en ina gruppa
  • capacitad cumprensiva
  • abilitad da chapir connexs
  • enclegientscha tecnica per la lavur cun maschinas
  • senn da responsabladad
  • enclegientscha pratica
  • forza corporala
  • buna sanadad
  • naginas sensibladads vers chemicalias

Furmaziun supplementara

Curs

purschidas da l’Inforama ad Ins, dal Strickhof ad Au ZH u da la ZHAW a Wädenswil

Scolaziun supplementara

suenter avair terminà la furmaziun da basa po vegnir absolvida ina furmaziun scursanida dad 1 onn en in’autra professiun agricula

Examen professiunal (EP)

mainagestiun en la cultivaziun da verdura cun certificat professiunal federal u in auter examen professiunal en il sectur da l’agricultura; p. ex. ortulan / ortulana cun certificat professiunal federal

Examen professiunal superiur (EPS)

maister / maistra d’ortulans da verdura ni in auter examen professiunal superiur; p. ex. maister / maistra d’agricultura u  maister /maistra d’ortulans

Scola spezialisada superiura (SSS)

agrotecnicher / agrotecnicra SSS, commerziant agricul / commerzianta agricula SSS

Scola auta spezialisada (SAS)

Bachelor of Science (SAS) en agronomia (p.ex. cun approfundaziun en scienza da plantas) u Bachelor of Science (SAS) en l’inschigneria da l’ambient (p.ex. cun approfundaziun en l’agricultura biologica e l’orticultura)

Cundiziuns da lavur

Ortulans da verdura lavuran en manaschis da la cultivaziun da verdura ed en orticulturas, sin bains purils u en societads agriculas. Els pon era lavurar en la commerzialisaziun u sco cussegliaders en la branscha.

Ortulans da verdura lavuran tut tenor la stagiun da tutt’aura ubain en il liber ubain en serras climatisadas. Las culturas da legums dovran tgira quotidiana. Perquai ha la glieud da professiun savens temps da lavur irregulars. La chargia da lavur dependa da la stagiun e da l’aura.

La branscha spetga sfidas multifaras: products agriculs ston ademplir autas pretensiuns da qualitads ed il conturn da lavur sa mida cun la globalisaziun e la midada dal clima.

Ulteriuras infurmaziuns

OdA AgriAliForm
Laurstr. 10
5201 Brugg AG
Tel: 056 462 54 40
URL: www.agri-job.ch

Inforama Seeland
Herrenhalde 80
3232 Ins
Tel: 032 312 91 11
URL: www.inforama.ch

Uniun svizra dals producents da verdura VSGP
Belpstr. 26
3001 Berna
Tel: 031 385 36 20
URL: www.gemuese.ch

Revista professiunala:
"Der Gemüsebau"



berufsberatung.ch