Lavurs
Lur lavurs èn las suandantas:
Preparar il terren
- tscherner la cultivaziun e la moda da producziun che va a prà cun la cuntrada, per exempel tratga al liber, culturas senza terra, cultivaziun biologica u cultivaziun biodinamica
- preparar e gulivar il terren per l'emplantaziun
- allontanar zerclim e meglierar il terren cun fertilisaders ecologics
- planisar las lavurs tenor las cundiziuns meteorologicas
- duvrar maschinas, vehichels e tecnologias da l'agricultura digitala, per exempel sensurs u apps e resguardar las prescripziuns da segirezza respectivas
- prender provas da terren e las laschar analisar en in labor, per pudair controllar il cuntegn da las substanzas nutritivas
Trair si e cultivar plantas
- trair si e multiplitgar plantas, per allevar novas sorts
- tut tenor la stagiun ed il terren emplantar pumers e chaglias resguardond exactamain las distanzas e l'orientaziun
- observar las recumandaziuns da spezialists ed ils trends dal martgà per porscher differentas sorts
- cultivar ils pumers durant lur entira creschientscha: ladar, allevar, tagliar, liar e sauar
- cumbatter cunter malsognas e parasits cun meds per proteger las plantas
- observar la madiraziun dals fritgs ed als proteger cun raits u cun blatgas cunter utschels, plievgia e granella
Racoltar e commerzialisar fritga
- racoltar fritga
- assortir, nettegiar e pachetar la racolta resguardond l'igiena
- furnir ina part da la fritga a commerziants a l'engrossa u vender directamain
- declerar ils products per la vendita directa inditgond lur derivanza, qualitad, spezia e pretsch
- tegnair en salv la racolta en deposits sfradentads
- elavurar vinavant la fritga, per exempel a sucs, fritga setgentada, confituras u bavrondas alcoholicas
Mantegnair utensils ed edifizis
- mantegnair, renovar e modernisar edifizis, tractors, maschinas ed utensils sco maschinas da racoltar, plattafurmas idraulicas, apparats da squittar u resgias a motor
- far regulaziuns e reparaturas pli pitschnas
- nettegiar indrizs da sprinzlar e filters
Gestiun
- liquidar lavurs administrativas, per exempel empustaziuns, furniziuns e quints
- evaluar ils retgavs e tegnair sut controlla ils custs da producziun
Scolaziun
Durada
3 onns
Furmaziun pratica
Sin in bain puril.
Furmaziun en scola
1 fin 2 dis per emna en la scola professiunala spezialisada Strickhof (ZH).
Roms professiunals
- cultivar la cultira
- mantegnair e trair a niz l'infrastructura tecnica
- organisar e communitgar entaifer il manaschi
- emplantar pumiculturas
- cultivar pumiculturas
- racoltar e commerzialisar fritga
Curs ordaifer il manaschi
emprender, approfundar ed exercitar las basas professiunalas, 11 dis durant 3 onns.
Maturitad professiunala
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Pumicultur / Pumicultura AFQ
Premissas
Furmaziun preliminara
- terminà la scola obligatorica
- intgins manaschis pretendan in examen d'admissiun
Pretensiuns
- inschign manual
- resistenza corporala
- plaschair da vender e da cussegliar
- bun dun d'observar
- ritga fantasia e savair sa gidar
- moda da lavurar independenta
Furmaziun supplementara
Curs
Purschidas da centers da furmaziun e da cussegliaziun agricula sco il Center da cumpetenzas Strickhof (ZH) u il Institut für Umwelt und Natürliche Ressourcen (ZHAW).
Furmaziun da basa scursanida
Pumiculturas e pumiculturs AFQ pon per regla far in emprendissadi scursanì en in'autra professiun agricula.
Examen professiunal (EP)
cun attest da qualificaziun federal, per exempel Mainagestiun Pumicultura u Mainagestiun Agricultura.
Examen professiunal superiur (EPS)
cun diplom federal, per exempel:
- Maister / Maistra da pumicultura
- Maister pur / Maistra pura
- Maister ortulan / Maistra ortulana da verdura
Scola spezialisada superiura (SSS)
Furmaziuns en secturs spezialisads parentads Champs professiunals, per exempel Agrotecnicist / Agrotecnicista dipl. SSS u Agrocommerziant / Agrocommerzianta dipl. SSS.
Scola auta spezialisada (SAS)
Studis en secturs parentads, per exempel bachelor of science en: agronomia, inschigneria da l'ambient u tecnologia da victualias. Tut tenor la scola auta spezialisada valan differentas cundiziuns d'admissiun.
Cundiziuns da lavur
Pumiculturas e pumiculturs lavuran principalmain en il liber. Ellas ed els èn dependents da las cundiziuns meteorologicas. Lur temps da lavur sa drizzan tenor las stagiuns ed èn lungs, cunzunt durant la stagiun auta. Regularmain stattan ellas ed els en contact cun furnituras e cun clients sco gastronomas, commerziants a l'engrossa u clientella privata. Intginas ed intgins s'occupan er da la viticultura u da la cultivaziun da verdura ubain extendan lur lavur sin l'agroturissem.
Pumiculturas e pumiculturs lavuran en in manaschi da pumicultura u èn sezzas e sezs proprietarias e proprietaris d'in tal manaschi. Per ellas ed els èsi pussaivel da surpigliar occupaziuns en differents secturs: en associaziuns ed interpresas privatas, en manaschis classics u biologics, en servetschs da cussegliaziun u en staziuns da perscrutaziun. Dentant sa diminuescha il dumber da manaschis dad onn ad onn.
Ulteriuras infurmaziuns
OdML AgriAliForm
5201 Brugg AG
URL: www.agri-job.ch
Strickhof
8315 Lindau
URL: www.strickhof.ch
Schweizer Obstverband SOV
6302 Zug
URL: www.swissfruit.ch