![[object Object],[object Object]](https://media.sdbb.ch/transform/6504f51e-aef6-4efc-87e8-040618d5caaa/Landwirtin-SZ-107-jpg?io=transform:fill,width:740,height:490)
1. onn d’emprendissadi: CHF 1200–1500.–
2. onn d’emprendissadi: CHF 1400–1700.–
Sco practicista agrara u practicist agrar lavuras ti en l'agricultura. Tut tenor il sectur professiunal tegnas ti animals per la producziun da charn, da latg e dad ovs. Ti cultiveschas graun, legums e fritgs u produceschas vins.
Incumbensas
- elavurar il terren e derasar semenza cun maschinas
- allontanar zerclim, ladar il terren e tgirar las plantas tenor las instrucziuns
- racoltar e magasinar graun u furnir tal per la vendita
- segar prads, tgirar pastgiras e far saivs
- endrizzar, mantegnair e nettegiar la stalla e la stanza da mulscher, resguardar en quest connex las prescripziuns d'igiena
- pavlar animals da niz ed als manar sin la pastgira e mulscher las vatgas
- preparar graun, latg, chaschiel, charn, ovs u fritgs per la vendita
- preparar il terren per la semenza u l'emplantaziun: schluccar, gulivar e ladar
- cultivar legums e fritgs en serras u al liber
- observar il svilup da las plantas e la madiraziun dals fritgs
- sauar, ladar e tagliar plantas
- proteger bostgs e chaglias cunter malsognas, parasits e mal'aura
- racoltar, zavrar e magasinar legums e fritgs
- preparar per la vendita
- tgirar las vits
- racoltar, zavrar e far giu ils fustis da las ivas
- pressar las ivas ed elavurar quellas sut instrucziun a vin
- far analisas ensemen cun spezialistas e spezialists da vin
- nettegiar tschalers, tancs ed apparats
- emplenir e magasinar il vin
- controllar vehichels, apparats e maschinas
- far reparaturas pli pitschnas
- nettegiar e dischinfectar ils indrizs
- tegnair ils edifizis ed ils indrizs en in bun stadi
Ambient da lavur
Sco practicista agrara u practicist agrar lavuras ti en stalla, sin champs, en plantaschas da puma, en vignas u en tschalers. Tias activitads dependan da l'aura e da las stagiuns. Ils temps da lavur èn irregulars, acziuns durant las fins d'emna tutgan latiers. Ti lavuras en manaschis agriculs sco bains purils, manaschis da legums u en tschalers.
Pretensiuns e interess
- Inschign manual
- Moda da lavurar independenta
- Resistenza corporala
- Prontezza da lavurar er sin dumonda
- Plain fantasia e savair sa gidar
- Dun d'observar
- Savair supportar odurs dischagreablas
- Lavurar en il liber
- Lavurar cun plantas
- Lavurar cun animals
- Lavurar cun maschinas
- Esser corporalmain activ
Scolaziun
La scolaziun vegn fatga sco emprendissadi en in manaschi.
furmaziun pratica en in manaschi da l'agricultura u en tschalers: 4 fin 5 dis per emna
0 fin 5 dis per emna en las scolas professiunalas spezialisadas chantunalas
en plirs chantuns: 6 dis durant 2 onns
2 onns
- agricultura
- culturas spezialas
- vinificaziun
- terminà la scola obligatorica
- intgins manaschis pretendan in test da qualificaziun
Practicist agrar / Practicista agrara AFP
Furmaziun cuntinuonta
Curs
purschidas da centers da furmaziun e da cussegliaziun agricula sco Inforama u Strickhof
Emprendissadi supplementar
sco practicista u practicist agrara AFQ pos ti per regla far in emprendissadi scursanì en in'autra professiun agricula:
- Ortulan / Ortulana da verdura AFQ
- Pur / Pura AFQ
- Pumicultur / Pumicultura AFQ
- Spezialist / Spezialista da vin AFQ
Professiuns sumegliantas
