Tgiradra da chavals AFP
Tgirader da chavals AFP
![[object Object],[object Object]](https://media.sdbb.ch/transform/c8a8ebf1-e0a9-4dcf-8f45-aea4253612fa/Garde_de_chevaux_P-J-_018-jpg?io=transform:fill,width:740,height:490)
1. onn d’emprendissadi: CHF 400.–
2. onn d’emprendissadi: CHF 500.–
Tgiraders e tgiradras da chavals lavuran en manaschis da chavals e da ponis. Els pavlan, tgiran e muventan ils animals. Latiers mantegnan e nettegian els ils stabiliments.
Incumbensas
- pavlar, barschunar e stregliar ils chavals
- nettegiar ils chalzers-chavals e preparar ils chavals per il transport
- tgirar ils chavals blessads u malsauns tenor avis da la veterinaria
- percorscher sch'in chaval u in poni sa cumporta a moda nunusitada
- discurrer cun ils superiurs davart ils singuls pass da lavur e suandar las instrucziuns
- far urden en ils claus, scuar e rimnar la grascha dals chavals
- nettegiar il material, p.ex. las sellas, las chavazzinas, ils barschuns e las streglias
- resguardar las prescripziuns da protecziun da l’animal e da l’ambient
- dismetter il rument tenor las prescripziuns
- far attenziun a l’atgna sanadad
- savair co reagir correctamain tar accidents u autras situaziuns da stress
- savair ir a chaval (nivel simpel)
- gidar tar occurrenzas u durant las lecziuns da chavaltgar, p.ex. durant lonschar u durant lavurar sin il terren
- communitgar cun la clientella ed esser curtaschaivels
Ambient da lavur
Ils dis da lavur cumenzan fitg baud ed èn per ordinari lungs, irregulars e corporalmain stentus. Ils chavals ston era vegnir survegliads durant las fins d’emna e firads. Las stallas ston vegnir nettegiadas mintga di.
Il dumber da plazzas d’emprendissadi è creschida levamain ils ultims onns. Plazzas libras e pussaivladads da furmaziun supplementara èn però limitadas en questa professiun.
Pretensiuns e interess
- Resistenza corporala
- Savair supportar odurs dischagreablas
- Abilitad da lavurar en in team
- Prontezza da lavurar er sin dumonda
- Senn per igiena e per nettezza
- Inschign manual
- Resistenza a la temperatura u a l'aura
- Lavurar cun animals
- Esser corporalmain activ
Scolaziun
En in manaschi da ponis u/e da chavals
1 di per emna a la scola professiunala a Winterthur, Zollikofen u Moudon
Approfundar las lavurs praticas ed exercitar la basa professiunala
2 onns
Temp da scola obligatoric terminà
Tgirader / Tgiradra da chavals AFP
Furmaziun cuntinuonta
Curs
Purschidas da scolas professiunalas, d’associaziuns e d’organisaziuns dal mund da lavur da mastergns che s’occupan cun chavals
Professiunal / Professiunala da chavals AFQ
Tgiraders / tgiradras da chavals AFP pon far ina scolaziun da basa scursanida sco spezialist / spezialista da chavals AFQ (access en il 2. onn da la furmaziun da basa professiunala).
Silsuenter valan las medemas pussaivladads da furmaziun supplementara sco per ils spezialists / spezialistas da chavals AFQ.
Professiuns sumegliantas
