Practicista forestala AFP
Practicist forestal AFP
![[object Object],[object Object]](https://media.sdbb.ch/transform/46af3b7a-f300-4a62-a741-65cea2330e42/prat-forestier-VV-048-jpg-jpg?io=transform:fill,width:740,height:490)
1. onn d’emprendissadi: CHF 1000.–
2. onn d’emprendissadi: CHF 1300.–
Practicistas forestalas e practicists forestals tgiran e cultiveschan guauds. En manaschis forestals smerschan els bostgs e dattan furma a plantas. Per quest intent dovran els urdains sco resgias a motor. Ultra da quai tgiran els ils guauds giuvens e las plantaziuns.
Incumbensas
- plazzar tavlas per segirar il territori
- endrizzar la plazza da lavur, pia il tagl da laina
- chattar bostgs per derscher , p.ex. bostgs malsauns u ruts
- determinar la direcziun da crudada per ils bostgs
- pinar bostgs, p.ex. resgiar crennas en ils bostgs
- tagliar la roma
- decumponer e furmar bists cun la resgia a motor u cun auters urdains
- rumir il tagl da laina sut surveglianza, p.ex. transportar davent roma e bostgs
- differenziar las 10 spezias da bostgs las pli impurtantas d'ina regiun, enconuscher lur caracteristicas e savair, co che lur lain vegn duvrà
- preparar plantinas per far emplantaziuns
- proteger las plantinas durant il transport e durant il deposit
- preparar la surfatscha per emplantar las plantinas sut instrucziun
- tgirar las plantinas emplantadas
- tegnair en urden ils urdains ed il material
- nettegiar la resgia a motor e remplazzar las parts ruttas
- nettegiar, unscher e gizzar la chadaina da la resgia a motor
Ambient da lavur
Practicistas forestalas e practicists forestals lavuran en teams durant l'entir onn e da tuttas auras sut tschiel avert. Ellas ed els lavuran sut la surveglianza da bostgeras e bostgers. Durant lur lavur portan ellas ed els in equipament da segirezza luminus.
Practicistas forestalas e practicists forestals lavuran tar vischnancas, tar chantuns u tar interprendiders privats da l'industria da laina sco er en l'orticultura da cuntrada e dad iert.
Pretensiuns e interess
- Resistenza corporala
- Imaginaziun tridimensiunala
- Dun d'observar
- Abilitad da sa concentrar
- Abilitad da lavurar en in team
- Chapientscha tecnica
- Moda da lavurar conscienziusa ed exacta
- Prontezza d'esser savens sin viadi
- Lavurar en il liber
- Esser corporalmain activ
- Elavurar lain
- Lavurar cun plantas
- Lavurar cun maschinas
Scolaziun
En in manaschi forestal public u privat ubain en ina interpresa forestala
Per regla curs da bloc en la scola professiunala spezialisada
Per regla curs da bloc en la scola professiunala spezialisada
2 onns
Terminà la scola obligatorica
Practicist forestal / Practicista forestala AFP
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas
Emprendissadi supplementar
Practicistas forestalas e practicists forestals AFP pon per regla far in emprendissadi scursanì sco Bostger / Bostgera AFQ.
Suenter pon vegnir absolvidas las medemas furmaziuns supplementaras sco per Bostger / Bostgera AFQ.
Professiuns sumegliantas
