Practicista da scrinaria AFP
Practicist da scrinari AFP
Correspunda questa professiun a mai?![[object Object],[object Object]](https://media.sdbb.ch/transform/0c413f73-03d3-48ac-b12f-0c9f919ebbe8/Schreiner-EBA-TH-135-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 800.–
Practicists e practicistas da scrinari AFP fan simplas lavurs da scrinari en il lavuratori e sin il plazzal. Els elavuran lain ed auters materials e monteschan elements da construcziun tenor plans.
Incumbensas
- leger ed interpretar ils plans da las incumbensadras ed ils incumbensaders
- enconuscher differentas sorts da lain ed auter material da lavurar
- gidar da planisar las lavurs e pinar il material
- mesirar e preparar tenor indicaziuns dals scrinaris e da las scrinarias il lain massiv u ils mez fabritgads (lattas, travs squadras)
- tagliar, resgiar, splanar, furar, fresar e glimar lain u auter material a maun cun guaffens u cun maschinas spezialas
- metter ensemen la tocca nua ch'i è necessari
- tractar las surfatschas, p.ex. cun glimar, dar si lac e montar enferradira (p.ex. savas d'ischs)
- chargiar e transportar la tocca fin al plazzal u tar la clientella
- gidar da montar l'endrizzament, las mobiglias, ischs, fanestras, barcuns ed ulteriura tocca da construcziun
- mantegnair ils guaffens, las apparaturas e maschinas, dismetter u reciclar il rument adattà a l'ambient, nettegiar il plaz da lavur
- garantir la segirezza al plaz da lavur, enconuscher e resguardar las perscripziun per la protecziun da l'ambient ed al plaz da lavur
Ambient da lavur
Practicists e practicistas da scrinari AFP lavuran en scrinarias ed en auters manaschis ch'elavuran lain, oravant tut en manaschis mesauns e gronds, nua che las lavurs sa repetan. Darar lavuran els en manaschis pitschens ch'exequeschan lavurs individualas.
La branscha da laina svizra crescha e la materia prima lain è favuraivla a l'ambient e schanegia il clima.
Persunas dil fatg èn fitg tschertgadas sin il martgà da lavur.
Pretensiuns e interess
- Imaginaziun tridimensiunala
- Inschign manual
- Abilitad da lavurar en in team
- Dun per cifras
- Gronda toleranza da canera
- Resistenza corporala
- Moda da lavurar conscienziusa ed exacta
- Elavurar lain
- Lavurar cun ils mauns
- Lavurar en moda exacta
- Esser corporalmain activ
Scolaziun
En ina scrinaria u en in lavuratori d'emprendissadi.
1 di l'emna a la scola professiunala.
Emprender ed exercitar a moda pratica las basas professiunalas, 28 dis durant 2 onns.
- Albisbrunn, Hausen am Albis (ZH)
- Technische Fachschule, Bern
- Engadiner Lehrwerkstätte für Schreiner, Samedan (GR)
2 onns
- Scrinaria
- Construcziun da fanestras
Temp da scola obligatoric terminà
Practicist da scrinari / Practicista da scrinaria AFP
Furmaziun cuntinuonta
Curs
Purschidas da l'Associaziun svizra dals maister scrinaris e fabricants da mobiglias ASSFM
Scrinari / scrinaria AFQ
Practicists da scrinaris pon far ina furmaziun da basa scursanida sco scrinari AFQ (access al segund onn da la furmaziun da basa).
Suenter han els las medemas pussaivladads da furmaziun supplementara sco scrinaris AFQ.
Professiuns sumegliantas
