Flurista AFP
Flurist AFP
![[object Object],[object Object]](https://media.sdbb.ch/transform/7f47f5b0-2666-4f32-a01a-945fa6f54c43/floristin_y_o_6151-jpg?io=transform:fill,width:740,height:490)
1. onn d’emprendissadi: CHF 530.–
2. onn d’emprendissadi: CHF 710.–
3. onn d’emprendissadi: CHF 1115.–
Flurists e fluristas lavuran en affars da flurs u en centers d’orticultura. Els tgiran u lavuran cun flurs ed autras plantas. Els vendan matgs e prendan encunter incumbensas da la clientella.
Incumbensas
- metter ensemen matgs
- decorar arranschaments e tschupels, per exempel cun bindels u chandailas
- arranschaments da flurs per dis da festa, per exempel per Nadal, Pasca u Son Valentin
- gidar da far ornaments da flurs individuals per nozzas u sepulturas
- gidar da decorar salas da festa u baselgias
- buna enconuschientscha da las differentas fluras e savair co tgirar quellas
- dar aua a las plantas, allontanar feglia sflurida e tagliar las flurs
- tgirar e s’occupar da las emplantaziuns en biros, ospitals e firmas sco er d’emplantaziuns sin balcuns privats u terrassas
- nettegiar las vasas ed ils regals, dustar ils ruments e scuar il palantschieu
- dustar ils ruments a moda correcta e reciclar quels
- servir la clientella e prender encunter empustaziuns
- surpigliar lavurs simplas en la vendita e respunder dumondas per telefon u e-mail
Ambient da lavur
Fluristas lavuran sco emploiadas en affars da flurs, en centers d’orticultura u tar distribuiders a l’engrossa.
Il temp da lavur sa drizza tenor ils temps d’avertura dals affars. Avant firads èsi spezialmain hectic. Fluristas ston lura savens far sururas.
Fluristas lavuran savens en localitads fraidas ed umidas. En la lavur dal mintgadi stattan ellas savens sin pe e ston er purtar chaussas grevas.
Pretensiuns e interess
- Creativitad
- Inschign manual
- Nagins disturbis da vesair colurs
- Resistenza corporala
- Plaschair da vender e da cussegliar
- Senn per estetica
- Lavurar cun ils mauns
- Dissegnar, decorar, crear
- Avair contact cun persunas
- Lavurar cun plantas
Scolaziun
En in affar da flurs u tar in distribuider a l’engrossa
1 di per emna a la scola professiunala
Emprender ed exercitar a moda pratica la basa professiunala
2 onns
Temp da scola obligatoric terminà
Flurist / Flurista AFP
Furmaziun cuntinuonta
Curs
Purschidas dal Schweizerischer Floristenverband, da scolas professiunalas u da purschiders privats
Flurist / Flurista AFQ
Flurists / fluristas AFP pon far ina furmaziun da basa scursanida sco flurist / flurista AFQ cun attestat federal da qualificaziun (access al 2. onn da furmaziun).
Suenter han ellas las medemas pussaivladads da furmaziun supplementara sco flurists / fluristas AFQ.
Professiuns sumegliantas
