Assistenta da commerzi en detagl AFP
Assistent da commerzi en detagl AFP
Correspunda questa professiun a mai?![[object Object],[object Object]](https://media.sdbb.ch/transform/7def5197-8be4-4fc4-95d4-2d423b0bcb19/Ass-_com-_detail_AFP_M-K_005-jpg?io=transform:fill,width:740,height:490)
1. onn d’emprendissadi: CHF 835.–
2. onn d’emprendissadi: CHF 1050.–
Assistentas ed assistents da commerzi en detagl lavuran en differentas branschas da vendita. Els cusseglian la clientella, fan il servetsch a la cassa e pacheteschan en ils artitgels vendids. Els guardan, ch'i saja adina avant maun avunda products per la vendita.
Incumbensas
- vegnir a savair ils giavischs da la clientella e preschentar soluziuns
- elavurar sin differents chanals las dumondas da la clientella en il commerzi en detagl
- preschentar ils products ed ils servetschs dal commerzi en detagl en moda orientada a la clientella
- elavurar sut instrucziun las infurmaziuns relevantas per il manaschi
- s'infurmar davart ils products ed ils servetschs da l'atgna branscha
- cooperar sut instrucziun a l'ulteriur svilup da products e da servetschs
- identifitgar ils svilups actuals en l'atgna branscha ed integrar quels sut instrucziun en il mintgadi da lavur
- garantir la circulaziun da las infurmaziuns en il commerzi en detagl sin tut ils chanals
L'emprendissadi po vegnir absolvì en ina da las suandantas 22 branschas:
automobil after-sales, automobil sales, pasternaria-confisaria, consumer electronics, DO IT YOURSELF, ferramenta, apparats electrics, colurs, chasada, Landi, victualias, mobiglias, traffic public, papetaria, parfumaria, posta, bischutaria-pedras preziusas-uras, chalzers, giugarets, artitgels da sport, textil, commerzi spezialisà da zoologia
Ambient da lavur
Assistentas ed assistents da commerzi en detagl lavuran en fatschentas spezialisadas, en gronds negozis ed en supermartgads. Il temp da lavur dependa da las uras d'avertura da la fatschenta.
Suenter avair terminà l'emprendissadi pon els en la gronda part dals cas midar la branscha.
Pretensiuns e interess
- Abilitad da lavurar en in team
- Buna memoria
- Senn per igiena e per nettezza
- Apparientscha cultivada
- Resistenza corporala
- Plaschair da vender e da cussegliar
- Lavurar endadens
- Lavurar cun cifras
- Duvrar linguas
- Dar vinavant savida
- Lavurar en il team
- Avair contact cun persunas
- Cussegliar
- Manar e surpigliar responsabladad
Scolaziun
En ina fatschenta da vendita d'ina da las 22 branschas d'emprendissadi e d'examen
1 di per emna en la scola professiunala
Davart differents temas
2 onns
Terminà la scola obligatorica
Assistent / Assistenta da commerzi en detagl AFP
Furmaziun cuntinuonta
Curs
Purschidas d’associaziuns da branscha, d’associaziuns professiunalas e da differents auters purschiders
Spezialist / Spezialista da commerzi en detagl AFQ
Assistentas ed assistents da commerzi en detagl AFP cun in bun diplom e cun enconuschientschas da basa en ina lingua estra pon far in emprendissadi scursanì sco spezialist / spezialista da commerzi en detagl AFQ (access al 2. onn d'emprendissadi). Suenter pon vegnir absolvidas las medemas furmaziuns supplementaras sco per spezialist / spezialista da commerzi en detagl AFQ.
Professiuns sumegliantas
