![[object Object],[object Object]](https://media.sdbb.ch/transform/f03a0ed5-541b-4335-a325-c5ac14f040f1/restaurantangestellte_p_r_8132-jpg?io=transform:fill,width:740,height:490)
1. onn d’emprendissadi: CHF 1020.–
2. onn d’emprendissadi: CHF 1300.–
Sco gidantra u gidanter da restaurant lavuras ti en restaurants, hotels u cantinas. Ti lavuras al buffet, prendas encunter empustaziuns e servas spaisas e bavrondas. Ultra da quai surpiglias ti lavurs da nettegiament, empleneschas victualias e material e procuras, ch'ils giasts sa sentian bainvegnids.
Incumbensas
- preparar e decorar locals per differentas occurrenzas
- preparar las maisas: metter si cuvertas da maisa, faudar serviettas, metter sin maisa la pusada ed ils magiels
- emplenir buffets
- magasinar bavrondas e victualias e controllar las provisiuns
- beneventar ed accumpagnar ils giasts a la maisa
- mussar la carta da menu e recumandar tratgas
- prender encunter empustaziuns e surdar a la cuschina
- servir spaisas e bavrondas
- derscher suenter las bavrondas
- incassar e dar adia als giasts
- rumir maisas e puspè metter maisa
- nettegiar locals
Ambient da lavur
Sco gidantra u gidanter da restaurant lavuras ti en in manaschi gastronomic. Ti lavuras en in team, es permanentamain en contact cun ils giasts. Ti es bler en pe e ta movas permanentamain. Ils temps da lavur èn irregulars.
Ti lavuras en hotels, restaurants u cantinas. Cun experientscha da lavur, furmaziuns supplementaras ed emprender linguas estras pos ti ta sviluppar vinavant en la professiun.
Pretensiuns e interess
- Abilitad da lavurar en in team
- Prontezza da lavurar durant uras irregularas u servetschs da notg
- Resistenza cunter stress
- Senn per l'ospitalitad
- Senn per igiena e per nettezza
- Resistenza corporala
- Apparientscha cultivada
- Lavurar cun victualias
- Avair contact cun persunas
- Cussegliar
Scolaziun
Furmaziun pratica en in manaschi gastronomic: 3 fin 4 dis per emna
1 fin 2 dis per emna a las scolas professiunalas spezialisadas chantunalas u curs da bloc da 10 emnas per onn en in hotel da scola
En plirs chantuns: 16 dis durant 2 onns
2 onns
Terminà la scola obligatorica
Gidanter / Gidantra da restaurant AFP
Furmaziun cuntinuonta
Emprendissadi supplementar
Sco gidantra u gidanter da restaurant AFP pos ti per regla far in emprendissadi scursanì da spezialista u spezialist da restaurant AFQ.
Professiuns sumegliantas
