![[object Object],[object Object]](https://media.sdbb.ch/transform/9ee1fb9c-ffc2-4ba8-b602-aa6bad427c68/Aide_cuisine-_AFP_E-W_074-jpg?io=transform:fill,width:740,height:490)
1. onn d’emprendissadi: CHF 1020.–
2. onn d’emprendissadi: CHF 1300.–
Gidantras e gidanters da cuschina lavuran en cuschinas da restaurants, hotels, chasas da tgira u ospitals. Els lavuran en il team da cuschina e preparan tratgas simplas.
Incumbensas
- preparar salatas, sosas da salata, avantpasts fraids u coctails
- cuschinar garnituras sco pastas, ris u tartuffels
- brassar charn, grillar giaglinom u frittar pesch
- preparar desserts sco salatas da fritga, cremas e turtas
- garnir las tratgas tenor las directivas dal manaschi
- lavurar tenor las instrucziuns da lur superiurs e las realisar
- savair tge moda da preparaziun che va a prà il meglier tar las singulas verduras, la charn u il pesch specific
- savair tge padellas che vegnan duvradas
- nettegiar ils cuntels, las planettas, las padellas, ils apparats e las maschinas e far urden
- conservar ils aliments a moda igienica
- resguardar las prescripziuns davart la segirezza da la lavur e la protecziun da la sanadad
Ambient da lavur
Gidanters da cuschina lavuran en restaurants u en cuschinas da hotels, firmas, chasas da tgira u ospitals. Els han savens temps da lavur malregulads e lavuran era la saira, las fins d’emna e firads. Tgi che tschertga ina plazza d’emprendissadi duess er esser pront da lavurar en ina regiun rurala. L’intermediaziun da fufragnadis e plazzas d’emprendissadi da la branscha (www.berufehotelgastro.ch) gida persunas interessadas da tschertgar purschidas en tuttas regiuns linguisticas da la Svizra. Gidanters da cuschina motivads e flexibels han bunas schanzas da chattar ina plazza suenter l’emprendissadi.
Pretensiuns e interess
- Fitg bun gust e bun nas
- Prontezza da lavurar durant uras irregularas u servetschs da notg
- Resistenza cunter stress
- Senn per igiena e per nettezza
- Abilitad da lavurar en in team
- Inschign manual
- Moda da lavurar svelta
- Lavurar cun victualias
- Lavurar cun ils mauns
- Planisar, organisar
Scolaziun
En in restaurant, hotel, restaurant da persunal, ospital u ina chasa da tgira (almain 35 emnas l'onn)
1 di l'emna a la scola professiunala
Davart ils temas: cuschina fraida e desserts; schuppas, verdura e garnitura; tratgas d’ovs e da chaschiel; tratgas da peschs, fonds, sosas e variantas; charn, tratgas da giaglinom e sosas
2 onns
Temp da scola obligatoric terminà
Gidanter / Gidantra da cuschina AFP
Furmaziun cuntinuonta
Curs
Purschidas da las associaziuns professiunalas
Cuschinier / Cuschiniera AFQ
Gidanters da cuschina cun attest federal professiunal (AFP) pon frequentar ina furmaziun da basa scursanida sco cuschinier/a AFQ (access al segund onn da la furmaziun da basa).
Suenter han els las medemas pussaivladads da furmaziun supplementara sco cuschiniers/ras AFQ.
Suenter han els las medemas pussaivladads da furmaziun supplementara sco cuschiniers / cuschinieras AFQ (vesair p.ex. www.berufehotelgastro.ch).
Professiuns sumegliantas
