Practicist da la gastronomia da sistem AFP
Practicista da la gastronomia da sistem AFP
![[object Object],[object Object]](https://media.sdbb.ch/transform/ba818fcb-a155-43bb-ba9b-d1e2a5de3623/restauration_systeme_C-G_004-jpg?io=transform:fill,width:740,height:490)
1. onn d’emprendissadi: CHF 1020.–
2. onn d’emprendissadi: CHF 1300.–
Practicistas e practicists da la gastronomia da sistem lavuran en chadainas da restaurants u en cafetarias, p.ex. en centers da cumpra, en pausadis u en take-aways. Ellas ed els preparan differentas spaisas tenor las instrucziuns da lur superiurs, p.ex. menus dal di, salatas, snacks u desserts. Quels preschentan els sin tecas u en vitrinas.
Incumbensas
- preparar locals per ils giasts
- endrizzar plazs da lavur per preparar spaisas
- preparar las ingredienzas
- preparar la reclama, p.ex. scriver il menu dal di sin ina tavla
- prender encunter sco er controllar victualias e material ed endatar quels en in sistem
- magasinar victualias e material
- controllar il magasin e guardar, sch'insatge sto vegnir empustà
- preparar apparats da cuschina sco mixer u maschina da tagliar
- preparar spaisas e bavrondas tenor recept
- preschentar en moda attractiva las spaisas e las bavrondas
- nettegiar ils apparats ed il plaz da lavur
- controllar e nudar la qualitad da las spaisas e da las bavrondas
- preschentar products
- tegnair net ils locals
- retschaiver, assister e dar adia a giasts
- servir giasts e cussegliar davart products
- vender products
- infurmar ils giasts davart las acziuns e far tavlas davart ils products, p.ex. cun maletgs e cun pretschs
- prender encunter e trametter resuns e reclamaziuns
Ambient da lavur
Practicistas e tecnicists da la gastronomia da sistem lavuran en chadainas da restaurants. Las persunas da questa professiun han bler contact cun giasts ed èn la gronda part dal temp en pe. L'ambient da lavur è savens canerus e hectic. Ellas han uras da lavur irregularas e lavuran er la saira, la fin d'emna u ils firads.
Practicistas e tecnicists da la gastronomia da sistem han bunas schanzas sin il martgà da lavur, perquai ch'il sectur da take-away è creschì fermamain ils ultims onns.
Pretensiuns e interess
- Prontezza da lavurar durant uras irregularas u servetschs da notg
- Senn per igiena e per nettezza
- Abilitad da lavurar en in team
- Moda da lavurar svelta
- Resistenza cunter stress
- Plaschair da vender e da cussegliar
- Senn per l'ospitalitad
- Apparientscha cultivada
- Lavurar cun victualias
- Lavurar cun ils mauns
- Lavurar en il team
Scolaziun
En in manaschi da la gastronomia da sistem
1 di per emna en la scola professiunala spezialisada
Emprender, approfundar ed exercitar las basas professiunalas, 9 dis durant 2 onns
2 onns
Terminà la scola obligatorica
Practicist / Practicista da la gastronomia da sistem AFP
Furmaziun cuntinuonta
Curs
Purschidas da scolas professiunalas e da federaziuns professiunalas sco berufehotelgastro.ch u gastrosuisse.ch
Emprendissadi supplementar
Practicists / Practicistas da la gastronomia da sistem AFP pon per regla far in emprendissadi scursanì sco Spezialist / Spezialista da la gastronomia da sistem AFQ. Suenter pon vegnir absolvidas las medemas furmaziuns supplementaras sco per Spezialist / Spezialista da la gastronomia da sistem AFQ.
Professiuns sumegliantas
