Practicist da victualias AFP
Practicista da victualias AFP
1. onn d’emprendissadi: CHF 790.–
2. onn d’emprendissadi: CHF 1000.–
Sco practicista u practicist da victualias lavuras ti en interpresas che produceschan e pacheteschan victualias sco bavrondas, pastizarias u tschigulatta. Ti manevreschas e surveglias maschinas da producziun e d'emballadi. Ti controlleschas er las ingredienzas ed ils products finids e guardas che la qualitad correspundia a las prescripziuns.
Incumbensas
- prender encunter, controllar e magasinar furniziuns observond minuziusamain las prescripziuns d'igiena
- leger l'incumbensa, pasar e maschadar las ingredienzas e las elavurar cun agid da maschinas
- lavar e tagliar las ingredienzas sco legums e fritgs e cuschinar schuppas, sosas ed autras victualias
- controllar la qualitad dals products durant e suenter la preparaziun
- controllar las victualias pachetadas, p.ex. la data da scadenza u il pais
- magasinar correctamain materias primas e products
- preparar ils indrizs
- metter en funcziun e configurar ils indrizs per producir victualias u bavrondas
- survegliar il manaschi dals indrizs e sche necessari adattar las configuraziuns ed annunziar divergenzas en rapports, p.ex. da la temperatura, da la pressiun u da la quantitad da las ingredienzas
- intervegnir en cas da problems, far valair instrucziuns u infurmar las persunas responsablas
- configurar e metter en funcziun ils indrizs d'emballadi specificamain per il product
- nettegiar e dischinfectar ils indrizs ed ils utensils e dismetter ils ruments tenor las prescripziuns
Ambient da lavur
Sco practicista u practicist da victualias lavuras ti en teams en locals da producziun u en labors. Fermas odurs, temperaturas fluctuantas ed umiditad da l'aria sco er canera dals indrizs tutgan tar tia lavur quotidiana. Pervia da las reglas d'igiena portas ti vestgadira da protecziun speziala. Bleras interpresas lavuran en squadra, intginas er durant la notg. Ils temps da lavur èn perquai savens irregulars.
Ti lavuras en manaschis industrials da la branscha da victualias, p.ex. en ils secturs tschigulatta, pastizarias, bavrondas u conservas.
Pretensiuns e interess
- Abilitad da lavurar en in team
- Dun per cifras
- Moda da lavurar sistematica
- Fitg bun gust e bun nas
- Chapientscha tecnica
- Moda da lavurar svelta
- Resistenza corporala
- Senn per igiena e per nettezza
- Lavurar cun ils mauns
- Lavurar en moda exacta
- Esser corporalmain activ
- Lavurar cun victualias
- Lavurar cun maschinas
Scolaziun
Furmaziun pratica en in manaschi da l'industria da victualias
Curs da bloc da 9 emnas per onn en la Scola professiunala spezialisada Strickhof a Wädenswil (ZH)
2 onns
Terminà la scola obligatorica
Practicist / Practicista da victualias AFP
Furmaziun cuntinuonta
Curs
Curs da la Cuminanza da lavur Tecnologs da victualias
Emprendissadi supplementar
Practicistas e practicists da victualias pon per regla far in emprendissadi scursanì da tecnologa u tecnolog da victualias AFQ ubain da tecnologa u tecnolog da biera e da bavrondas AFQ.
Professiuns sumegliantas
