Assistent da mazlaria AFP
Assistenta da mazlaria AFP
![[object Object],[object Object]](https://media.sdbb.ch/transform/5db0a966-0356-4615-832e-df18980733ca/metzger-cr-1835-jpg?io=transform:fill,width:740,height:490)
1. onn d’emprendissadi: CHF 900.–
2. onn d’emprendissadi: CHF 1100.–
Sco assistenta u assistent da mazlaria produceschas ti products da charn ed elavureschas quels per la vendita. Tut tenor l'accent mazzas ti ils animals, allontaneschas l'ossa, taglias e manizzas la charn u ti preparas products, preschentas e vendas quels.
Incumbensas
- administrar ils inventaris da rauba e controllar la qualitad dals products
- parter en moda grossa la charn, allontanar l'ossa, pachetar e magasinar ella
- allontanar la pel, las tarscholas ed il grass e preparar tocs da charn tenor l'intent d'utilisaziun u tenor il giavisch da la clientella
- preparar differents products da charn, coier charn e producir liongias tenor prescripziuns
- pastorisar u sterilisar products, per ch'els restian pli ditg conservabels
- calcular ils pretschs da vendita, etichettar ed endatar tals en il sistem
- dismetter correctamain ils ruments sco ossa
- observar las prescripziuns da segirezza, da sanadad e d'ambient
- installar, demontar, nettegiar e mantegnair maschinas
- narcotisar e mazzar animals tenor las prescripziuns davart la protecziun dals animals
- allontanar l'ossa d'animals, sortir la charn e fixar ils pretschs
- producir products da charn tenor recept sco schambun, charnpiertg u spezialitads, p.ex. sientar, setgentar u coier
- preparar plattas da fondue, da gril e fraidas
- producir canapés, rollettas da charn e products sumegliants
- preschentar products en moda attractiva en butia
- retschaiver e cussegliar clientas e clients
- tagliar, pasar ed incassar charn
Ambient da lavur
Sco assistenta u assistent da products da charn lavuras ti davos la teca da mazlarias u en hallas da producziun da fabricas. Ti lavuras en teams. L'ambient da lavur è savens frestg ed umid. Quai vala en spezial per locals da sfradentar e da schelentar. Ils temps da lavur dependan dal manaschi. Per il solit èn quels regulars. La lavur da saira e da firà è pussaivla.
Ti lavuras en mazlarias, en manaschis industrials u en il commerzi.
Pretensiuns e interess
- Savair vesair sang
- Fitg bun gust e bun nas
- Inschign manual
- Moda da lavurar svelta
- Resistenza a la temperatura u a l'aura
- Resistenza corporala
- Senn per igiena e per nettezza
- Plaschair da vender e da cussegliar
- Lavurar cun ils mauns
- Lavurar cun victualias
Scolaziun
Furmaziun pratica en ina fatschenta da products da charn u en manaschis artisanals u industrials ch'elavuran charn: 4 dis per emna
1 di per emna en las scolas professiunalas spezialisadas chantunalas
Uniun professiunala svizra da la charn UPSC, Spiez (BE): 7 dis durant 2 onns
2 onns
- producziun ed elavuraziun
- preparaziun e vendita
Terminà la scola obligatorica
Assistent / Assistenta da products da charn AFP
Furmaziun cuntinuonta
Curs
Curs da l'Uniun professiunala svizra da la charn (UPSC)
Emprendissadi supplementar
Sco assistenta u assistent da products da charn AFP pos ti per regla far in emprendissadi scursanì da spezialista u spezialist da products da charn AFQ.
Professiuns sumegliantas
