Practicist da latg AFP
Practicista da latg AFP
![[object Object],[object Object]](https://media.sdbb.ch/transform/8fec98b7-6ad7-4340-b9ab-2fff5eb663e8/Milchtech-KB-114-jpg?io=transform:fill,width:740,height:490)
1. onn d’emprendissadi: CHF 800.–
2. onn d’emprendissadi: CHF 1000.–
Sco practicista u practicist da latg lavuras ti en manaschis che elavuran latg a products sco chaschiel, groma u paintg. Ti utiliseschas apparats e surveglias maschinas da producziun. Ti nettegias las maschinas ed ils locals e procuras, che las reglas d'igiena vegnian observadas.
Incumbensas
- prender encunter la furniziun: pasar, filtrar e sfradentar correctamain il latg
- controllar la qualitad dal latg furnì tenor las instrucziuns dal manaschi
- magasinar ingredienzas ed aditivs ch'èn necessaris per l'elavuraziun, p.ex. culturas, quagl, aromas u zutger
- preparar e magasinar culturas, p.ex. bacterias d'acid da latg
- preparar, manevrar e survegliar las maschinas per elavurar latg
- calcular e preparar las quantitads da latg e las ingredienzas necessarias per la producziun
- gidar a producir chaschiel, jogurt, glatsch, latg u groma, magasinar e pachetar ils products da latg
- calcular las quantitads ed ils pais da la producziun e scriver rapports da lavur
- prender provas durant la producziun ed elavurar tenor prescripziuns
- controllar la qualitad, p.ex. cuntegn da grass, cuntegn d'aua, grad d'acid
- identifitgar ed annunziar mancanzas da products u divergenzas
- nettegiar e dischinfectar utensils, maschinas e locals da producziun
- giuditgar mancanzas tecnicas, annunziar e prender mesiras adattadas
Ambient da lavur
Sco practicista u practicist da latg lavuras ti en lieus da producziun. A la plazza da lavur èsi dad aut pervia da las maschinas ed i dat auta umiditad da l'aria. Plinavant poi esser chaud u fraid. I valan reglas d'igiena severas e ti stos purtar vestgadira da lavur speziala. La producziun ha lieu 7 dis l'emna. Ils temps da lavur dependan da la grondezza dal manaschi. En manaschis pitschens cumenza il di da lavur fitg baud e finescha vers mezdi. En manaschis industrials datti lavur en squadras.
Ti lavuras cunzunt en gronds manaschis da latgiras ed en chascharias, nua che las perspectivas professiunalas èn bunas. En pitschens manaschis da latgarias ed en chascharias datti damain plazzas. Durant la stagiun da stad pos ti er lavurar en chascharias d'alp.
Pretensiuns e interess
- Fitg bun gust e bun nas
- Senn per igiena e per nettezza
- Abilitad da lavurar en in team
- Prontezza da lavurar durant uras irregularas u servetschs da notg
- Moda da lavurar sistematica
- Resistenza corporala
- Dun d'observar
- Resistenza a la temperatura u a l'aura
- Lavurar cun victualias
- Lavurar cun maschinas
- Lavurar en moda exacta
Scolaziun
La scolaziun vegn fatga sco emprendissadi en in manaschi.
Furmaziun pratica en in manaschi ch'elavura latg: 4 dis per emna
1 di per emna en las scolas professiunalas spezialisadas chantunalas
Center da furmaziun professiunala, Sursee (LU): 4 dis durant 2 onns.
2 onns
Terminà la scola obligatorica
Practicist / Practicista da latg AFP
Furmaziun cuntinuonta
Emprendissadi supplementar
Sco practicista u practicist da latg AFP pos ti per regla far in emprendissadi scursanì da tecnologa u tecnolog da latg AFQ.
Professiuns sumegliantas
