Pasternera - Pastiziera - Confisiera AFP
Pasterner - Pastizier - Confisier AFP
![[object Object],[object Object]](https://media.sdbb.ch/transform/4d61afde-1c1f-4bde-a449-1e4aac6c3925/BE_2_Baeckerin-Konditorin-Confiseurin_FM-jpg?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 950.–
Sco pasternera-pastiziera-confisiera u pasterner-pastizier-confisier fas ti differentas pastizarias a maun u cun maschinas, p.ex. paun alv, paun mez alv u paun integral sco er cornets u brioches. Ultra da quai preparas ti er products da conditoria e da confisaria sco turtas u desserts.
Incumbensas
- preparar las ingredienzas per la pasta: calcular e pasar la quantitad
- metter en funcziun la maschina da pasta
- parter e furmar la pasta, p.ex. a paunins u cornets
- laschar levar paun, cornets e brioches
- giustar la temperatura dal furn e far las pastizarias
- preparar las ingredienzas per pettas, turtas u cremas: calcular la quantitad e pasar las ingredienzas
- far la pasta ed ils funds da biscuit
- preparar differentas ingredienzas per las pastizarias, p.ex. groma sbattida u fritgs tagliads
- parter e stritgar funds da pasta, p.ex. cun ina crema da vaniglia u cun ina groma sbattida ed alura decorar, p.ex. cun flocs da tschigulatta u cun ina scrittira da glasura da zutger
- producir differentas pastizarias, p.ex. mousse, desserts u turtas
- producir pralinas e spezialitads da tschigulatta
- preparar differentas massas, p.ex. ganache, gianduja u marzipan
- preparar fritgs candids u glasads, truffes e zutgerins da liquor
- tractar en moda spargnusa e cun quità las victualias ed ils apparats ed evitar vanzadiras
- administrar inventaris dal magasin e rauba
- pachetar ils products cun quità e preparar quels per la vendita
Ambient da lavur
Sco pasternera-pastiziera-confisiera u pasterner-pastizier-confisier lavuras ti en pasternarias u cuschinas. Ti lavuras savens la notg ed er las fins d'emna ed ils firads. En manaschis gronds lavuras ti per il solit en squadra. Durant tschertas stagiuns sco avant u durant ils firads è la lavur spezialmain intensiva. Tias incumbensas sa differenzieschan tut tenor il lieu da lavur e la grondezza da l'interpresa.
Ti lavuras en pasternarias, pastizarias u confisarias. Er en manaschis da producziun industrials da l'industria da pastizarias e dultscharias chattas ti plazzas da lavur. Ultra da quai pos ti lavurar en chasas da dimora, ospitals sco er manaschis d'hotel e da gastronomia.
Pretensiuns e interess
- Fitg bun gust e bun nas
- Abilitad da lavurar en in team
- Prontezza da lavurar durant uras irregularas u servetschs da notg
- Creativitad
- Moda da lavurar sistematica
- Inschign manual
- Senn per igiena e per nettezza
- Resistenza corporala
- Lavurar cun victualias
- Lavurar cun ils mauns
- Lavurar en moda exacta
- Lavurar cun maschinas
Scolaziun
Furmaziun pratica en ina pasternaria-pastizaria-confisaria u in manaschi industrial da producziun: 4 dis per emna
1 di per emna en las scolas professiunalas spezialisadas chantunalas
En plirs chantuns: 7 dis durant 2 onns
2 onns
Terminà la scola obligatorica
Pasterner-pastizier-confisier AFP / Pasternera-pastiziera-confisiera AFP
Furmaziun cuntinuonta
Curs
Curs da la federaziun Center da cumpetenzas Richemont.
Emprendissadi supplementar
Sco pasternera-pastiziera-confisiera u pasterner-pastizier-confisier AFP pos ti per regla far in emprendissadi scursanì da pasternera-pastiziera-confisiera u pasterner-pastizier-confisier AFQ.
Professiuns sumegliantas
