![[object Object],[object Object]](https://media.sdbb.ch/transform/81cd723f-4661-4f94-a985-b52961cb84c3/viticulteur_J-F-D_059-jpg?io=transform:fill,width:740,height:490)
Sco spezialista u spezialist da vin cultiveschas ti differentas sorts da vits. Ti lavuras ubain tenor moda da producziun classica u biologica. Or da las ivas fas ti vin ed auters products sco suc u vinars. Suenter la vendemia elavuras ti las ivas a vin, al laschas madirar ed al vendas.
Incumbensas
- tscherner ed emplantar la spezia da vit
- tagliar e colliar vits, allontanar ils chatschs u la feglia
- tgirar il terren, p.ex. ladar u cumbatter cunter zerclim
- survegliar e proteger las vits, p.ex. cun products fitosanitars u raits
- observar la madiraziun e giuditgar la qualitad da las ivas
- racoltar e transportar ivas
- preparar il tschaler per la vendemia, p.ex. nettegiar ils butschins da vin
- zavrar las ivas, allontanar ils monis e pressegiar cun quità
- filtrar e sclerir il vin cun metodas chemicas e fisicalas
- cumbinar il vin da differentas spezias da vits
- conservar il vin en butschins u auters recipients, survegliar sia madiraziun ed adattar sche necessari
- embuttigliar, etichettar ed emballar il vin
- destillar il suc dad ivas a vinars
- mantegnair maschinas ed apparats per la viticultura, sco p.ex. tractors, apparats da sprinzlar e forschs d'ortulan
- nettegiar pressas ed auter material
- tegnair en urden locals ed apparats
- vender products a gastronomas, grossists e clientella privata
- promover la vendita, p.ex. tras degustaziuns en il manaschi u a fieras da vin
- far empustaziuns, controllar furniziuns, far e pajar quints
- evaluar ils retgavs e survegliar ils custs da producziun
- planisar novas acquisiziuns e garantir la finanziaziun
- engaschar e tgirar las collavuraturas ed ils collavuraturs
Ambient da lavur
Sco spezialista u spezialist da vin lavuras ti en la vigna u en il tschaler da vin. Tes temps da lavur sa drizzan tenor las stagiuns. L'atun, durant la vendemia e la producziun da vin, èn ils temps da lavur spezialmain intensivs. Ti stas regularmain en contact cun furnituras e gastronomas, grossists e clientella privata.
Ti lavuras en moda independenta u vegns engaschada u engaschà sin gronds bains da vignas, en tschalers da vin privats, tar associaziuns u martgadants da vin. La gronda part da las plazzas da lavur existan en las regiuns da viticultura. Ti pos er lavurar per organisaziuns agriculas, servetschs da cussegliaziun, staziuns da perscrutaziun u centers da furmaziun.
Pretensiuns e interess
- Resistenza corporala
- Fitg bun gust e bun nas
- Resistenza a la temperatura u a l'aura
- Inschign manual
- Plaschair da vender e da cussegliar
- Moda da lavurar independenta
- Dun d'observar
- Lavurar en il liber
- Lavurar cun ils mauns
- Esser corporalmain activ
- Lavurar cun plantas
Scolaziun
Scolaziun pratica en in manaschi da viticultura: 4 dis per emna
Curs da bloc da pliras emnas per onn a la scola professiunala spezialisada a Wädenswil (ZH)
• Sectur professiunal tschaleradi: 11 dis durant 3 onns
• Sectur professiunal viticultur: 12 dis durant 3 onns
3 onns
- Viticultur
- Tschaleradi
- Terminà la scola obligatorica
- Intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista da vin AFQ
Furmaziun cuntinuonta
Curs
Purschidas da centers da furmaziun e da cussegliaziun agricula sco Inforama u Strickhof
Instrucziun supplementara
Sco pura u pur AFQ pos ti per regla far in emprendissadi scursanì en in'autra professiun agricula:
Examen professiunal (EP)
- Mainagestiun viticultura EP
- Mainagestiun tecnologia da vin EP
Examen professiunal superiur (EPS)
- Maister viticultur / Maistra viticultura EPS
- Maister tschalerer / Maistra tschalerera EPS
Scola spezialisada superiura (SSS)
- Tecnicist / Tecnicista da viticultura SSS
- Commerziant agricul / Commerzianta agricula SSS
- Agrotecnicist / Agrotecnicista SSS
Scola auta spezialisada (SAS)
- Bachelor of science/arts en scienzas agraras
- Bachelor of science/arts en biotecnologia
- Bachelor of science/arts en scienzas da victualias
Tut tenor la scola auta spezialisada valan differentas cundiziuns d'admissiun.
Professiuns sumegliantas
