![[object Object],[object Object]](https://media.sdbb.ch/transform/7ba1caee-8c39-48f3-944b-ee421575242a/ObstfachEFZ-PR-5534-jpg?io=transform:fill,width:740,height:490)
1. onn d’emprendissadi: CHF 1200.–
2. onn d’emprendissadi: CHF 1350.–
3. onn d’emprendissadi: CHF 1500.–
Sco pumicultura u pumicultur produceschas ti differentas sorts da puma e da pumaraida. Ti emplantas pumiculturas, cultiveschas bostgs e racoltas fritgs. Ils fritgs magasineschas e vendas ti – per als mangiar frestgs u per als elavurar vinavant. Ti cultiveschas il terren cun maschinas resguardond la protecziun da l'ambient. Forsa ta decidas ti per la pumicultura biologica, en la quala valan reglas pli severas.
Incumbensas
- tscherner la cultivaziun e la moda da producziun adattada, p.ex. tratga al liber e biodinamica
- planisar las lavurs tenor las cundiziuns meteorologicas
- preparar e gulivar il terren per l'emplantaziun
- allontanar zerclim e ladar il terren cun fertilisaders ecologics
- duvrar maschinas, vehichels e tecnologias da l'agricultura digitala, p.ex. sensurs u apps
- prender provas da terren e las laschar analisar en in labor, per pudair controllar il cuntegn da las substanzas nutritivas
- trair si e multiplitgar plantas, per allevar novas sorts
- emplantar pumers e chaglias resguardond exactamain las distanzas e l'orientaziun
- tscherner differentas sorts, resguardar recumandaziuns da persunas spezialisadas e las tendenzas dal martgà
- cultivar ils pumers: ladar, allevar, tagliar, liar e sauar
- cumbatter cunter malsognas e parasits cun meds per proteger las plantas
- observar la madiraziun dals fritgs ed als proteger cun raits u blatgas. p.ex. cunter utschels u granella
- racoltar fritga
- assortir, nettegiar e pachetar la racolta resguardond l'igiena
- furnir la fritga a commerziants a l'engrossa u vender directamain
- scriver sin products per la vendita directa: origin, qualitad, sort e pretsch
- tegnair en salv la racolta en locals sfradentads
- elavurar vinavant la fritga, p.ex. a sucs, fritga setgentada u confituras
- mantegnair, renovar e modernisar edifizis, maschinas ed utensils
- far reparaturas pli pitschnas
- nettegiar indrizs da sprinzlar e filters
- far empustaziuns, controllar furniziuns, far e pajar quints
- evaluar ils retgavs e survegliar ils custs da producziun
- planisar novas acquisiziuns e garantir la finanziaziun
- engaschar e tgirar las collavuraturas ed ils collavuraturs
Ambient da lavur
Sco pumicultura u pumicultur lavuras ti principalmain en il liber ed es dependenta u dependent da l'aura. Tes temps da lavur sa drizzan tenor las stagiuns ed èn lungs, cunzunt durant la stagiun auta. Mintgatant lavuras ti er en la viticultura, la cultivaziun da verdura u l'agroturissem.
Ti lavuras en in manaschi da pumicultura u en in sectur che ha ina relaziun cun la pumicultura, p.ex. tar associaziuns, en interpresas privatas, en manaschis classics u biologics, tar servetschs da cussegliaziun u tar staziuns da perscrutaziun.
Pretensiuns e interess
- Inschign manual
- Resistenza corporala
- Plaschair da vender e da cussegliar
- Moda da lavurar independenta
- Dun d'observar
- Plain fantasia e savair sa gidar
- Lavurar en il liber
- Lavurar cun victualias
- Lavurar cun plantas
- Lavurar cun maschinas
Scolaziun
Furmaziun pratica en in manaschi da pumicultura: 3 fin 4 dis per emna
1 fin 2 dis per emna en la scola professiunala spezialisada a Lindau (ZH)
Lindau (ZH): 11 dis durant 3 onns
3 onns
- Terminà la scola obligatorica
- Intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Pumicultur / Pumicultura AFQ
Furmaziun cuntinuonta
Curs
Purschidas da centers da furmaziun e da cussegliaziun agricula sco Inforama u Strickhof
Instrucziun supplementara
Sco pura u pur AFQ pos ti per regla far in emprendissadi scursanì en in'autra professiun agricula:
Examen professiunal (EP)
- Mainagestiun pumicultura EP
Examen professiunal superiur (EPS)
- Maister / Maistra da pumicultura EPS
Scola spezialisada superiura (SSS)
- Commerziant agricul / Commerzianta agricula SSS
- Agrotecnicist / Agrotecnicista SSS
Scola auta spezialisada (SAS)
- Bachelor of science/arts en scienzas agraras
- Bachelor of science/arts en biotecnologia
- Bachelor of science/arts en scienzas da victualias
Tut tenor la scola auta spezialisada valan differentas cundiziuns d'admissiun.
Professiuns sumegliantas
