Ortulana da verdura AFQ
Ortulan da verdura AFQ
![[object Object],[object Object]](https://media.sdbb.ch/transform/6a3c2fd4-7eef-4a15-84f0-4a969f58294b/GemueseGaertner-DR-160-jpg?io=transform:fill,width:740,height:490)
Sco ortulana u ortulan da verdura cultiveschas ti differentas sorts da legums. Ti tgiras las culturas da legums davent da la semnada fin a la racolta ed elavuras il terren en moda ecologica. Ils legums racoltads magasineschas e commerzialiseschas ti.
Incumbensas
- tscherner la cultivaziun e la moda da producziun, p.ex. tratga al liber e biodinamica
- planisar culturas alternantas e stgaffir spazi da viver per plantas ed animals
- preparar il terren per la cultivaziun: chavar enturn ed allontanar il zerclim
- planisar las lavurs tut tenor l'aura
- duvrar maschinas, vehichels e tecnologias da l'agricultura digitala, p.ex. sensurs u apps
- prender provas da terren e las laschar analisar, per pudair controllar il cuntegn da las substanzas nutritivas
- preparar sems e plantinas, trair si en serras u sut folias
- laschar avunda distanza tranter las plantas cun semnar u plantar
- tgirar e proteger plantas: ladar, sauar e tractar cunter malsognas e parasits
- controllar il clima en las serras: temperatura, umiditad, sumbriva e ventilaziun
- observar la creschientscha da las plantas
- racoltar, zavrar, lavar e depositar ils legums en locals climatisads
- pachetar legums, furnir a commerziantas u commerziants ubain vender directamain
- etichettar ils emballadis: origin, qualitad, sort e pretsch
- mantegnair edifizis, maschinas ed apparats, p.ex. maschinas da semnar e rastels
- far sez reparaturas pli pitschnas
- nettegiar pumpas e filters
- far in plan annual per la cultivaziun, tscherner las sorts da legums e definir las quantitads da cultivaziun
- far empustaziuns, controllar furniziuns, far e pajar quints
- evaluar ils retgavs e survegliar ils custs da producziun
- planisar novas acquisiziuns e garantir la finanziaziun
- engaschar e tgirar las collavuraturas ed ils collavuraturs
Ambient da lavur
Sco ortulana u ortulan da verdura lavuras ti en serras u al liber da tutt'aura. Tes temps da lavur sa drizzan tenor las stagiuns ed èn lungs, cunzunt durant la stagiun auta. Ti lavuras en il team e stas regularmain en contact cun furnituras e gastronomas, grossists u clientella privata. Mintgatant lavuras ti er en la viticultura, la pumicultura u l'agroturissem.
Ti lavuras sco persuna spezialisada u persuna directiva en in manaschi tradiziunal u biologic da cultivaziun da verdura. Il dumber dals manaschis da cultivaziun da verdura sa reducescha dentant mintg'onn in zic en Svizra. Ulteriuras pussaivladads d'occupaziun chattas ti en la perscrutaziun, en il sectur da la furmaziun, tar federaziuns professiunalas, associaziuns agriculas, manaschis da semenza u firmas da commerzi da verdura.
Pretensiuns e interess
- Resistenza corporala
- Inschign manual
- Resistenza a la temperatura u a l'aura
- Plaschair da vender e da cussegliar
- Dun d'observar
- Prontezza da lavurar er sin dumonda
- Plain fantasia e savair sa gidar
- Lavurar en il liber
- Esser corporalmain activ
- Lavurar cun plantas
Scolaziun
Furmaziun pratica en in manaschi da cultivaziun da verdura
Curs da bloc dad 1 fin 6 emnas per onn a la scola professiunala spezialisada ad Ins (BE)
Ins (BE): 12 dis durant 3 onns
3 onns
- Terminà la scola obligatorica
- Intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Ortulan / Ortulana da verdura AFQ
Furmaziun cuntinuonta
Curs
Purschidas da centers da furmaziun e da cussegliaziun agricula sco Inforama u Strickhof
Instrucziun supplementara
Sco ortulana u ortulan da verdura AFQ pos ti per regla far in emprendissadi scursanì en in'autra professiun agricula:
Examen professiunal (EP)
- Mainagestiun cultivaziun da verdura EP
Examen professiunal superiur (EPS)
- Maister ortulan / Maistra ortulana da verdura EPS
Scola spezialisada superiura (SSS)
- Commerziant agricul / Commerzianta agricula SSS
- Agrotecnicist / Agrotecnicista SSS
Scola auta spezialisada (SAS)
- Bachelor of science/arts en scienzas agraras
- Bachelor of science/arts en biotecnologia
- Bachelor of science/arts en scienzas da victualias
Tut tenor la scola auta spezialisada valan differentas cundiziuns d'admissiun.
Professiuns sumegliantas
