![[object Object],[object Object]](https://media.sdbb.ch/transform/d693a849-a04f-43c0-a51d-6d8ec00fdc8b/01_Landwirt_FM-jpg?io=transform:fill,width:740,height:490)
1. onn d’emprendissadi: CHF 1200–1500.–
2. onn d’emprendissadi: CHF 1400–1600.–
3. onn d’emprendissadi: CHF 1250–1750.–
Sco pura u pur produceschas ti victualias vegetalas u animalas. Ti cultiveschas plantas u tegnas animals da niz. En quest connex ta spezialiseschas ti per ina furma da producziun: cultivaziun dad ers, agricultura d'alp e da muntogna, planticultura biologica, tegnida d'arments, tegnida da giaglinom u tegnida da portgs.
Incumbensas
- procurar per terren fritgaivel, p.ex. tras la midada tranter la cultivaziun dad ers, la cultivaziun da pavel e pastgiras
- mantegnair e promover la biodiversitad, en spezial tras prads, chaglias u flurs
- cultivar differentas culturas sco graun, tartuffels u ravun sco er las proteger cunter malsognas e parasits
- applitgar differentas modas da producziun: p.ex. producziun integrada u biologica
- far in plan da fertilisaziun ed applitgar ils ladims en moda ecologica
- racoltar, magasinar e commerzialisar products
- tegnair e trair si animals da niz, p.ex. vatgas da latg, arments, giaglinom u portgs
- administrar surfatschas verdas per la producziun da pavel e las provisiuns
- procurar per il bainstar da la muntanera ed observar las prescripziuns davart la protecziun dals animals, p.ex. cun pasculaziun u cun pavlar animals en moda equilibrada
- tscherner animals adattads per la tratga
- survegliar la sanadad dals animals e prevegnir ad epidemias tras vaccinaziuns ed autras mesiras
- depositar e pachetar products sco latg, jogurt, chaschiel, charn u ovs per la vendita directa u per als elavurar vinavant
- duvrar vehichels agriculs, maschinas ed utensils resguardond las prescripziuns da segirezza
- tegnair en urden tractors, apparats ed indrizs sco giagliners, serras u silos
- mantegnair e renovar edifizis; cooperar a projects da construcziun u da modernisaziun
- far in plan da producziun
- manar la contabilitad
- endatar ed actualisar permanentamain las datas da manaschi
- transmetter documents e documentaziuns a las autoritads cumpetentas
Ambient da lavur
Sco pura u pur cultiveschas ti tes agen manaschi u in bain puril prendì a fittanza. La cultivaziun da plantas dependa fermamain da l'aura. En connex cun ina gronda part da tia lavur dovras ti maschinas. Ils animals tgiras ti mintga di. En las muntognas èn las cundiziuns pli difficilas: territori stip ed in clima criv ta sfidan.
Il pli savens lavuras ti en moda independenta en in manaschi da famiglia ch'è sa spezialisà en ina u pliras branschas da producziun. Engaschaments datti paucs, cunzunt en manaschis gronds. La diminuziun dals pretschs dals products ha per consequenza, ch'i dat adina main manaschis. Ti pos cumplettar tias entradas cun la vendita directa da products dal bain, l'agroturissem u ina lavur pajada d'ordaifer il sectur agricul. Ina segunda scolaziun, p.ex. en mecanica, ils fatgs da construcziun u l'economia forestala, po gidar en chaussa. Mintgatant chattas ti er ina plazza en ina interpresa che ha ina relaziun cun l'agricultura, sco p.ex. tar furniturs da semenza, producents da meds per proteger las plantas u tar associaziuns agriculas.
Pretensiuns e interess
- Moda da lavurar independenta
- Resistenza corporala
- Prontezza da lavurar er sin dumonda
- Plain fantasia e savair sa gidar
- Inschign manual
- Atgna iniziativa
- Dun d'observar
- Savair supportar odurs dischagreablas
- Lavurar en il liber
- Esser corporalmain activ
- Lavurar cun plantas
- Lavurar cun animals
- Lavurar cun maschinas
Scolaziun
Furmaziun pratica en in manaschi agricul: 4 dis per emna
1 di per emna en las scolas professiunalas spezialisadas chantunalas
- Sectur professiunal da la tegnida d'arments: 11 dis durant 3 onns
- Auters secturs professiunals: 12 dis durant 3 onns
3 onns
- Cultivaziun dad ers
- Agricultura d'alp e da muntogna
- Planticultura biologica
- Tegnida d'arments
- Tegnida da giaglinom
- Tegnida da portgs
- Terminà la scola obligatorica
- Intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Pur / Pura AFQ
Furmaziun cuntinuonta
Curs
Purschidas da centers da furmaziun e da cussegliaziun agricula sco Inforama u Strickhof
Instrucziun supplementara
Sco pura u pur AFQ pos ti per regla far in emprendissadi scursanì en in'autra professiun agricula:
Examen professiunal (EP)
- Mainagestiun agricultura EP
- Manader da tegnairchasa puril / pura EP
- Spezialist / Spezialista d'agricultura biodinamica EP
Examen professiunal superiur (EPS)
- Maister pur / Maistra pura EPS
Scola spezialisada superiura (SSS)
- Commerziant agricul / Commerzianta agricula SSS
- Agrotecnicist / Agrotecnicista SSS
Scola auta spezialisada (SAS)
- Bachelor of science/arts en scienzas agraras
- Bachelor of science/arts en biotecnologia
- Bachelor of science/arts en scienzas da victualias
Tut tenor la scola auta spezialisada valan differentas cundiziuns d'admissiun.
Professiuns sumegliantas
