Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Practicist agrar / Practicista agrara AFP

Practicists agrars e practicistas agraras lavuran en manaschis agriculs. Els tegnan e tgiran animals per la producziun da charn, latg ed ovs. Els emplantan graun, verdura e fritgs. Plinavant produceschan els vins.

Lavurs

Practicists agrars e practicistas agraras fan differentas lavurs praticas en manaschis da l’agricultura e da l’economia d’alimentaziun. Manaschis agriculs èn per exempel sa spezialisads sin l’economia da latg, la cultivaziun dad era u l’engrasch da portgs. Tut tenor manaschi e direcziun speziala surpiglian practicists agrars in zic autras incumbensas. Els produceschan, elavureschan e vendan ils products dal manaschi.

Practicists agrars da la direcziun agricultura gidan tar la cultivaziun dad ers e la producziun da pavel. Els tgiran plantas davent da la semenza enfin la racolta. Els observan il terren e protegian las plantas da malsognas e parasits. Blera lavur dattan er ils animals, practicists agrars als pavlan e tgiran. Ed els guardan era ch’ils animals hajan avunda plazza per pascular. Ultra da quai gidan els da mulscher e nettegian stallas ed implants.

Practicists agrars da la direcziun culturas spezialas lavuran en la cultivaziun da verdura, en la pumicultura u la viticultura. Els elavuran il terren, plantan e tgiran p.ex. champs da carottas, tschareschers u vits. Els observan exactamain la natira. Tut tenor stagiun ed aura sauan, engraschan u taglian els las plantas. Savens è l’atun il temp da racolta: Lura racoltan els la verdura, prendan giu maila ed ivas. Els assorteschan, pacheteschan e magasineschan ils products.

Practicists agrars da la direcziun preparaziun dal vin elavuran ivas tar vin. Els gidan tar tut las lavurs dal tschaler da vin: davent dal torclar ivas tar la conservaziun e la commerzialisaziun dal vin.

Per bleras lavurs dovran practicists agrars maschinas, p.ex. tractors, maschinas da segar u maschinas da racoltar. Els mantegnan era questas maschinas. Ultra da quai fan els pitschnas reparaturas vi d’apparats ed edifizis. Durant la lavur dal mintgadi resguardan els strictamain las directivas da la protecziun da l’ambient, da la sanadad e da la segirezza.

Scolaziun

Basa legala

Ordinaziun federala 14-11-2008

Durada

2 onns

Direcziuns

  • agricultura
  • culturas spezialas (fritgs e verdura)
  • preparaziun dal vin

Furmaziun en la pratica

En in manaschi agricul u en in tschaler da vin

Furmaziun en scola

1 di per emna a la scola professiunala

Roms professiunals

  • direcziun agricultura: cultivaziun da plantas, tegnida d’animals, mecanisaziun ed implants tecnics
  • direcziun culturas spezialas: cultivaziun da plantas, mecanisaziun ed implants tecnics
  • direcziun preparaziun dal vin: cultivaziun da plantas, preparaziun dal vin, mecanisaziun ed implants tecnics
  • Curs ordaifer il manaschi

    Tar differents temas

    Diplom

    Attest federal professiunal "practicist agrar / practicista agrara AFP"

Premissas

Furmaziun preliminara
  • scola populara terminada
Pretensiuns
  • plaschair vi da la lavur cun animals
  • enclegientscha per ils connexs en la natira
  • abilitads praticas
  • enclegientscha tecnica (en contact cun maschinas)
  • buna sanadad e constituziun corporala (resistenza a l’aura, naginas allergias)

Furmaziun supplementara

Curs

purschidas da centers da furmaziun e da cussegliaziun agriculs tar differents temas

Furmaziun da basa cun attestat federal da qualificaziun AFQ

practicists agrars / practicistas agraras AFP pon far ina furmaziun da basa scursanida per cuntanscher in attestat federal da qualificaziun (AFQ) en il champ professiunal "agricultura": access al 2. onn da furmaziun sco pur / pura AFQ, spezialist / spezialista giaglinom AFQ, pumicultur / pumicultura AFQ, ortulan / ortulana da verdura/legums AFQ, viticultur / viticultura AFQ u tecnolog / tecnologa da vin AFQ.
Suenter èn pussaivlas las medemas furmaziuns sco per las furmaziuns da basa correspundentas cun AFQ.

Cundiziuns da lavur

Practicists agrars e practicistas agraras sustegnan purs e puras en lur manaschis. Els lavuran en purarias e champs, plantaschas da puma, vignas e tschalers da vin.

La lavur è dependenta da l’aura e da las stagiuns. Mintgatant datti fitg bler da far, er durant la saira u la fin d’emna.

Practicists agrars e practicistas agraras èn persunas dal fatg tschertgadas ed han bunas schanzas da chattar ina plazza da lavur.

Ulteriuras infurmaziuns

OdA AgriAliForm
c/o Schweiz. Bauernverband
Laurstr. 10
5201 Brugg
Tel: 056 462 54 40
URL: www.agri-job.ch
URL: www.bauernverband.ch





berufsberatung.ch