Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Mecanist / Mecanista da velos AFQ

Mecanists e mecanistas da velos mantegnan, repareschan e megliereschan velos e bikes electrics, als vendan. Plinavant vendan els er vestgadira ed accessori. Las incumbensas da la clientella adempleschan els a moda conscienziusa.

Lavurs

Mecanists e mecanistas da velos passentan ina gronda part da lur temp da lavur en il lavuratori. Là mainan els surtut tras lavurs da service e da midadas sco er controllas da funcziun vi da velos da tuttas sorts. Cunquai ch’il lavuratori è savens er collià cun ina fatschenta da vendita, s’occupan els er da la clientella. Els la beneventan, prendan cunter incumbensas da la clientella, la cusseglian ed infurmeschan davart defects, custs sco er novaziuns. Els decleran ils avantatgs ed ils dischavantatgs da differents vehichels a duas rodas e vendan velos, vestgadira ed accessori.

Mecanists da velos mainan tras en il lavuratori lavurs da mantegniment, reparaturas e midadas vi da velos e velos electrics. Els survesan las lavurs, calculeschan il temp ch’i dovra e planiseschan decurs, uschia ch’ils vehichels pon vegnir surdads a temp a la clientella. Las lavurs fan els a moda conscienziusa.

Mecanists da velos mantegnan, repareschan e megliereschan roms da velos e parts dal schassis. Els valiteschan e controlleschan roms, rodas, radis, rulleras da la roda, rodas e pilotadis sin donns, per exempel tras isada u accidents. Els centreschan rodas, remplazzan pneus, nettegian rulleras dal chau dal guvernagl, controlleschan pedaleras ed unschan tut las parts moviblas. Els reparan suspensiuns e mitigiaziuns e reorganiseschan quellas per in cumportament optimal en il traffic. Ils differents frains sco frains da giavegls, da rudella e da rollas controlleschan els u ch’els als moderniseschan.

Els sa fatschentan cun la tracziun, la midada dals girs e cun l’electronica dal velo. Mecanists da velos examineschan e giusteschan chadainas sco er transmissiuns a mosels e reparan indrizs d’illuminaziun. Tar vehichels electrics tschertgan els cun apparats da mesirar suenter disturbis, chargian e remplazzan battarias, reparan defects vi da motors electrics.

Parts defectas vegnan per motivs da custs savens remplazzadas e betg reparadas. Mecanists da velos san dentant tuttina era resgiar, buglir u tagliar bain crennadiras, quai per savair reparar u fabritgar parts ch’els na survegnan betg pli. Sco generalists en la fatschenta professiunala administreschan els ultra da quai il magasin da tocs da reserva e fan empustaziuns. Els sa tegnan vi da las prescripziuns davart la garanzia da la qualitad, la segirezza da la lavur, la protecziun da la sanadad, da l’ambient e d’accidents.

Scolaziun

Basa legala

Ordinaziun federala 5-9-2011 (stan 1-1-2018)

Durada

3 onns

Furmaziun en la pratica

En ina fatschenta speziala da velos

Furmaziun en scola

1 di per emna a la scola professiunala

Roms professiunals

  • noziuns tecnicas
  • elements electrics
  • proceders da fabricaziun
  • infurmaziuns da mantegniment e da reparaturas
  • infurmaziuns tecnicas
  • meds da communicaziun
  • servetsch da clientella
  • servetsch da tocs da reserva
  • communicaziun da datas
  • discurs da vendita
  • vestgadira ed accessori
  • velos e tecnica da velos

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "mecanist / mecanista da velos AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha tecnica
  • imaginaziun dal spazi
  • lavurar a moda exacta e conscienziusa
  • pazienza e perseveranza
  • senn da responsabladad
  • plaschair vi dal contact cun clientella

Furmaziun supplementara

Curs

purschidas da 2rad Schweiz e da scolas professiunalas

Furmaziun da basa scursanida

1 onn furmaziun da basa professiunala sco mecanist / mecanista da motos pitschnas e velos AFQ, 2 onns furmaziun da basa sco mecanist / mecanista da motos AFQ

Examen professiunal superiur (EPS)

maister mecanist / maistra mecanista da velos, maister mecanist / maistra mecanista da velos e motos

Scola spezialisada superiura (SSS)

p.ex. tecnicher / tecnicra dipl. SSS construcziun da maschinas

Scola auta spezialisada (SAS)

p. ex. Bachelor of Science (SAS) en tecnica d’automobil, Bachelor of Science (SAS) en tecnica da maschinas

Cundiziuns da lavur

Mecanists da velos lavuran savens en lavuratoris pitschens u mesauns. Pussaivel è er ina lavur tar firmas da producziun u firmas commerzialas da velos.

Il pli bler da far han mecanists da velos la primavaira u la stad, lura pon ils dis da lavur en il lavuratori esser fitg lungs. Durant l’enviern pon els sa deditgar a reparaturas pli grondas u preparar vehichels d’occasiun per la vendita.

Il temp da lavur correspunda per regla a las uras d’avertura dal negozi. I vegn pia er lavurà la sonda.

Ulteriuras infurmaziuns

2rad Schweiz
via da la staziun 86
chascha postala
5001 Aarau
Tel: 062 823 37 85
URL: www.2radschweiz.ch

Revista professiunala:
Verbandszeitung "inform"



berufsberatung.ch