?global_aria_skip_link_title?

Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Spezialist / Spezialista d’autos AFQ

Spezialists e spezialistas d’autos reparan motors, propulsaders e schassis dals autos e vehichels utilitars. Els exequeschan lavurs da service e mantegnan ils vehichels. Els examineschan las cumponentas dals vehichels, giusteschan ellas a moda optimala e remplazzan tocca defecta.

Lavurs

Els exequeschan suandantas lavurs:

Service e controllas
  • controllar e mantegnair motors, propulsaders e schassis sco sistems da l'electrica ed electronica e sistems da segirezza e confort,  far diever da sistems sustegnids dal computer per mesirar ed examinar
  • examinar il stadi dal liquid en ils sistems d'unscher, da sfradentar e da frenar, midar ieli, unscher la tocca dal motor cun grass, nettegiar schassis e carossarias
  • controllar il stadi dals pneus, da la suspensiun, dals paraculps e dal manischadi, remplazzar pneus e rodas isadas
  • controllar las battarias, l'indriz d'aria cundiziunada, ils sistem da sfradentar e d'injecziun ed als remplazzar sche necessari
  • mesirar la svapur e mantegnair ils indrizs da dischintoxicaziun da las svapurs
  • endrizzar il manischadi ed ils ventils
  • controllar tar ils vehichels utilitars ils indrizs da cupitgar, da plunar e da chargiar u ils chars annexs
Tschertgar sbagls e far reparaturas
  • reparar u midar differents tocs defects, p.ex. tar ils frains u tar il manischadi
  • montar e demontar il mecanissem u l'alver da tracziun, remplazzar l'accuplament
  • examinar sistems da segirezza sco ils sistem antibloccant, l'airbag u il tempomat
  • programmar u adattar ils sistems da navigaziun ed il sistem da transmissiun da datas sco il GPS, il transponder, l'ultrasun u il func
  • reparar tar vehichels utilitars ils indrizs d'auzar e chargiar, p.ex. remplazzar tocca electropneumatica
  • resguarda las prescripziuns da l'ambient e da la segirezza da lavur, dismetter il rument adattà a l'ambient

Scolaziun

Basa legala

Ordinaziun federala 12-10-2017

Durada

3 onns

Direcziuns

  • autos da persunas
  • vehichels utilitars

Furmaziun en la pratica

En ina garascha per autos da persunas u per vehichels utilitars

Furmaziun en scola

1 – 1 ½  di per emna a la scola professiunala

Roms professiunals

  • controllar e tgirar vehichels
  • midar tocca isada
  • sustegnair la procedura dal manaschi
  • controllar e reparar sistems

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Examen dad ir cun auto

Emprendists fan l’examen dad ir cun auto da persunas, resp. vehichels utilitars.

Diplom

Attestat federal da qualificaziun "spezialist / spezialista d’autos AFQ"

Premissas

Furmaziun preliminara
  • temp da scola obligatoric terminà
  • test da qualificaziun AGVS
Pretensiuns
  • fitg buna enclegientscha tecnica
  • inschign manual
  • patratgar logic
  • moda da lavur exacta e precisa
  • fidadadad ed in senn per responsabladad
  • buna demananza (contact cun clientella)

Furmaziun supplementara

Curs

purschidas da l’Uniun professiunala svizra da l'automobil (AGVS) e da scolas professiunalas

Furmaziun da basa scursanida

examen per la segunda direcziun da spezialist d’autos suenter 1 onn pratica en la professiun correspundenta, mecatronist / mecatronista d’automobils AFQ (access en il 3. onn da la furmaziun da basa)

Examen professiunal (EP)

cun certificat professiunal federal:

  • diagnosticher d’automobils
  • cussegliadra da services d'auto-mobils
  • cussegliader da vendita d’automobils
  • coordinatura da l'ufficina d'autos
  • restauratur d'automobils
  • spezialista da pneus
  • gidanter da straduns

Examen professiunal superiur (EPS)

econom da manaschi diplomà / economa da manaschi diplomada en la branscha d'automobils

Scola spezialisada superiura (SSS)

p.ex. tecnicist diplomà SSS / tecnicista diplomada SSS en construcziun da maschinas, tecnicist diplomà SSS / tecnicista diplomada SSS en electrotecnica

Scola auta spezialisada (SAS)

Bachelor of Science (SAS) en tecnica d'automobils e vehichels. Tut tenor scola auta professiunala valan autras cundiziuns d'admissiun.

Cundiziuns da lavur

Spezialists d’autos lavuran en garaschas d’autos da persunas u da vehichels utilitars. Per regla sa spezialiseschan els sin ina marca dad autos.

Spezialists d’autos han per ordinari in temp da lavur reglà e lavuran 5 dis per emna. En manaschis cun agid en cas da panna e servetsch da pichet na vala quai betg.

La branscha d'automobils sa chatta en ina midada. Novas tecnologias (tracziuns d'electro ed autras alternativas) vegnan pli impurtantas. Las persunas da la professiun ston esser prontas da sa furmar correspundentamain. Persunas engaschadas e prontas da sa surmar supplementarmain èn dumandadas sin il martgà da lavur.

Ulteriuras infurmaziuns

Auto Gewerbe Verband Schweiz (AGVS)
Wölflistr. 5
Postfach 64
3000 Bern 22
Tel: +41 31 307 15 15
URL: www.agvs.ch

"



berufsberatung.ch