1. onn d’emprendissadi: CHF 750–850.–
2. onn d’emprendissadi: CHF 950–1000.–
3. onn d’emprendissadi: CHF 1150–1400.–
4. onn d’emprendissadi: CHF 1400–1800.–
Serreras e serrers da vehichels fabritgeschan surconstrucziuns spezialas e chars annexs per vehichels da persunas, vehichels utilitars e vehichels spezials. Els reconstrueschan tut tenor l’intent d’utilisaziun, monteschan tocca supplementara e surpiglian lavurs da reparatura e da mantegniment.
Incumbensas
- far offertas
- leger ni far sez dissegns tecnics e planisar la lavur
- preparar material (metal), far la marcaziun
- elavurar tolas, bischens e profils tar la furma dretga, tagliar cun resgias e forschs, storscher, glimar, furar, lutegiar, fresar
- enconuscher e far diever da differents materials (metals, materia sintetica) e spezials indrizs e guaffens
- glimar la bugliadira ed ils urs tagliants
- examinar la tocca da metal e tut tenor basegn far correcturas
- metter ensemen tocca da la carossaria e dals indrizs cun buglir u cun rebattadiras, struvas u cola
- installar indrizs supplementars sche giavischà da la clientella, p.ex. cranas e cupitgas, auzaders, portabagaschas
- exequir simplas installaziuns electricas
- enconuscher e far diever da las perscripziuns per la segirezza da lavur e la protecziun da l'ambient, dismetter u reciclar il rument en moda cumpetenta
- demontar sistems idraulics e pneumatics, examinar e puspè montar
- montar protecziun da corrusiun e far adattaziuns
- mantegnair il schassis e la carossaria
- far reparaturas en consequenza d'isada u accidents
Ambient da lavur
Serrers e serreras da vehichels lavuran en manaschis da carossaria e da la construcziun da vehichels, sporadicamain er en manaschis che construeschan telecabinas. I sa tracta per la pli gronda part da manaschis pitschens u mesauns che produceschan e repareschan vehichels per il transport commerzial da persunas e da vitgira. Els èn fitg dumandads sin la fiera da lavur. Las cundiziuns d'engaschament èn regladas tras il contract collectiv da lavur.
Pretensiuns e interess
- Inschign manual
- Chapientscha tecnica
- Moda da lavurar conscienziusa ed exacta
- Imaginaziun tridimensiunala
- Talent da dissegnar
- Gronda toleranza da canera
- Resistenza corporala
- Abilitad da lavurar en in team
- Lavurar cun ils mauns
- Schliar incumbensas tecnicas
- Elavurar metal
- Esser corporalmain activ
Scolaziun
En in manaschi da construcziun da vehichels u en in lavuratori da carossaria
1 di l'emna a la scola professiunala
Emprender ed exercitar en la pratica las basas professiunalas
4 onns
Scola populara terminada
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Serrer / Serrera da vehichels AFQ
Furmaziun cuntinuonta
Curs
Purschidas da scolas professiunalas e da l'Uniun svizra da la carossaria
Certificat da branscha
Da lavuratori en il sectur da carossaria, spezialista da carossaria, direcziun speziala construcziun da vehichels
Examen professiunal (EP)
Serrer / serrera da vehichels cun certificat professiunal federal, spezialist / spezialista cun certificat professiunal federal
Examen professiunal superiur (EPS)
Mainagestiun da carossaria diplomà / diplomada
Scola spezialisada superiura (SSS)
P.ex. tecnicist diplomà / tecnicista diplomada SSS construcziun da metal
Scola auta spezialisada (SAS)
P.ex. Bachelor of Science (SAS) en tecnica d’automobils. Tut tenor scola auta spezialisada valan differentas cundiziuns d'admissiun.
Spezialisaziun
Sco expert / experta dal donn, furmaziun supplementara en ina cumpagnia d’assicuranzas
Professiuns sumegliantas
