![[object Object],[object Object]](https://media.sdbb.ch/transform/62b0b8ac-b759-486d-a1bc-82420566e567/11_Carrosseriespengler_FS-jpg?io=transform:fill,width:740,height:490)
1. onn d’emprendissadi: CHF 750–850.–
2. onn d’emprendissadi: CHF 900–1000.–
3. onn d’emprendissadi: CHF 1000–1300.–
Stagners e stagneras da carossarias exequeschan lavurs da reparatura pretensiusas vid vehichels da persunas e vehichels utilitars. Parts ch’èn smatgadas en mettan els en lur furma originala e parts da la carossaria ch’èn donnegiadas fitg ferm remplazzan els tras novas parts.
Incumbensas
- mesirar cun spezials indrizs da mesiraziun e diagnosa ils donns vid il vehichel ed examinar las funcziuns da la cumponenta electronica
- calcular ils custs da la tocca che sto vegnir reparada, planisar e coordina la reparatura
- allontanar tocca che pudess impedir las lavurs da reparatura, p.ex. sistems da clima, sistems da svapur e da tracziun u tocca electronica sco indrizs d’illuminaziun e da signal
- reparar cumponentas electronicas sco lingias
- exequir simplas reparaturas vid ils sistems da segirezza e confort, p.ex. vid sensurs e cameras
- far u leger dissegns da lavuratori nua che necessari, construir e montar simpla nova tocca da carossaria
- far ora bottas a tocca da carossaria donnegiada cun indrizs e guaffens spezials
- metter puspè en la furma originala tocca defurmada cun agid da tecnicas da trair e smatgar
- enconuscher e duvrar differents materials da fabricaziun (metals, materia sintetica) e tecnicas per separar e metter ensemen cumponentas da carossaria, p.ex. buglir, lutegiar, struvegiar u metodas da reparatura cun materia sintetica
- reparar u remplazzar envaidradira dals vehichels
- glimar surfatschas, gulivar malgulivezzas, dar si protecziun da corrusiun
- enconuscher e far diever da las prescripziuns da la protecziun da la lavur e da l'ambient, dismetter u reciclar il rument a moda cumpetenta
- montar danovamain las cumponentas demontadas e manar il vehichel silsuenter en il lavuratori da vernischar
- exequir lavurs finalas ed examinar sche tut funcziuna puspè
- midar models da vehichels classics tenor giavischs da la clientella, p.ex. montar in spoiler u prender part da la restauraziun da vehichels vegls
Ambient da lavur
Stagners da carossaria lavuran savens en manaschis da carossarias pitschens u mesauns. Suenter ina furmaziun supplementara èsi er pussaivel da lavurar sco expert da donns per assicuranzas u sco cussegliader da clients en in manaschi da carossaria.
Els èn dumandads sin la fiera da lavur. Las cundiziuns d’engaschament vegnan regladas tras in contract collectiv da lavur.
Pretensiuns e interess
- Inschign manual
- Imaginaziun tridimensiunala
- Moda da lavurar conscienziusa ed exacta
- Senn per estetica
- Chapientscha tecnica
- Gronda toleranza da canera
- Resistenza corporala
- Abilitad da lavurar en in team
- Lavurar cun ils mauns
- Elavurar metal
- Lavurar en moda exacta
- Esser corporalmain activ
Scolaziun
En ina tolaria da carossaria
1 di per emna a la scola professiunala
Emprender ed exercitar a moda pratica la basa professiunala
4 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Stagner / Stagnera da carossaria AFQ
Furmaziun cuntinuonta
Curs
purschidas dal Schweiz. Carrosserieverband VSCI, da produciders d’isegls spezials e da scolas professiunalas
Certificat da la branscha:
- spezialist da carossaria (tolaria)
- coordinatura da lavuratori d'autos (branscha da carossaria)
- restauratur (tolaria da carossarias)
- cussegliadra da restauraziun
Examen professiunal (EP)
Cun diplom federal:
- schef dal lavuratori (direcziun tolaria da carossaria)
- restauratura da vehichels (direcziun tolaria da carossaria)
Examen professiunal superiur (EPS)
Mainafatschenta carossaria dipl.
Scola auta spezialisada (SAS)
p.ex. Bachelor of Science (SAS) en tecnica d’automobils e vehichels. Tut tenor scola auta spezialisada valan differentas cundiziuns d'admissiun.
Spezialisaziun
sco expert / experta da donns, furmaziun supplementara tar ina societad d’assicuranzas
Professiuns sumegliantas
