![[object Object],[object Object]](https://media.sdbb.ch/transform/465202c8-c1d9-48cb-9b02-d7a52ff735f6/Meca-maintenance-LL-0035-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 800.–
3. onn d’emprendissadi: CHF 1100.–
Sco spezialista u spezialist d'autos controlleschas, mantegnas e reparas ti autos da persunas u vehichels utilitars. Ti remplazzas parts mecanicas defectas u isadas sco er cumponentas electricas u electronicas. Uschia procuras ti che vehichels da benzin, da diesel, electrics u ibrids funcziunan en moda irreproschabla e segira.
Incumbensas
- examinar sistems d'ieli, da sfradentar e da franar, controllar ed emplenir ils stadis da liquids
- controllar il stadi dals pneus, las rodas, la suspensiun da las rodas, ils paraculps ed il guvernagl
- examinar il mecanissem, l'accuplament sco er il sistem da tracziun (tracziun da combustiun, electrica u ibrida) da las rodas
- giuditgar ils frains sin il banc da prova da frains; controllar l'accuplament da sella, l'accuplament da char annex e surconstrucziuns da camiuns e d'auters vehichels utilitars, remplazzar las parts electropneumaticas sco ventils
- duvrar differents apparats da controlla, leger ed interpretar messadis da sbagls e valurs d'apparats da cumond
- mantegnair il sistem da tracziun electric e sias cumponentas en connex cun vehichels electrics ed ibrids
- controllar l'illuminaziun ed ils sbrinzladers, installar ulteriuras bischlas da contact tar chars annexs
- mantegnair l'indriz da climatisaziun
- examinar e mantegnair las battarias d'aviader
- controllar e mantegnair sistems da segirezza u da confort cun agid d'apparats da controlla, sco sistem antibloccant, airbag u auzafanestras electrics
- controllar e programmar sistems da navigaziun e da multimedia, p.ex. visualisaziuns multifuncziunalas, sensurs, navigaziun u sistems d'audio
- reparar u remplazzar elements dal sistem d'ieli, da sfradentar, d'assistenza da manischar u da franar
- remplazzar parts isadas dal sistem da franar, sco solas dal frain
- reparar sistems dal schassis sco suspensiun e guvernagl, remplazzar parts
- controllar e mantegnair il sistem da purificaziun da svapurs
- demontar e montar mecanissems ed alvers da tracziun, remplazzar l'accuplament
- dismetter ils ruments en moda ecologica
Ambient da lavur
Sco spezialista u spezialist d'autos lavuras ti en in team en ina garascha cun uras da lavur regularas. En fatschentas da tocs da reserva ed en garaschas pli pitschnas has ti savens contact cun la clientella. Mintgatant exequeschas ti servetschs da pannas ordaifer il lavuratori. Tar il servetsch da pannas stos ti er lavurar la notg e la fin d'emna. Per lavurar vi da sistems da tracziun moderns dovras ti savens utensils spezials, apparats da diagnosa ed il computer. Tut tenor l'incumbensa portas ti in equipament da protecziun, sco protecziun d'udida e guants isolants.
Ti lavuras en garaschas, en filialas da gronds producents, tar commerziants da marca sco er en manaschis da service che porschan il mantegniment e simplas reparaturas. Er tar interpresas da transport e da midada, firmas grondas u administraziuns publicas che mantegnan lur vehichels chattas ti engaschaments. Ti pos lavurar per ina u per pliras marcas d'autos u ta spezialisar sin in tip da vehichel.
Pretensiuns e interess
- Inschign manual
- Abilitad da s'adattar a novas tecnologias
- Chapientscha tecnica
- Moda da lavurar sistematica
- Abilitad da lavurar en in team
- Gronda toleranza da canera
- Resistenza corporala
- Schliar incumbensas tecnicas
- Lavurar cun ils mauns
- Lavurar cun maschinas
- Esser corporalmain activ
Scolaziun
furmaziun pratica en ina garascha: 3 fin 4 dis per emna
1 fin 2 dis per emna en las scolas professiunalas spezialisadas chantunalas
en plirs chantuns en ils centers da scolaziun da l'Uniun professiunala svizra da l'automobil (UPSA): 40 dis durant 3 onns
3 onns
- autos da persunas
- vehichels utilitars
- terminà la scola obligatorica
- test da qualificaziun UPSA
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista d'autos AFQ cun indicaziun dal sectur professiunal
L'examen da manischar è ina part da la scolaziun. Ils manaschis d'emprendissadi surpiglian ils custs per 15 lecziuns d'ir cun auto praticas.
Furmaziun cuntinuonta
Curs
- purschidas da l'Uniun professiunala svizra da l'automobil (UPSA).
Emprendissadi supplementar
- Mecatronist / Mecatronista d'autos AFQ
Emprendissadi supplementar
Sco spezialista u spezialist d'autos pos ti per regla far in emprendissadi scursanì da mecatronista u mecatronist d'automobils AFQ.
Certificat da branscha / furmaziun supplementara specifica
- diplom experta u expert da traffic da l'Associaziun dals uffizis per il traffic sin via (ASA)
Examen professiunal (EP)
- Coordinatur / Coordinatura da lavuratoris d'autos EP
- Diagnosticher / Diagnosticra d'autos EP
- Cussegliader / Cussegliadra da service d'autos EP
- Cussegliader / Cussegliadra da vendita d'autos EP
- Gidanter stradal / Gidantra stradala EP
- Restauratur / Restauratura da vehichels EP
Examen professiunal superiur (EPS)
- Econom / Economa da manaschi en il sectur d'automobils, EPS
Carriera en l'industria d'autos | tut las furmaziuns supplementaras en survista
Scola auta spezialisada (SAS)
- Bachelor of science en tecnica d'automobils e da vehichels
Tut tenor la scola auta spezialisada valan differentas cundiziuns d'admissiun.
Professiuns sumegliantas
