Mecanist da maschinas da construcziun AFQ
Mecanista da maschinas da construcziun AFQ
Correspunda questa professiun a mai?![[object Object],[object Object]](https://media.sdbb.ch/transform/3eefb5c6-c4a8-45c4-817e-d51034e4563e/11_Baumachinenmechanikerin_LV-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
3. onn d’emprendissadi: CHF 1100.–
4. onn d’emprendissadi: CHF 1300.–
Las mecanistas ed ils mecanists da maschinas da construcziun lavuran en la construcziun auta e bassa. Ellas ed els construeschan, mantegnan e repareschan vehichels, maschinas ed apparats, cun ils quals vegnan transportadas ed auzadas materialias. Quai pon esser p.ex. splattitschas, cranas, betunieras, chavaterras u cupitgaders. Questas maschinas èn savens equipadas cun elements electrotecnics u pneumatics.
Incumbensas
- discurrer cun il possessur per chapir il problem
- interpretar las explicaziuns da l'utilisadra u l'utilisader, p.ex. ramurs nunusitadas, fim u funcziuns falladas da tscherts sistems
- utilisar apparats da mesiraziun per chattar or il motiv exact per il disturbi
- far ina glista dals tocs che ston vegnir remplazzads u empustads
- far lavurs da mantegniment regularas, cunzunt l'enviern, p.ex. montar u demontar indrizs ubain reparar u remplazzar tocs isads
- elavurar u producir tocs a maun u maschinalmain cun agid da differentas tecnicas, p.ex. resgiar, tagliar cun flomma, furar u buglir
- controllar, sch'il vehichel u la maschina funcziuna correctamain
- controllar las prescripziuns legalas
- controllar u reparar il sistem electric, pneumatic u da pressiun idraulica d'ina maschina tenor las indicaziuns dal producent
- cussegliar la clientella en dumondas tecnicas, tar la cumpra u tar la vendita da maschinas da construcziun
- adattar novas maschinas als basegns specifics da la cumpradra u dal cumprader
Ambient da lavur
Mecanistas e mecanists da maschinas da construcziun lavuran en interpresas che produceschan, vendan u repareschan maschinas da construcziun. Las persunas da professiun lavuran sulettas u en pitschens teams en in lavuratori da reparaturas. Ellas ed els van er sin plazzals per reparar maschinas ed apparats defects.
Lur temps da lavur èn il pli savens regulars. Oravant tut durant ils mais da stad datti savens blera lavur ed ils dis da lavur pon perquai esser pli lungs.
Mecanistas e mecanists da maschinas da construcziun pon sa spezialisar sin in tschert tip da vehichel u sin ina tscherta marca. Cun pli e pli experientscha pon ellas ed els manar in lavuratori u lavurar en moda independenta.
Pretensiuns e interess
- Inschign manual
- Moda da lavurar independenta
- Chapientscha tecnica
- Moda da lavurar sistematica
- Resistenza corporala
- Gronda toleranza da canera
- Dun per cifras
- Plaschair da vender e da cussegliar
- Schliar incumbensas tecnicas
- Elavurar metal
- Lavurar cun ils mauns
- Lavurar cun maschinas
- Esser corporalmain activ
Scolaziun
En lavuratoris per maschinas da construcziun
1 di per emna a la scola professiunala
Emprender la lavur pratica, approfundar ed exercitar las basas professiunalas, 37 dis durant 4 onns.
4 onns
Terminà la scola obligatorica
Tgi che ha fitg bunas prestaziuns da scola, po frequentar la scola da maturitad professiunala durant l'emprendissadi.
Mecanist / Mecanista da maschinas da construcziun AFQ
Furmaziun cuntinuonta
Curs
Purschidas dad AM Suisse e da las scolas professiunalas spezialisadas
Examen professiunal (EP)
P.ex. tecnicista u tecnicist da diagnostica per maschinas da construcziun cun attestat professiunal federal
Examen professiunal superiur (EPS)
P.ex. maistra u maister mecanist da maschinas da construcziun
Scola spezialisada superiura (SSS)
Cun dipl. federal, p.ex. tecnicista u tecnicist da construcziun da maschinas SSS, tecnicista u tecnicist da construcziun en metal e da fatschadas SSS ubain electrotecnicista u electrotecnicist SSS
Scola auta spezialisada (SAS)
Studis en secturs spezials parentads, p.ex. bachelor of science en tecnica d'automobils, en tecnica da maschinas u en electrotecnica. Tut tenor la scola auta spezialisada valan differentas cundiziuns d'admissiun.
Professiuns sumegliantas
