Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Mecanist / Mecanista d’apparats a motor AFQ

Mecanists e mecanistas d’apparats a motor mantegnan e reparan tut las sorts da maschinas ed apparats a motor. Els mainan tras lavurs da service, controlleschan che las maschinas funcziunan e fabritgeschan tocs da reserva.

Lavurs

Mecanists e mecanistas d’apparats a motor mantegnan e reparan maschinas ed apparats a motor che vegnan oravant tut utilisads en la cultivaziun da l’iert ed en la selvicultura, en la pumi- ed en la viticultura, en il servetsch communal e d’enviern e per il nettegiament. Latiers tutgan segapastgets, nettegiaders a pressiun auta, maschinas da rumir naiv, resgias e fautschs a motor, tagliels da maun, maschinas da nettegiar palantschieus e vehichels communals.

Mecanists d’apparats a motor lavuran il pli savens en il lavuratori. Durant la stad repareschan els oravant tut maschinas utilisadas en la cultivaziun da l’iert e l’enviern repareschan els per exempel farguns da naiv e resgias a motor. En tscherts manaschis sa spezialiseschan els ultra da quai sin maschinas che vegnan utilisadas en in sectur spezial.

Mecanists d’apparats a motor repareschan motors da benzin, da diesel e d’electro. Els allontaneschan tocca da motors defecta u isada, demonteschan ella en tocca singula, nettegian ella e remplazzan la tocca defecta. Sche la tocca n’è betg da retrair sin termin, produceschan els sezs quella. Els dumognan las tecnicas ch’i dovra latiers: furar, struvegiar e buglir. Suenter la reparatura fan els la controlla da segirtad electrica.

Mecanists d’apparats a motor mainan tras lavurs da controlla e da service. Els exequeschan lavurs da rutina sco midar ventils, stuppadiras e chandailas, midar l’ieli dal motor, nettegiar filters e mular cuntels. Tar vehichels controlleschan els il motor, l’accuplament, il pilotadi ed ils frains, mantegnan il schassis e controlleschan l’electronica.

Lavur corporala tutga tar il mintgadi, però dovran mecanists d’apparats a motor er ina gronda abilitad da la detta, per exempel durant regular la precisiun dals envidaders e dals carburaturs. Cun apparats da diagnosa dirigids dal computer e sensurs chattan els la raschun per disturbis en ils sistems electronics, mecanics u idraulics. Tar maschinas cumplitgadas vegnan en funcziun ils manuals dals apparats, plans da las tavlas electricas e lur funcziuns sco er protocols d’examinaziun.

Tar lur lavur resguardan mecanists d’apparats a motor las prescripziuns da segirezza, las prescripziuns sanitaras e da la protecziun da l’ambient. Els preparan ils apparats tenor las directivas legalas.

Scolaziun

Basa legala

Ordinaziun federala 25-10-2006

Durada

4 onns

Furmaziun en la pratica

en in lavuratori da reparaturas

Furmaziun en scola

1 di per emna a la scola professiunala (instrucziun communabla cun mecanists / mecanistas da maschinas da construcziun e mecanists / mecanistas da maschinas agriculas AFQ)

Roms professiunals

  • cumpetenzas che surpassan la professiun
  • prescripziuns
  • tecnica da las lunghezzas e tecnica da controlla
  • tecnica da fabricaziun
  • basa da la tecnica da fluid
  • idraulica
  • instrucziun da material
  • informatica
  • elements da maschinas
  • schassis
  • pilotadis / frains
  • segirezza / confort
  • infurmaziuns tecnicas
  • basa da l’electrotecnica
  • indrizs tecnics
  • motors termics
  • quint / fisica
  • lavurs spezialisadas professiunalas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "mecanist / mecanista d’apparats a motor AFQ"

Premissas

Furmaziun preliminara
  • scola populara terminada
  • bunas prestaziuns en geometria e matematica
Pretensiuns
  • inschign manual
  • enclegientscha tecnica
  • bun dun receptiv
  • moda da lavur autonoma
  • fidadadad e senn per responsabladad
  • buna sanadad e constituziun robusta
  • plaschair vi dal contact cun la clientella

Furmaziun supplementara

Curs

purschidas dal center da furmaziun da l’Uniun svizra dal Metal e da scolas spezialisadas professiunalas

Furmaziun da basa scursanida

mecatronist / mecatronista d'automobils AFQ

Examen professiunal (EP)

manader / manadra da lavuratori d’apparats a motor cun certificat professiunal federal

Examen professiunal superiur (EPS)

maister mecanist / maistra mecanista d’apparats a motor

Scola spezialisada superiura (SSS)

p.ex. tecnicist / tecnicista dipl. construcziun da maschinas, tecnicist / tecnicista dipl. da construcziun en metal, tecnicist / tecnicista dipl. electrotecnica

Scola auta spezialisada

studis en direcziuns spezialas parentadas, p.ex. Bachelor of Science SAS) en tecnica d’automobils, en tecnica da maschinas u en electrotecnica

Cundiziuns da lavur

Mecanists d’apparats a motor lavuran en lavuratoris da reparatura per motors, tar firmas d’import d’apparats a motor u tar lavuratoris communals da las vischnancas.

Grazia a lur scolaziun vasta èn mecanists d’apparats a motor persunas dal fatg tschertgadas. Sper la lavur sin il sectur emprendì chattan els er plazzas da lavur en l’industria e sin montascha en Svizra u a l’exteriur.

Ulteriuras infurmaziuns

AM Suisse
Uniun da professiun Agrotec Suisse
Chräjeninsel 2
3270 Aarberg
Tel: 032 391 99 44
URL: www.smu.ch

Infurmaziuns davart las furmaziuns da basa da la tecnica agrara:
URL: www.go4mechanic.ch

ch-motorist.ch
Plattafurma dals commerziants spezialisads d'apparats a motor
URL: www.ch-motorist.ch



berufsberatung.ch