Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch ist das Portal am Freitag, 22. November ab 18.00 Uhr bis Samstag, 23. November 08.00 Uhr nicht verfügbar.

Tecnolog / Tecnologa da medias AFQ

Tecnologs e tecnologas da medias fabritgeschan products sin il sectur da print e medias digitalas. Els planiseschan e coordineschan incumbensas, elavuran datas da stampa , endrizzan las maschinas e surveglian la producziun.

Lavurs

Tecnologs da medias creeschan products sin il sectur da print e medias digitalas: gasettas, revistas, prospects, flyers u placats. Stampar palpiri, chartun, folias ed autras materialias è lur lavur principala.

Tecnologas da medias surpiglian incumbensas da clients, planiseschan la producziun e coordineschan las lavurs. Quai fan els tant cun las partiziuns che surdattan u surprendan il product sco la fasa da stampa preliminara e l'evaluaziun ulteriura sco cun furniturs e partenaris da spediziun.

Tecnologs da medias surveglian, elavuran ed optimeschan las datas da stampa. Uschè segireschan els in resultat da squitsch optimal. Els endrizzan las maschinas ed ils sistems da squitsch ed exequeschan tut las lavurs da preparaziun.

Tecnologas da medias surveglian il process da squitsch e prendan las dretgas mesiras tar interrupziuns u disturbis. Simplas elavuraziuns ulteriuras exequeschan ils tecnologs da medias gest uschè independentamain sco incumbensas da spediziun.

Tut tenor direcziun as differenzieschan las structuras da manaschi, las tecnologias da squitsch ed ils products: Tecnologs da medias da la direcziun print applitgeschan differentas tecnologias da squitsch en ils manaschis artisanals u industrials. Per il solit lavuran als cun gronds e cumplex sistems da squitsch da la stampa da offset u da la stampa digitala. Els surveglian il process da squitsch, controlleschan la qualitad cun tecnicas da mesirar ed interprendan optimaziuns. Savens èn els occupads en lavur en squadras.

En la direcziun tecnica da medias stampadas elavuran tecnologas da medias incumbensas da squitsch digital en grond u pitschen format. Els accumpognan las incumbensas da squitsch dal discurs cun il client, preparan las datas da squitsch e furneschan ils products finals. Sin giavisch persunaliseschan els las datas da squitsch u creeschan layouts tenor directivas da coporate-design.

Sco spezialists per incumbensas spezialas da squitsch stampan tecnologs da medias da la direcziun serigrafia differents materials. Els èn ils artisans sin il sectur da squitsch e maschaidan a maun las colurs. Els lavuran en manaschis artisanals ed industrials.

Scolaziun

Basa legala

Ordinaziun federala 12-10-2018

Durada

4 onns

Direcziuns

  • print
  • tecnica da medias stampadas
  • serigrafia

Furmaziun en la pratica

En in manaschi da squitsch

Furmaziun en scola

1 enfin 2 dis per emna a la scola professiunala

Roms professiunals

  • Realisar mesiras da producziun
  • planisar u preparar las lavurs: elavurar datas
  • realisar incumbensas da squitsch
  • exequir elavuraziuns ulteriuras e lavurs posteriuras
  • mantegnair las maschinas da squitsch: accumpagnar e cussegliar las clientas ed ils clients
  • Curs ordaifer il manaschi

    Emprender a moda pratica ed exercitar la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "tecnolog / tecnologa da medias AFQ"

Premissas

Furmaziun preliminara
  • Scola obligatorica terminada cun autas premissas
Pretensiuns
  • enclegientscha tecnica
  • senn per creaziun e per colurs
  • nagina difficultad da vesair colurs
  • nagina sensibilitad en connex cun canera
  • naginas allergias en connex cun colurs e dissolvents
  • aut senn da responsabladad
  • pensar ed agir che s'orientescha a la clientella ed a l'ambient
  • moda da lavur exacta e fidada
  • abilitad da sa concentrar
  • abilitad da lavurar en ina gruppa

Furmaziun supplementara

Curs

purschidas da scolas professiunalas e da las associaziuns professiunalas viscom, syndicom, syna, VWP u Copyprintsuisse

Examen professiunal (EP)

commerziant/a da tipografia cun certificat professiunal federal (CFP), spezialist/a per l’elavuraziun da medias stampadas CFP, spezialist/a da manaschi tecnologia da stampar e d’emballadi CFP

Examen professiunal superiur (EPS)

Manager/ra da publicaziun cun diplom federal

Scola spezialisada superiura (SSS)

Tecnicist/a dipl. SSS medias

Scola auta spezialisada (SAS)

Bachelor of Science (SAS) en inschigneria da medias

Cundiziuns da lavur

Tecnologs da medias lavuran en manaschis artisanals ed industrials, en copyshops e serigrafias.

Glieud da professiun en il sectur print èn savens occupads en temp da lavur en squadra.

Ulteriuras infurmaziuns

viscom - swiss print & communication association
Tel: 058 225 55 00
URL: www.viscom.ch

Paritätische Berufsbildungsstelle für visuelle Kommunikation PBS
Tel: 031 372 28 28
URL: www.pbs-opf.ch

Verband Werbetechnik + Print
Geschäftsstelle VWP
Werdenstr. 70
9472 Grabs
Tel. +41 81 750 35 88
URL: www.verband-werbetechnikprint.ch

COPYPRINTSUISSE
Sekretariat
Entfelderstr. 1
5000 Aarau
Tel: 062 834 93 00
URL: www.copyprintsuisse.ch



berufsberatung.ch