Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Practicist / Practicista da medias stampadas AFP

Practicistas e practicists da medias stampadas AFP lavuran en manaschis da l'industria da stampa. Els gidan ils spezialists durant la producziun da gasettas, da cudeschs e dad autras medias stampadas.

Lavurs

Practicistas e practicists da medias stampadas produceschan medias stampadas sco gasettas, broschuras, flyers e cudeschs. Els lavuran en in team e gidan ils spezialists d'exequir lavurs simplas. Els enconuschan ils privels en in manaschi e protegian la sanadad e l'ambient. Per exempel tractan els cun precauziun las chemicalias. Tut tenor Accent surpiglian els differentas incumbensas: en la stampa sin artgas da palpiri endrizzan els las maschinas che stampan artgas e cudeschs. Els surveglian las maschinas ed intervegnan en cas da disturbis. Practicists da medias stampadas preparan las colurs da stampar ed administreschan il deposit da palpiri.

En la stampa sin rollas da palpiri lavuran els cun maschinas da stampa d'offset, d'etichettas u da formulars. Els preparan las rollas da palpiri e las pendan en las maschinas. Durant che las maschinas èn en funcziun surveglian els la producziun. Plinavant s'occupan els da las colurs e dal deposit da las rollas.

En la serigrafia stampan els plattas, buttiglias, t-shirts ed objects sumegliants. Els lavuran savens cun ils mauns e vi da maschinas mez e cumplettamain automaticas. Per la stampa dovran els culs ch'els han producì sezs.

En l'accent chartunascha ed emballadi endrizzan practicists da medias stampadas las maschinas da tagliar e da stanzar. Els surveglian la producziun e controlleschan il product final.

En la finiziun dals stampads exequeschan els lavurs simplas en la liaria. Els manischeschan maschinas da faudar, tagliar e rimnar ils palpiris. Els surveglian la producziun, controlleschan il cudesch final ed al emballeschan per la spediziun.

En la tecnica da reclama produceschan els products per far reclama e per infurmar ed orientar, sco per exempel etichettaziuns per autos, stadions da sport u vitrinas.

Scolaziun

Basa legala

Ordinaziun federala 3-5-2011

Durada

2 onns

Accents

  • stampa sin artgas da palpiri
  • stampa sin rollas da palpiri
  • serigrafia
  • chartunascha ed emballadi
  • finiziun dals stampads
  • tecnica da reclama

Furmaziun en la pratica

En in'interpresa da grafica che scolescha l'accent giavischada

Furmaziun en scola

1 di l'emna a la scola professiunala

Roms professiunals

  • segirezza da la lavur
  • protecziun da la sanadad e da l'ambient
  • producir medias stampadas
  • Curs ordaifer il manaschi

    Emprender ed exercitar las basa professiunalas a moda pratica

    Diplom

    Attestat federal professiunal "practicist / practicista da medias stampadas AFP"

Premissas

Furmaziun preliminara
  • scola populara terminada
Pretensiuns
  • plaschair da maschinas
  • chapientscha da la tecnica
  • dun pratic
  • plaschair da lavurar en in team
  • naginas allergias da dissolvents e colurs
  • buna disposiziun e forza corporala, p.ex. per auzar chargias e lavurar en pe

Furmaziun supplementara

Curs

purschidas da federaziuns e d'associaziun professiunalas

Operatur / Operatura da medias stampadas AFQ

Practicists da medias stampadas pon far ina furmaziun da basa scursanida sco operaturs da medias stampadas AFQ, tecnologs da stampa AFQ u creaders (da tecnica) da reclama AFQ (access al segund  onn da la furmaziun da basa).

Suenter han els las medemas pussaivladads da furmaziun supplementara sco las professiuns AFQ correspundentas.

Cundiziuns da lavur

Practicists da medias stampadas lavuran en differents manaschis da l'industria da stampa. Per exempel lavuran els en stampas, stampas da finiziuns da stampads, stampas da serigrafia, liarias da cudeschs, en la chartunascha u en fatschentas per tecnica da reclama.

Tut tenor accent e manaschi  lavuran practicists da medias stampadas era las fins d'emna e durant la notg.

Ulteriuras infurmaziuns

Biro paritetic da la furmaziun professiunala per la communicaziun visuala PBS
3000 Berna 7
Tel: 031 372 28 28
URL: www.pbs-opf.ch

Associaziun tecnica da reclama + Print
Secretariat VWP
9472 Grabs
Tel: 081 750 35 88
URL: www.v-w-p.ch

viscom – swiss print & communication association
3000 Berna 7
Tel: 058 225 55 00
URL: www.viscom.ch



berufsberatung.ch