Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Mittwoch, 14. November zwischen 18:00 Uhr und 21:00 Uhr zu einzelnen Ausfällen kommen.

Tecnolog / Tecnologa da stampa AFQ

Tecnologs e tecnologas da stampa produceschan differents products da stampa e reprografia. Els planiseschan la producziun, endrizzan las maschinas e surveglian la producziun.

Lavurs

Tecnologs e tecnologas da stampa stampan different material cun texts e maletgs. Els prendan encunter incumbensas da la clientella u da la preparaziun per la stampa, endrizzan las maschinas, prendan la mesira per las colurs, stendan en il material da stampar, surveglian il process da stampa ed intervegnan tar disturbis.

Tut tenor direcziun speziala sa differenzieschan lur champs d’incumbensas. Tecnologs da stampa da la direcziun speziala stampa d’artgas produceschan stampads da fatschentas e da reclama, prospects, placats, chalenders u emballadis. Els produceschan ils products d’ina u pliras colurs cun maschinas da stampa d’offset cun gronda prestaziun. Per mintga incumbensa ston els installar e programmar las maschinas da nov, metter en las artgas da palpiri ed adattar las colurs. Il squitsch surveglian els cun tecnicas da mesiraziun modernas.

Stampats cun bleras ediziuns sco gasettas, illustradas u emballadis vegnan producids cun tecnologs da stampa da la direcziun speziala stampa a rollas. Sin ina rolla èn fin 20'000 meters palpiri. Las rollas da palpiri che paisan bleras tonnas stampan, taglian u faudan els cun maschinas ed apparats correspundents.

Tecnologs da stampa da la direcziun speziala serigrafia lavuran surtut manual ed han in bun egl per colurs. En cumparegliaziun cun autras metodas da stampar vegnan tar questa direcziun speziala sper palpiri er stampads metal, materia sintetica, vaider, cheramica e textilias.

Tar la reprografia multiplitgeschan tecnologs da stampa musters analogs u digitals. En centers da stampar copieschan els tranter auter cartas da visita, palpiri da brevs u placats da format grond. Tecnologs da stampa cusseglian la clientella, fan lavurs vi dal computer, mettan en funcziun indrizs da stampar e taglian, faudan u broschan ils products.

Tar lur lavur resguardan ils tecnologs da stampa las prescripziuns da la segirezza da lavur sco er da la protecziun da l’ambient e da la sanadad. Els enconuschan ils privels che sa dattan per exempel tras il diever da chemicalias. Per sa proteger portan els guants e mascras da respiraziun. Els elimineschan products da rument a moda correcta.

Scolaziun

Basa legala

Ordinaziun federala 28-11-2008

Durada

4 onns

Direcziuns

  • stampa d’artgas
  • stampa a rollas
  • serigrafia
  • reprografia

Furmaziun en la pratica

En in manaschi grafic

Furmaziun en scola

1 enfin 2 dis per emna a la scola professiunala

Roms professiunals

  • basa da la tecnologia da stampar
  • materials
  • contact cun la clientella
  • planisaziun e regulaziun da la producziun
  • handling da datas
  • producziun da furmas
  • stampar
  • elavuraziun ulteriura
  • Curs ordaifer il manaschi

    basa, producziun da furmas, handling da datas, stampar, stampar, tecnica da mesiraziun

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "tecnolog / tecnologa da stampa AFQ"

Premissas

Furmaziun preliminara
  • scola populara terminada, stgalim da scola aut giavischà
  • test da qualificaziun vegn recumandà, annunzia tar viscom – swiss print & communication association
Pretensiuns
  • dun pratic resp. inschign manual
  • enclegientscha tecnica ed interess per mecanica, electrotecnica, fisica e chemia
  • senn per creaziun resp. per colurs e furmas
  • nagina difficultad da vesair colurs
  • nagina sursensibilitad en connex cun canera, naginas allergias en connex cun colurs e dissolvents
  • forza corporala
  • senn da responsabladad (pensar ed agir che s’orientescha a la clientella ed a l’ambient)
  • moda da lavur exacta e fidada
  • abilitad da sa concentrar
  • autonomia
  • abilitad da lavurar en ina gruppa

Furmaziun supplementara

Curs

purschidas da scolas professiunalas e da las associaziuns professiunalas viscom, VWP e Copyprintsuisse sco er dal sindicat syndicom

Examen professiunal (EP)

cun certificat professiunal federal (CPF): commerziant / commerzianta da tipografia, spezialist / spezialista per l’elavuraziun da medias stampadas, spezialist / spezialista da manaschi tecnologia da stampar e d’emballadi; u secturs parentads p. ex. poligraf / poligrafa tecno

Examen professiunal superiur (EPS)

manager / managera da publicaziun cun diplom federal

Scola spezialisada superiura (SSS)

tecnicist / tecnicista dipl. SSS medias

Scola auta spezialisada (SAS)

Bachelor of Science (SAS) en inschigneria da medias

Cundiziuns da lavur

Tecnologs da stampa surpiglian tut tenor direcziun speziala, grondezza ed indrizs dal manaschi differentas incumbensas. En il sectur stampa a rollas ston els er quintar cun temp da lavur en squadra.

La purschida da plazzas d’emprendissadi è tut tenor direcziun differenta. En il sectur stampa d’artgas e stampa a rollas èn a disposiziun dapli plazzas che en la serigrafia e la reprografia.

Ulteriuras infurmaziuns

viscom - swiss print & communication association
Tel: 058 225 55 00
URL: www.viscom.ch

Paritätische Berufsbildungsstelle für visuelle Kommunikation PBS
Tel: 031 372 28 28
URL: www.pbs-opf.ch

Verband der Schweizer Druckindustrie VSD
Tel: 031 351 15 11
URL: www.vsd.ch

Verband Werbetechnik + Print
Geschäftsstelle VWP
Tel: 081 750 35 88
URL: www.v-w-p.ch

COPYPRINTSUISSE
Sekretariat
Tel: 062 834 93 00
URL: www.copyprintsuisse.ch



berufsberatung.ch