![[object Object],[object Object]](https://media.sdbb.ch/transform/5ffbd3da-d639-42cb-8340-22d6ed805dd7/07_Verpackungstechnologin_IK-jpg?io=transform:fill,width:740,height:490)
Tecnologs e tecnologas d’emballadi sviluppeschan e produceschan emballadis. Els èn ils spezialists per pachetar rauba da tuts geners. Els èn cumpigliads en l’entira producziun, davent dal svilup sur la planisaziun enfin la producziun.
Incumbensas
- cussegliar la clientella en connex cun pachetadis, p.ex. per l'emballadi da mangiativas, stgatlas da parfum u pachetadis da medicaments
- sviluppar e producir ils pachetadis ed als controllar permanentamain
- elavurar basas per la calculaziun d'emballadis
- definir la furma ed il material da l'emballadi tenor ils giavischs da la clientella
- far dissegns tecnics, prototips e musters sco era realisar serias da test
- coordinar las lavurs cun auters manaschis
- controllar ils documents d'incumbensa ed ils materials
- endrizzar las maschinas da producziun
- survegliar e documentar la producziun
- mantegnair ils indrizs e las maschinas per la producziun
- garantir la segirezza da lavur e las mesiras per la protecziun da sanadad ed ambient durant la producziun
Ambient da lavur
Tecnologs e tecnologas d’emballadi lavuran en manaschis industrials da svilup e producziun d'emballadi. Els èn conresponsabels per l’observaziun da las autas pretensiuns da la tecnica d’emballadi pertutgant qualitad, protecziun da l’ambient, segirezza ed igiena. Els èn plinavant abels da supportar squitsch, cunquai ch’els ston quintar da far lavur en squadra (lavur baud la damaun u la saira).
Pretensiuns e interess
- Abilitad da s'adattar a novas tecnologias
- Abilitad da lavurar en in team
- Talent da dissegnar
- Imaginaziun tridimensiunala
- Gronda toleranza da canera
- Creativitad
- Chapientscha tecnica
- Moda da lavurar sistematica
- Lavurar en moda exacta
- Schliar incumbensas tecnicas
- Lavurar cun maschinas
- Lavurar cun taila, tgirom e palpiri
Scolaziun
En in manaschi da l'industria d'emballadi.
1 di per emna en la scola professiunala.
Emprender ed exercitar a moda pratica la basa professiunala, 16 dis durant 4 onns.
4 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Tecnolog / Tecnologa d’emballadi AFQ
Furmaziun cuntinuonta
Curs
Purschidas da scolas professiunalas ed associaziuns professiunalas
Examen professiunal (EP)
Spezialist / spezialista da manaschi tecnologia da squitsch e d’emballadi cun certificat professiunal federal
Examen professiunal superiur (EPS)
Packing manager / packing managera cun diplom federal
Scola spezialisada superiura (SSS)
Tecnicist / tecnicista dipl. SSS medias, creader / creadra dipl. SSS design da product
Scola auta spezialisada
Cun furmaziun preliminara correspundenta
P.ex. Bachelor of Science (SAS) en inschigneria da medias, Bachelor of Arts (SAS) en design da product ed industria
Professiuns sumegliantas
