Practicista da medias stampadas AFP
Practicist da medias stampadas AFP
![[object Object],[object Object]](https://media.sdbb.ch/transform/51a285e8-a6f0-49a5-ad6e-579cdd43fbab/drucktechnologe-cb-3025-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
Practicistas e practicists da medias stampadas fan cudeschs, emballadis, etichettas e products da reclama. Ellas ed els giusteschan differentas maschinas da stampar ed elegian colur e material. Las persunas da questa professiun stampan musters e surveglian la producziun. Ultra da quai nettegian e reparan ellas las maschinas.
Incumbensas
- prender encunter las incumbensas e controllar las datas stampadas
- eleger il material, p.ex. palpiri, chartun u rollas da palpiri
- fixar la quantitad da palpiri
- maschadar las tintas
- configurar maschinas da stampar, p.ex. emplenir palpiri u colur
- far la serigrafia, p.ex. a maun, en moda mez automatica u automatica
- nettegiar, preparar e collar tailas
- far stampats d'emprova
- cumenzar e survegliar process da stampa ed intervegnir en cas da problems
- preparar maschinas da tagliar e maschinas da faudar
- producir e controllar musters
- cumenzar e survegliar la producziun
- identifitgar ed annunziar problems
- liar, tagliar, metter ensemen e pachetar products
- producir products da reclama, p.ex. tavlas da reclama u tatgaders per l'auto
- controllar musters
- survegliar la producziun
- identifitgar ed annunziar disturbis e problems
- munir objects cun reclama, p.ex. autos u vitrinas
- scriver rapports da lavur, p.ex. cun ediziun u cun dumber da products stampads
- administrar magasins, p.ex. quantitad da palpiri, da chartun u da colurs da stampa
- nettegiar ils apparats
Ambient da lavur
Practicistas e practicists da medias stampadas lavuran en lavuratoris u en stamparias. Ellas ed els gidan ils tipografs d'emballadi, las creadras da tecnica da publicitad, ils tecnologs da liar, las tecnologas da medias u ils equipaders da stampa tar lur lavur. Las persunas da questa professiun ston pudair supportar canera da maschinas ed esser corporalmain fittas. Lavur da notg è pussaivla.
Practicistas e practicists da medias stampadas chattan plazzas en manaschis da stampa, da serigrafia u da tecnica da publicitad. Las persunas da questa professiun lavuran cun maschinas cumplexas, che dovran curs spezials.
Pretensiuns e interess
- Inschign manual
- Moda da lavurar sistematica
- Moda da lavurar conscienziusa ed exacta
- Nagins disturbis da vesair colurs
- Abilitad da s'adattar a novas tecnologias
- Gronda toleranza da canera
- Abilitad da lavurar en in team
- Lavurar en moda exacta
- Lavurar cun taila, tgirom e palpiri
- Lavurar cun maschinas
- Schliar incumbensas tecnicas
Scolaziun
En in manaschi grafic che porscha la scolaziun d'accent.
1 di per emna en la scola professiunala spezialisada.
Emprender, approfundar ed exercitar las basas professiunalas, 4 dis durant 2 onns.
Albisbrunn, Hausen am Albis (ZH)
2 onns
- Elavuraziun ulteriura e producziun da pachetadis
- Tecnica da reclama
Terminà la scola obligatorica
Practicist / Practicista da medias stampadas AFP
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas e da www.dpsuisse.ch.
Emprendissadi supplementar
Practicistas e practicists da medias stampadas AFP pon per regla far in emprendissadi scursanì sco tecnologa u tecnolog da liar AFQ, equipadra u equipader da stampa AFQ, creadra u creader da publicitad AFQ, tecnologa u tecnolog da medias AFQ ubain tipografa u tipograf d'emballadi AFQ.
Suenter pon vegnir absolvidas las medemas furmaziuns supplementaras sco per las furmaziuns da basa respectivas cun AFQ.
Professiuns sumegliantas
