Pulitura AFP
Pulitur AFP
![[object Object],[object Object]](https://media.sdbb.ch/transform/1497eb72-6693-4f5d-99e9-b2294eb404bf/polisseur_WJ_054-jpg?io=transform:fill,width:740,height:490)
1. onn d’emprendissadi: CHF 596–894.–
2. onn d’emprendissadi: CHF 894–1192.–
Pulituras e puliturs dattan la davosa glimada a las chaschas ed als bratschlets dad uras ed a bischutaria. Els nettegian, puleschan e tgiran las surfatschas d'aur, d'argient e dad auters metals.
Incumbensas
- far il plan da lavur ed eleger il proceder d'elavuraziun
- plazzar la tocca ed endrizzar las maschina
- nettegiar e prepulir la tocca da las uras e da la bischutaria ord la producziun ed allontanar las gronda part da las malgulivezzas
- determinar las surfatschas che restan smortas e tge chantuns che duajan avair urs gizs
- pulir las surfatschas dals tocs en elavuraziun cun agid da guaffens a maun u cun maschinas
- far lavurs da precisiun, per exempel cun sablunaders e bastuns da pulir
- pulir las uras ed ils tocs da bischutaria e guardar che las surfatschas traglischian u sa mussian smortas
- controllar la qualitad, examinar cun guaffens da mesira sche la grondezza da la tocca constettia
- nettegiar cun precauziun la tocca singula cun aua da savun, dissolvents ed alcohol
- enconuscher las prescripziuns da segirezza al plaz da lavur e las prescripziuns da la protecziun da l'ambient, tractar cun precauziun ils materials prezius sco aur, platin u argient
- tegnair net il plaz da lavur, mantegnair ils guaffens e las maschinas
- dismetter il rument adattà a l'ambient u al reciclar
Ambient da lavur
Puliturs lavuran en ateliers da pulir da l'industria d'uras e da bischutaria. Il martgà da lavur per puliturs è fitg pitschen e sa restrenscha oravant tut sin la Svizra franzosa, en spezial sin il chantun Giura e sin ils chantuns da Genevra e da Neuschatel. En il rest da la Svizra na datti betg bleras purschidas.
Pretensiuns e interess
- Inschign manual
- Moda da lavurar conscienziusa ed exacta
- Buna vesida
- Moda da lavurar svelta
- Exactadad
- Perseveranza e capacitad da tegnair la dira
- Abilitad da sa concentrar
- Lavurar en moda exacta
- Schliar incumbensas tecnicas
- Elavurar metal
- Lavurar endadens
Scolaziun
En in atelier da pulir u en ina fabrica d'uras e bischutaria u en in lavuratori d'aurers
1 di l'emna a la scola professiunala
Tar differents temas
2 onns
Temp da scola obligatoric terminà
Pulitur / Pulitura AFP
Furmaziun cuntinuonta
Curs
Purschidas da l'Associaziun svizra dals patruns da l'industria d'uras, da scolas professiunalas e scolas spezialisadas d'art applitgà
Nobilisader / Nobilisadra d'uras e bischutaria AFQ
Puliturs pon far ina furmaziun da basa scursanida sco nobilisader / nobilisadra d'uras e bischutaria AFQ (access al segund onn da la furmaziun).
Suenter han els las medemas pussaivladads da furmaziun supplementara sco nobilisaders d'uras e bischutaria AFQ.
Professiuns sumegliantas
