Practicist da textilias AFP
Practicista da textilias AFP
![[object Object],[object Object]](https://media.sdbb.ch/transform/da812687-fff3-4cc1-a232-2cba66a6064e/BE_4_Textilpraktiker_MG-jpg?io=transform:fill,width:740,height:490)
1. onn d’emprendissadi: CHF 500–900.–
2. onn d’emprendissadi: CHF 600–1000.–
Practicistas u practicists da textilias collavuran a la fabricaziun da products textils, p.ex. tessids u sugas. Quests products vegnan utilisads vinavant per tarpuns, mobiglias, tendas, applicaziuns tecnicas, raits e chaussas sumegliantas. Ellas ed els mettan en funcziun ils indrizs, surveglian la producziun e controlleschan la qualitad dals products.
Incumbensas
- ir per materia prima en il magasin e controllar tal, p.ex. fil
- preparar chemicalias e las maschadar tenor l'instrucziun, p.ex. meds da colurar, acids u pulvra da lavar
- endrizzar e preparar maschinas ed apparats
- emplenir meds da colurar en las maschinas respectivas
- giustar las maschinas tenor las instrucziuns
- metter en funcziun las maschinas e survegliar la producziun
- intervegnir, sch'i dat disturbis tecnics
- far attenziun, ch'i saja avant maun avunda material en il magasin
- controllar ils products e sche necessari meglierar
- observar las prescripziuns davart la protecziun da la sanadad e davart la protecziun da l'ambient
- controllar products finids
- pachetar products, tatgar si etichettas e magasinar correctamain la rauba
- nettegiar e mantegnair las maschinas
- dismetter chemicalias tenor prescripziuns
Ambient da lavur
Practicistas e practicists da textilias fan per regla lavur en squadras en interpresas industrialas. Ellas ed els lavuran il pli savens ensemen cun tecnologs da textilias che surveglian lur lavurs. Durant tschertas lavurs portan ellas ed els in equipament da protecziun persunala sco guants, egliers u ina protecziun da l'udida.
Practicistas u practicists da textilias lavuran en manaschis da filandaria / suernaria, da la tecnologia da sugas e da sistems d'auzar, da la tessaria, en manaschis da lavurs da stgaina, da surcusida sco er da confecziun e da raffinaziun.
Pretensiuns e interess
- Inschign manual
- Moda da lavurar conscienziusa ed exacta
- Moda da lavurar sistematica
- Gronda toleranza da canera
- Buna vesida
- Abilitad da lavurar en in team
- Lavurar cun taila, tgirom e palpiri
- Lavurar en moda exacta
- Schliar incumbensas tecnicas
- Lavurar cun maschinas
Scolaziun
En in manaschi da l'industria textila
1 di per emna en la scola professiunala spezialisada:
Scola spezialisada svizra da textilias STF, Turitg
Emprender ed exercitar a moda pratica la basa professiunala
2 onns
- Fabricaziun da products textils
- Confecziunament da textilias tecnicas
Terminà la scola obligatorica
Practicist / Practicista da textilias AFP
Furmaziun cuntinuonta
Curs
Purschidas da la Scola spezialisada svizra da textilias STF, stf.ch, e da Swiss Textiles, swisstextiles.ch
Emprendissadi supplementar
Practicists / Practicistas da textilias AFP pon per regla far in emprendissadi scursanì sco Tecnolog / Tecnologa da textilias AFQ.
Suenter pon vegnir absolvidas las medemas furmaziuns supplemen¬taras sco per Tecnolog / Tecnologa da textilias AFQ.
Professiuns sumegliantas
