Equipadra da stampa AFQ
Equipader da stampa AFQ
![[object Object],[object Object]](https://media.sdbb.ch/transform/84303912-8ca1-4b6b-9b1b-2d3b8d777d4b/faconneuse_imprime_V-G_053-jpg-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
3. onn d’emprendissadi: CHF 1100.–
Equipaders ed equipadras da stampa produceschan products sco chalenders, broschuras, plans, prospects, illustradas e gasettas. Els endrizzan surtut indrizs da producziun dirigids electronicamain e planiseschan, dirigian e controlleschan la procedura.
Incumbensas
- producir ord artgas da palpiri stampadas products sco gasettas, illustradas cudeschs, plans, prospects e chalenders
- tagliar e faudar il palpiri, embustir broschuras ed elavurar gasettas
- eleger material e tailas che vegnan stampadas per l'elavuraziun
- resguardar la segirezza da la lavur, la protecziun da sanadad e da l'ambient durant la realisaziun dals products
- lavurar cun auters manaschis e communitgar cun ils collavuraturs e la clientella
- endrizzar e duvrar en moda cumpetenta ils indrizs da producziun che vegna per il solit dirigids electronicamain
- planisar, diriger e controllar proceduras da lavur
- survegliar maschinas e tscherner las dretgas mesiras tar disturbis
- mantegnair las maschinas
Ambient da lavur
Equipaders e equipaderas da stampa lavuran en stamparias, en manaschis da la finiziun dals stampads u en ina liaria. En la finiziun dals stampads vegn il dumber da las plazzas d'emprendissadi a crescher ils proxims onns. Dumandadas sin il martgà da lavur èn persunas flexiblas che pon reagir sin svilups tecnics e ch'èn prontas da surpigliar responsabladad.
Pretensiuns e interess
- Inschign manual
- Nagins disturbis da vesair colurs
- Abilitad da s'adattar a novas tecnologias
- Moda da lavurar conscienziusa ed exacta
- Moda da lavurar sistematica
- Gronda toleranza da canera
- Chapientscha tecnica
- Lavurar cun taila, tgirom e palpiri
- Schliar incumbensas tecnicas
- Lavurar cun maschinas
- Lavurar cun ils mauns
Scolaziun
En ina stamparia, en in manaschi da la finiziun dals stampads u en ina liaria
En media 1½ dis l'emna (2 dis en il 1.onn d'emprendissadi, 1 ½ di en il segund onn d'emprendissadi, 1 di en il 3. onn d'emprendissadi)
Emprender ed exercitar las basas professiunalas a moda pratica
3 onns
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Equipader / Equipadra stampadas AFQ
Furmaziun cuntinuonta
Curs
Purschidas d'associaziuns e scolas spezialisadas e professiunalas
Examen professiunal (EP)
Commerzianta da tipografia cun certificat professiunal federal, spezialist per medias stampadas cun certificat professiunal federal
Examen professiunal superiur (EPS)
Managera da publicaziuns cun diplom federal, manader da fatschenta cun diplom federal
Scola spezialisada superiura (SSS)
Curs da furmaziun en roms parentads, p.ex. tecnicista dipl. SSS medias
Scola auta spezialisada (SAS)
Percurs da studi en roms parentads, p.ex. Bachelor of Science (SAS) en inschigneria da medias. Tut tenor scola auta spezialisada valan autras cundiziuns d'admissiun.
Professiuns sumegliantas
